Second Language

ငယ်ငယ်တုန်းက အင်္ဂလိပ်စာ သင်ခဲ့ရပုံတွေ ပြောပြချင်သေးတယ်။

အမေက လက်ထဲ ပိုက်ဆံမရှိရင် ကိုယ့်ကလေးတွေကို စာ ဖိသင်တော့တာပဲ လို့ ပြောလေ့ရှိတတ်တယ်။ ဘာဖြစ်လို့လဲဆိုတော့ အဖေတို့အမေတို့ ပေးနိုင်တာ ပညာအမွေပဲ ရှိလို့ပါ တဲ့။ ရုန်းကန်ရတဲ့ အချိန်တွေမှာ ကိုယ့်သားသမီးလေးတွေကို စာသင်ပေးရင်း အားတင်းယူပုံရပါတယ်။

ကိုယ့်ကို ကလေးဘဝ အတန်းကျောင်းမတက်ခင်ကတည်းက တီချယ် တီနာအုန်း သင်တဲ့ အင်္ဂလိပ်စကားပြောသင်တန်းကို အမေကိုယ်တိုင် လိုက်ပို့၊ လိုက်စောင့်တာပါ။ ကိုယ်ကလဲ အင်္ဂလိပ်စကား နားယဉ်လွယ်ပုံများ ဂွဒ်တမောနင်း လို့ အသံထွက်နေလို့ နေကုန် ဒီတကြောင်းပဲ သင်နေရတာမျိုး။ အဲဒီတုန်းက အခုလိုလဲ အင်္ဂလိပ်စကားပြောကျောင်းတွေ မများသေးဘူး၊ အတော်ရှားတယ်။

မူကြို အမေ့ကျောင်းမှာလဲ အင်္ဂလိပ်ကပြား ဂါဝန်ဝတ် ဗိုလ်မကြီးက စန္ဒယားတီးပြီး အင်္ဂလိပ်သီချင်းတွေ သင်ပေးခဲ့သေးတယ်။ ကိုယ်ကလဲ သီချင်းလေးတွေကို အမူအရာနဲ့ ကိုယ်လေးယိမ်းပြီး လိုက်ဆို လိုက်လုပ်တတ်ပေမဲ့ အင်္ဂလိပ်စာတော့ ၀ါးနေတာမျိုး။ ပါးစပ်လှုပ်ပြီး အိယောင်ဝါးလုပ်နေတာ။ တခါတလေ တီချယ်ကြီး ဘာတွေ ဆိုနေပါလိမ့်လို့ သူ့ပါးစပ်ကို စူးစိုက်ကြည့်နေသေးတာလေ။ သီချင်းတွေက လွတ်ကုန်ပါပေါ့။

အဖေတို့ အမေတို့က အင်္ဂလိပ်စာကို တော်စေချင်တာမို့ ကျောင်းမှာလဲ သင်၊ အိမ်မှာလဲ သင်။ ၈တန်း ၉တန်းရောက်တော့ ဗြုန်းဆို မြန်မာစာမှ အပ အားလုံး အင်္ဂလိပ်လို သင်ရမယ် ဖြစ်တော့ ဂွကျပြီ။ ဂွကျတာ ကိုယ်မဟုတ်၊ ကိုယ်က စာမလိုက်နိုင်လဲ အေးအေးပဲ၊ မပူဘူး။ ပူတာက အမေတို့ အမတို့။

အဲဒီတော့ အင်္ဂလိပ်စာ ပိုလိုအပ်တယ် ဖြစ်လာတယ်။ ဆယ်တန်းမှာ ကမ္ဘာကျော် ၀တ္ထုကြီး Wuthering Heights တို့ သင်ရမယ်ဆိုတော့ ခက်ခက်ခဲခဲကြီးကိုး။ ဇာတ်လမ်းနားလည်အောင် Wuthering Heights ရုပ်ရှင်တွေပါ အခွေ ငှားကြည့်ရသေးတယ်။ ဆရာ ဦးစိုင်းအောင်ဝင်းတို့ ဆရာ ဦးသာနိုးတို့ဆီမှာ တက်ရတယ်။

ကိုယ်တို့တုန်းက ဆရာ ဦးသာနိုးက ၈တန်း ၉တန်းသင်သေးတယ်။ တကယ်က ဆရာက Advanced Class တွေ ပဲ သင်ချင်တော့တာပါ။ ၈တန်း ၉တန်း ၁၀ တန်းကို ဖြုတ်ချင်ပြီ။ ဒါပေမဲ့ အဖေက ချိုသင်းတို့ ဆယ်တန်းအောင်တဲ့အထိတော့ သင်ပါအုံး ပြောထားလို့ စောင့်နေရတာ။ ကိုယ် ၉တန်းတက်တော့ ၈တန်းဖြုတ်လိုက်တယ်။ ကိုယ် ၁၀တန်းရောက်တော့ ၉တန်း မသင်တော့ဘူး။ ကိုယ် ၁၀တန်းလဲ အောင်ရော ဆရာလဲ Advanced English ပဲ သင်တော့တာ ခုထိပဲ။

ကိုယ်က ငယ်ငယ်ကတည်းက မထူးချွန်ပါဘူး။ စာတော်တဲ့ ကျောင်းသူလဲ မဟုတ်ခဲ့ဘူး။ သူလို ငါလို မှန်တမ်းပဲ။ အခုလို အခြေအနေလေး ရောက်လာဖို့ မိဘတွေ အမတွေ ဆရာတွေက အင်မတန် ပံ့ပိုး၊ တွန်းတင်ခဲ့ရတာပါ။ အတန်းတိုင်းမှာ အင်္ဂလိပ်စာ ဂုဏ်ထူး ထွက်ခဲ့ပေမဲ့ ကိုယ့် ကြိုးစားမှုက ၅၀ ရာခိုင်နှုန်းလောက်ပဲ ရှိမှာပဲ။

စာကို လိုချင်စိတ် နည်းရတဲ့အထဲ ကိုယ့်မှာ အင်္ဂလိပ်လို ပြောဖို့ ဆိုဖို့ အတော် confidence နည်းတာပါ။ စာနဲ့ ရေး ဆိုရင်တော့ ပြောတာထက်စာရင် တော်လိမ့်အုံးမယ်။ ကိုယ့်ကိုယ်ကို ယုံကြည်မှုရှိပြီး ပြောရဲ ဆိုရဲဖို့ဆိုတာ ကိုယ့်အဖို့တော့ လွယ်မလိုနဲ့ အတော်ခက်တာပါပဲ။

ကိုယ့် အမ အကြီးဆုံး မစံနဲ့ အမ အငယ် မနှင်းကတော့ စာမှာ ကြိုးစားချင်စိတ်လဲ ရှိတယ်။ သူတို့ကိုလဲ မိဘတွေက စာမလုပ်မှာ ပူမနေရပါဘူး။ မစံဆိုလဲ အကြီးပီပီ အငယ်တွေကို အမြဲ စာပြ ပေးနေတာ။ ကိုယ်သာ မဟုတ်၊ ကိုယ့်သူငယ်ချင်းတွေပါ သင်ပေးတတ်တယ်။ မနှင်းကတော့ ဆယ်တန်းနှစ်က တနိုင်ငံလုံးမှာ အင်္ဂလိပ်စာအမှတ်အများဆုံး ရတဲ့သူပဲ။

ဒီတော့ ကိုယ်နဲ့ ကိုယ့်အမအလတ် မအေးက ကြားမှာ လွတ်နေတယ် ပြောရမှာပေါ့။ နှစ်ယောက်စလုံး အရီသန်သူတွေ။ မိသားစုစကားဝိုင်းမှာ အမြဲ နောက်ရွှတ်ရွှတ် ဝင်ပြောလို့ တခါတလေ အဖေက “ထောင်တန်တဲ့စကား ရယ် ပေါ့ တဲ့၊ အဖေ ဆုံးမနေတယ်လေ သမီး” လို့ သတိပေးခံရသူတွေ။

ဒါပေမဲ့ ကိုယ်နဲ့ မအေး ကွာတာ ရှိသေးတယ်။ မအေးက အင်္ဂလိပ်လို ဟုတ်ဟုတ် မဟုတ်ဟုတ် ဘရွတ် ရွှတ်တွ အကုန် လျှောက်ပြောတာပဲ။ ပြောရဲ ဆိုရဲ ရှိပြီး ကိုယ့်လို တွန့်ဆုတ်နေတာ မဟုတ်ဘူး။ ငယ်ငယ်က သူလျှောက်ပြောနေလို့ အိမ်မှာနေတဲ့ ကောင်မလေးတွေက သူ့ကိုဆို အထင်တွေ ကြီးလို့။ သူကလဲ ငါ့ကိုတော့ အထင်တွေ big ကုန်ပြီတဲ့၊ ပြုံးစိစိနဲ့ သဘောကျနေတယ်။

နောက်ပြီးတော့ သူက ဟာသဥာဏ်လဲ ရွှင်သူဆိုတော့ သူ့ဖာသာသူလဲ အင်္ဂလိပ်စကားတွေ တိုက်ရိုက် ဘာသာပြန်ထားသေးတယ်။ ဆရာကြီး ရွှေဥဒေါင်းတို့ လက်မှိုင်ချရမဲ့ အပေါက်ပေါ့။ ဥပမာလေး တခုစ နှစ်ခုစ ပြောပါရစေအုံး။ ငယ်ငယ်က အိမ်မှာ အတူနေတဲ့ မမြင့်က ဘယ်တော့မှ အိမ်အလုပ်ထဲ စိတ်ဝင်စားတယ် မရှိတော့ အမြဲ အမှားမှားအယွင်းယွင်းပဲ။ ဈေးမှာတဲ့သူက သေချာမှာနေလဲ ပြုံးသာပြုံးနေတယ် မမှတ်မိဘူး။ စိတ်က တခြားရောက်နေတာမျိုး။ စိတ်လဲ သိပ်အမှန်ကြီး မဟုတ်ဘူး ထင်တယ်။

အဲဒါဆိုရင် မအေးက ၀င်ပြောတယ်။ သူ goat wind ဖြစ်နေပြီ တဲ့။ ကိုယ်လဲ သူဘာပြောလိုက်မှန်းမသိတော့ ပထမတော့ ကြောင်သွားတယ်။ နောက်မှ မအေးက ရှင်းပြတယ်။ goat ဆိုတော့ စိတ်၊ wind ဆိုတော့ လေ ၊ သူစိတ်လေနေပြီ၊ နင်ပြောတာ သူ စိတ်မ၀င်စားဘူးလို့ ပြောတာ တဲ့။ ဘာသာပြန်ချက် ရက်စက်သယ် လို့ ပြောရမလိုပဲ။

တခါတလေ မမြင့် တခြားကောင်လေးတွေကို စိတ်ဝင်စားနေပြီဆိုရင်တော့ မအေးက သတိပေးတယ်။ မမြင့် goat play ဖြစ်နေပြီဟေ့ တဲ့။ သူစိတ်ကစားနေပြီပေါ့၊ ပြဿနာတက်တော့မယ် သတိထား ဆိုတဲ့သဘော။ သူ အချက်ပေးပုံက အတော်တော့ ဟန်ကျတာပဲ။ အင်္ဂလိပ်စာ တကယ်တတ်တဲ့သူတောင် နားမလည် မျက်စိလည်သွားမှာပဲ။

ကိုယ်ကျတော့ တမျိုးပါ။ ကိုယ်က အင်္ဂလိပ်စာမတော်တာကို အကြောင်းပြပြီး ဗမာစကားပဲ ရေရေလည်လည် ပြောချင်သူပါ။ ကိုယ့်မြန်မာအချင်းချင်းကို ဗမာလို မပြောရရင် မရင်းနှီးလို့ ပြောသလို ခံစားရတယ်။ နိုင်ငံခြားသားဆိုရင်တော့ သူတို့ဘာသာစကားနဲ့ ပြောကိုပြောရမှာ ဟုတ်ပေမဲ့ မြန်မာဆိုရင်တော့ သူဗမာလို နားလည်သေးသမျှ ဗမာလိုပဲ ပြောချင်မိတယ်။

ဒီကို ငယ်ငယ်ရွယ်ရွယ်နဲ့ ရောက်လာတဲ့ကလေးလေးတွေဆိုလဲ ဗမာလို မမေ့အောင် အလေ့အကျင့်လုပ်ပေးတဲ့အနေနဲ့ သူတို့နဲ့စကားပြောရင် ဗမာလိုပဲ ပြောဖြစ်တယ်။ တချို့ကလေးလေးတွေက သိပ်မပြောတတ်တော့ဘူး။ အဲဒါဆို ကိုယ့်ဘာသာစကားတခု မမေ့လျော့ သွားစေချင်တာမို့ သူ့တို့လေးတွေကို ဗမာလို ပြောဖို့ အမြဲအားပေးမိတယ်။

ကိုယ့်မိတ်ဆွေ ကလေးနှစ်ယောက်ကတော့ မိဘက သင်ပေး၊ အိမ်မှာ ဗမာလို ပြောတာမို့ ဗမာလို နားလည်တယ်၊ ကြိုးစားလဲ ပြောတတ်ပါတယ်။ တနေ့တော့ ဧည့်သည်လာလို့ ကလေးတွေက တံခါးဖွင့်ပေးတယ်။ ဧည့်သည်က မင်းတို့ အဖေ၊အမေရော လို့ မေးတော့ သားလုပ်သူက ဟိုနှစ်ကောင် နောက်ဖေးမှာ ထမင်းစားနေတယ် တဲ့။ သူတို့လဲ မမှားဘူး။ two guys ကို ၂ကောင် လို့ ပြောလိုက်တာလေ။ မိဘကို ကောင် နဲ့သုံးလိုက်တော့ ရီရခက် ငိုရခက်။

ကိုယ့်မှာလဲ မြန်မာအချင်းချင်း အင်္ဂလိပ်လို ပြောမိတဲ့အချိန်တွေ ရှိတတ်သေးတယ်။ ဘယ်အချိန်တွေမှာလဲဆိုတော့ ကိုယ် စိတ်တိုတဲ့ အချိန်တွေမှာပါ။ ကိုယ့်စိတ်ထဲမှာ ကျွဲမြီးတိုသလို ဖြစ်သွားတဲ့အခါမျိုးမှာ ဘိုလို မှုတ်လိုက်တာပါ။ အများဆုံးပြောတဲ့ စကားက NO!!!! ပေါ့။ အပြောအခံရဆုံး သူကတော့ ကိုယ့်အမျိုးသားပဲ ဆိုပါတော့။

သူကလဲ တချက်တချက် ကိုယ်ဘိုလိုပြောတာတွေကို အဆင့်နဲ့ခွဲပြီး သူ့ခေါင်းထဲမှာ မှတ်ထားတတ်တယ်။ သူက ကိုယ့်ကို အမြဲလိုလို စ နေတတ်တာမို့ ကိုယ်က စိတ်ရှုပ်လာရင် I hate you တခွန်း ပစ်လိုက်တယ်။ ဒါဆို သူက ရီမောပြီး မနက်စောစောစီးစီး I hate you တလုံး ရသွားပြီ တဲ့။ I hate you ရတာများ ၀မ်းသာစရာလား။

I hate you so much ဆိုရင်တော့ ခုနကထက် နည်းနည်း ပိုပြင်းတဲ့သဘော။ so much ပါတယ်လေ။ I never love you ဆိုရင်တော့ အတော့်ကို စိတ်တိုင်းမကျလို့ ဖြစ်မယ် လို့ သူက ထင်တတ်တယ်။ ကိုယ်ပြန်ပြောတိုင်း သူက ရီနေတာပါပဲ။ စ တတ်သူများ ဒီလိုပဲ ထင်ပါရဲ့။ တကယ်မဟုတ်ဘူးလို့လဲ သိနေလို့ ဖြစ်မယ်။

တနေ့ကတော့ ကိုယ်စာဖတ်နေတုန်း လိုက်စ နေတာနဲ့ ကောင်းကောင်း စာမဖတ်ရဘူး ဖြစ်နေတာ။ ဒါနဲ့ ဒေါသထွက်လာပြီး ကိုယ်လဲ တခွန်းပြန်ပြောလိုက်တယ်။ I’m going to leave you တဲ့။ အဲဒီလို ပြောတော့ သူက တဟားဟားရီပြီး “ဟာ..အမြင့်ဆုံးကို ထုတ်သုံးလိုက်ပါလား” တဲ့။

သူပြောတာနဲ့ ကိုယ်လဲ သိုင်းဘိုးဘိုးကြီးလိုမျိုး အဆင့်တွေ ခွဲထားရမလို ဖြစ်နေပါပေါ့လေ။

မိုးချိုသင်း

အဖေတို့ ရွာ

ငယ်ငယ်တုန်းက ပထမဆုံး သွားခဲ့ရတဲ့ ခရီးကို သတိရမိသေးတယ်။

အဲဒီတုန်းက ကိုယ်က လေးတန်း။ အဖေ့ ညီမ ဒေါ်လေးစန်းက ရွာကနေ ရန်ကုန်လာလည်တော့ အပြန်မှာ ကိုယ်တယောက်တည်း ဒေါ်လေးနဲ့အတူ အဖေ့ရွာကို လိုက်သွားခဲ့တာ။ ကိုယ်က အမေကိုကပ်သူဆိုတော့ ဟိုရောက်မှ ပြန်ချင်နေမစိုးလို့ လိုက်ချင်တာ သေချာရဲ့လား ဆိုတာ လူကြီးတွေက မသွားခင် တမေးတည်း မေးနေခဲ့တာပါ။

ကိုယ်ကလဲ ဘာစိတ်ပေါက်သွားတယ် မသိ။ လိုက်မယ် ပဲ။ ကျောင်းပိတ်ရက်လဲ ဖြစ်တော့ ဒေါ်လေးစန်းကလဲ ခေါ်သွားမယ်ဆိုပြီး ပြောတာနဲ့ အမေက အ၀တ်အစား အသစ်လေးတွေချည်း ရွေးထည့်ပေးလိုက်တယ်။ ဟိုရောက်ရင် အမေ့ကို သတိရလို့ ပြန်ပို့ပေး လို့ ဂျီမကျနဲ့နော်၊ သင်္ကြန်ပြီးမှ ပြန်လာရမှာ သမီးနားလည်တယ်နော် လို့ အမေက ပြောလဲပြော၊ ဆုံးလဲ ဆုံးမတယ်။

ဒါနဲ့ အဖေတို့ရွာကို ပထမဆုံးအကြိမ် အဖေတို့ အမေတို့ မပါဘဲ ဒေါ်လေးစန်းနဲ့ လိုက်လာခဲ့တယ်။ မီးရထားပေါ်မှာ ပျော်လိုက်တာ။ ဘူတာဆိုက်တိုင်း မုန့်တွေ ၀ယ်စားရတာ မှတ်မိနေတယ်။ အိုးလေးတွေ ရွက်ပြီး ရေရောင်းတဲ့ ရေသည်လေးတွေဆီက ရေ၀ယ်ပြီး မျက်နှာသစ်ရတာ မမေ့နိုင်ဘူး။ အေးမြနေတဲ့ရေစင်ပဲ။

ရထားက သာစည်ဘူတာမှာ အကြာကြီးနားတော့ အဒေါ်က မုန့်ဟင်းခါး စားမလား တဲ့။ ကိုယ်ကလဲ ရန်ကုန်က မုန့်ဟင်းခါးလို ထင်ပြီး စားမယ်ပေါ့။ စားတော့ ပဲပျစ်ပျစ်နဲ့ ချက်ထားတဲ့ မုန့်ဟင်းခါးမျိုး။ ရန်ကုန်က ငါးမုန့်ဟင်းခါး နဲ့ မတူဘူး။ ကိုယ်လဲ လုံးလုံး မကြိုက်တာနဲ့ ရထား စင်္ကြန်ပေါ်မှာ အန်လိုက်တာ။ ရထားနဲ့ အပြိုင် ဥသြဆွဲလိုက်သေးတယ်။

ရွာနံမည်က ကန်မြဲ ဇဂျမ်းတဲ့။ တောင်သာနယ်က။ တောင်သာကနေ ထော်လာဂျီကားကြီးတွေ စောင့်စီးရတာ။ ကိုယ်က ရွာကို ရောက်ချင်လှပြီ။ ကားတွေက တနေ့မှ မနက်တစီး ညတစီး လောက်လာတော့ စောင့်လိုက်ရတာ။ တနေ့ခင်း ကုန်အောင်ပဲ။ အဲဒီတုန်းက ကားမလာနိုင်လွန်းလို့ ရွာကို အမြန်ရောက်ချင်လွန်းလို့ ငိုတောင် ငိုမိတယ် ထင်တယ်။

ညနေမိုးချုပ်ခါနီးမှ ကားက လာတယ်။ ကားဆရာက ကားပိုင်ရှင် တဲ့။ ဦးမိုး တဲ့။ ကားကြီးလာတော့လဲ ကားပေါ်မှာ ကုန်အပြည့်ပါလား။ ကြက်သွန်အိတ်တွေ အပြည့်အသိပ်။ လူက ဘယ်လိုလုပ်စီးမလဲ ဆိုတော့ အဲဒီ ကြက်သွန်အိတ်ပေါ် တက်ထိုင် လိုက်သွားရမှာ တဲ့။ ညည်းဟိုဖက်နည်းနည်းတိုး၊ ဒီဖက် နည်းနည်းလောက် နဲ့ မျှထိုင်ပြီး ဟိုအစွန်း၊ ဒီအစွန်းကိုင် လိုက်သွားရတာမျိုး။

ကားကြီးက လူသီးကြီး ဖြစ်နေပြီ။ ဒါတောင် လမ်းမှာ လူတင်တုန်း။ တောသူတောင်သား ရွာသားတွေကလဲ အေးအေးချမ်းချမ်းပဲ။ အချိန်တွေကလဲ ပေါ ပါ့။ ကွမ်းတွေဝါး၊ လေတဖြူးဖြူး နဲ့ တွယ်စီးရင်း လိုက်တာပဲ။ ရွာအ၀င်မှာ ချောင်းတခု ဖြတ်ရသေးတယ်။ ချောင်းနံမည်တော့ မမှတ်မိတော့ဘူး။ သွားတဲ့ အချိန်က ရေမရှိလို့ ကြက်သွန်ခင်းတွေ ၀ါခင်းတွေကို ၀ါတလွင့်လွင့် နဲ့ တွေ့ရတယ်။

ထန်းပင်လေးတွေ မြင်ရတဲ့ ဟိုးအဝေးက မှုန်ပျပျ မဲမဲအစုလေးက အဖေတို့ ရွာ တဲ့။ ကိုယ်က ရွာအ၀င် မတ်တပ်ရပ်ကြည့်တော့ ရွာက ကလေးတွေက သတင်းကြားလို့ မျှော်နေကြတာ။ ထော်လာဂျီ နောက်က အော်ရင်း တပြုံကြီး ပါလာတယ်။ ရန်ကုန်သူ လာပြီဟေ့ တဲ့။

ဒေါ်လေးစန်းတို့ အိမ်ရှေ့မှာပဲ ကားက ရပ်ပေးတယ်။ တချို့ ဆင်းကြတာပေါ့။ ကိုယ့် ၀မ်းကွဲ အမတွေ ဖြစ်တဲ့ မမမိုး နဲ့ မတူးက ဆီးကြိုတယ်။ ရေနံဆီ မီးခွက် ထွန်းပါဟဲ့ တဲ့။ အဲဒီတုန်းက ရွာမှာ မီးမရှိတော့ ရေနံဆီ မီးခွက်နဲ့ပဲ နေရတယ်။ အိမ်ကလဲ မှောင်လို့။ ဘဂျမ်းသမီး ကြည့်စမ်းပါရစေအေ ဆိုတဲ့ အဒေါ်ကြီးတွေကလဲ ငုတ်တုတ်။ ကလေးတွေကလဲ ကိုယ့် ရှေ့မှာ ငုတ်တုတ်။ မိုးချုပ်တဲ့အထိ ဒီအတိုင်း ထိုင်ကြည့်နေကြတာပါပဲ။

ကိုယ်လဲ အသစ်အဆန်းဖြစ်နေလို့ ဟိုကြည့် ဒီကြည့်နဲ့။ နောက် ခရီးကလဲ ပန်းလာတော့ အိပ် အိပ်ဆိုပြီး ပြောလို့ ဒေါ်လေးစန်းနဲ့ အတူ အိပ်ရတယ်။ တညလုံး အိပ်မပျော်ပါဘူး။ ဂျပိုးကိုက်လို့ပါ။ အမေ့ကိုလဲ သတိရပြီး ပထမဆုံး ညမှာပဲ ငိုလိုက်ရတာ။ ညလယ်ကြီး ထပြီး အမေကို တ ပြီး ခုပြန်မယ် ခုပြန်ပို့ နဲ့ အော်ငိုနေလို့ တအိမ်လုံး မအိပ်ကြရဘူး။

မနက်မိုးလင်းမှ အိပ်သွားတာ။ နိုးလာတော့ ကုတင်ဘေးမှာ ရှပ်ရှပ် ရှပ်ရှပ်နဲ့ လူတွေ ဖြတ်နေကြတာကိုး။ ဘာဖြစ်လို့ပါလိမ့်လို့ အံ့သြနေတာ၊ ကိုယ့်ကို မျောက်ပွဲကြည့်သလို ကြည့်တာကိုး။ ရန်ကုန်သူနှယ် အိပ်ချက်က မတရား တဲ့။

နောက်တော့ ချက်ချင်းပဲ သူငယ်ချင်းတွေ ရသွားတယ်။ ကိုယ့်ညီမ ၀မ်းကွဲ မိမော်ရဲ့ သူငယ်ချင်းတွေပေါ့။ ဗန်းဌေး တဲ့။ မိုးဆွေ တဲ့။ အတူး တဲ့။ သူတို့နဲ့အတူ မန်ကျည်းပင်ကြီးအောက်မှာ ထွေကစားတယ်။ ခြေတပေါင်ကျိုး ကစားတယ်။ လိုက်တမ်း ပြေးတမ်း ကစားတယ်။ တကိုယ်လုံး ပေတူးလို့။ နွားကြီး လှည့်ပြီး ကြိတ်တဲ့ နှမ်းဆီဆုံမှာ နွားရှေ့က ကန့်လန့်လုပ်နေလို့ နွားဝှေ့လိုက်တာ မိမော် ကော့ကနဲ လွင့်သွားသေးတယ်။

နွားနို့စစ်စစ်လဲ ထန်းညှက်နဲ့ ကျိုပြီး သောက်ရတယ်။ သိပ်ကောင်းတာပဲ။ အကြိုက်ဆုံးက ဈေးနေ့မှာ မမမိုးနဲ့ အဖော်လိုက်သွားပြီး အကြော်တွေ လက်သုတ်စုံတွေ စားရတာကိုပါ။ အကြော်တွေက ပဲဆီစစ်စစ်နဲ့ ကြော်ထားတာမို့ ကြွပ်ရွ လို့။ အသုတ်စုံကလဲ အကြော်တွေနဲ့ ထည့်သုတ်ထားတာ။ မွှေးနေတာပဲ။ ဈေးမှာ ဟိုဆိုင်ဝင် ဒီဆိုင်ထွက် အမ နောက် လိုက်တာပဲ။

ရွာက ဈေးလေး

ပြီးတော့ ရွာက ကန်ကြီးဆီလဲ ရောက်ရသေးတယ်။ အမလုပ်တဲ့ မတူးက အိမ်သားတွေ ရေချိုးဖို့ ကန်ထဲက ရေကို ခပ်သွက်သွက် ခေါက်တုံ့ခေါက်ပြန် ရေထမ်းတာကို ဘေးက အဖော်လိုက်တာပါ။ ကိုယ်လဲ ထမ်းကြည့်ချင်တယ် ပြောလို့ ရေမပြည့်တပြည့်ထည့်၊ အမက ထမ်းချင်အုံး ဆိုပြီး ထမ်းခိုင်းလိုက်တာ ရှေ့ကို မသွားနိုင်ဘဲ ထမ်းပိုးက လည် နေလို့ လူလဲ ပတ်ချာလှည့်နေတာ။ ရေတွေလဲ ဖိတ်၊ လူလဲ ပက်လက်လန် တာပဲလေ။

ဟိုတလောကတော့ ကိုယ့်အဒေါ် နဲ့ အမတွေ သူတို့သားသမီးတွေကို ရှင်ပြုနားသ အလှူလုပ်တော့ ကိုယ့်အမ မစံတို့ ဇနီးမောင်နှံ သွားကြတယ် တဲ့။ ဓာတ်ပုံတွေ ပို့ပေးလို့ ကြည့်ရတယ်။ လူတွေလဲ အသက်တွေ ကြီးကုန်ပြီနော်။ အရင်က ကိုယ်နဲ့ ဖန်ခုံတမ်း ဆော့တဲ့ မိမော်က သူကြီးကတော် ဖြစ်နေပေါ့ တဲ့။ သူ့သမီးလေး ကျော့ကျော့စံ က နားသ မှာတဲ့။ အဲဒီ ကျော့ကျော့စံ ဆိုတဲ့ နံမည်က အဖေတို့ရွာမှာ စာပေဟောပြောပွဲလုပ်တုန်းက မွေးတဲ့ကလေးမို့ စာရေးဆရာမ ဂျူးပေးသွားတဲ့ နံမည် လေ။

သူငယ်ချင်းတွေ ဖြစ်တဲ့ အတူးက ဆုံးတာ ကြာပြီ။ အရက်မူးပြီး သူများ ဓားနဲ့ ထိုးလို့ သေ ရတာတဲ့။ သူက အသားမဲမဲ လူက လုံးလုံးနဲ့ ကစားရင် အလွန်သန်တယ်။ ကိုယ့်ကိုလဲ ခင်လိုက်တာ၊ မိုးလင်းတာနဲ့ အိမ်ပေါက်ဝမှာ ဆော့ဖို့ စောင့်နေတတ်သူပေါ့။ အခုတော့ ငယ်ငယ်ရွယ်ရွယ်နဲ့ ဆုံးပါးရရှာတယ်။ မျက်နှာက ဗန်းကြီးလို ၀ိုင်းဝိုင်းကြီးနဲ့ သနပ်ခါး ပါးကွက်ကြားနဲ့ ဗန်းဌေးလဲ သားတို့အမေ ဖြစ်နေပြီ။

ရွာက ရေမရှိတဲ့ ကန်ကြီးနဲ့ ရေတွင်းလေးတွေ

ရွာမှာ မီးလိုင်းတော့ ရှိပြီ၊ မီးမလာတာ တခုပါပဲ။ အောက်လင်းမီးနဲ့ ဘက်ထရီအိုးမီးလေးတွေ သုံးနေရဆဲပါပဲ။ ရွာမှာ အထက်တန်းကျောင်း နဲ့ ဂျပန်တွေ လှူတဲ့ ရေစက် နဲ့ ဖြစ်နေပြီ။ ဒါပေမဲ့ ကန်ကြီးမှာတော့ ရေတွေ ခမ်းပေမဲ့ လက်ယက်တွင်းလေးတွေဆီက ရေခပ်နေရတုန်းပါပဲ။

ရွာရဲ့ ဈေးလေး တနေရာ

ရွာက ဆယ်ရက် တကြိမ် ဈေးလေးမှာလဲ မြေကြီးပေါ် ပုံခင်းပြီး လတ်လတ်ဆတ်ဆတ် အသီးအရွက်တွေ ပေါပေါများများ ရတုန်းပဲ။ ရွာကလူငယ်လေးတွေကလဲ မြို့တက်အလုပ်ရှာ၊ တချို့က မလေးရှား သွားသတဲ့။ ဒေါ်လာစကားကို လှိုင်လှိုင်ပြောသတဲ့။ ဒါပေမဲ့ ရွာကိုသွားတဲ့ လမ်းကတော့ ဆိုးတုန်းပဲ။

ရွာရဲ့ အထကကျောင်းရှေ့မှာ အဖေ့ကဗျာလေးကို အုတ်တိုင်မှာ ထွင်းထားဆဲ။
“ယောင်ယောင်နန၊ အမှောင်ကျသည့်
သန်းခေါင်ညများ ပျောက်လေပြီ …” လို့ စထားတဲ့ ကဗျာလေးပါ။

ခေါင်းလောင်းထိုးသံ မြိုင်မြိုင် ကြားရရင်တော့ သန်းခေါင်ညတွေ တကယ်ပျောက်မှာပါ လို့ တွေးနေမိပါတယ်။

မိုးချိုသင်း

ဆေးရုံမှာ တညတာ

အခုတလော အလုပ်များတာနဲ့ ဘလော့ဂ်ကို လျှော့မယ်ဆိုပြီး ပထမ ၂ရက်တခါလောက်ရေး၊ နောက်တော့ ၃ရက်တခါလောက် ဖြစ်၊ အခုတော့ ၅ရက်ကြာမှ စာရေးဖို့ ထိုင်မိတယ်။ မရေးနိုင်ဆို ကိုယ့်အမျိုးသားအမေ မာမားက ဆေးရုံတက်ပြီး ခွဲစိတ်ရဖို့ ကြုံလာတာမို့ ညဖက်တွေမှာ ဆေးရုံမှာ အဖော်လုပ် အိပ်နေတယ် ဆိုပါတော့။

မနက်ဆိုရင် အလုပ်ကို နေ့လည်လောက်မှာ သွား၊ ညနေ အလုပ်က ပြန်ဆင်းရင် ဆေးရုံမှာ ည အိပ်တယ်။ အဲဒီတော့ လူမမာစောင့် လုပ်နေတာ ပင်ပန်းပြီး အလုပ်များမှာပေါ့လို့ ကြားသူများ သနားသလိုလိုရှိရင် ကိုယ်က ပြုံးမိတယ်။

တကယ်တော့ ကိုယ်လဲ တခါမှ ဆေးရုံမှာ အခုလို လူမမာစောင့် ညအိပ်ဖူးတာ မဟုတ်ပါဘူး။ ကိုယ်ငယ်ငယ်ကလဲ ကလေးလိုလို ခွေးလိုလိုမို့ ဘယ်သူမှ ဆေးရုံစောင့်ပေးဖို့ ကိုယ့်ကို အားမကိုးကြတာလဲ ပါမယ်။ နောက်ပြီး ဖြစ်လိုက်ရင် ကိုယ်ကချည်းပဲ ဆိုတော့ ကိုယ်ဆေးရုံတက်သမျှ အမတွေ စောင့်အိပ်ရတာချည်းပါ။

ဒီတခါတော့ ပြေးပြီး ရေတွက်လိုက်မှ သူရယ် ကိုယ်ရယ် နှစ်ယောက်တည်းဆိုတော့ မာမား ဆေးရုံတက်ရမဲ့အချိန်မှာ နှစ်ယောက်သား ဂျူတီခွဲပြီး သူက Day shift ကိုယ်က Night shift တာဝန်ယူလိုက်ကြတယ်။

မာမားကို ခွဲခန်းထဲက ထုတ်လာတော့ နေရမဲ့ အခန်းက နှစ်ယောက်ခန်း ဖြစ်နေလို့ အတော်သဘောကျသွားတာပါ။ ဟိုဖက်ကုတင်က လူနာ မရှိလေတော့ ကိုယ့်ဖို့ပဲဆိုပြီး ကုတင်လေးကို မျက်စပစ်ထားတယ်။ လူနာရှိရင် ကိုယ်က ထိုင်ခုံမှာ စောင့်အိပ်ရမှာမို့ သိပ် အဆင်ပြေမှာ မဟုတ်ဘူးလေ။ နောက်လူနာရော လာအုံးမလားဆိုတော့ မလာပါဘူး တဲ့။

အဆင်ကပြေချင်တော့ ကိုယ့်သူငယ်ချင်း ဘိုဘိုက အင်တာနက်သုံးလို့ရတဲ့ သူ့ Notebook လေး ယူထား တဲ့။ ကိုယ့်မှာ ပြုံးနေတာ တချိန်လုံး။ ဒါဆို ညမှာ အီးမေးလ်လေး ချက်ခ်၊ ဘလော့လေးကြည့် ဆိုပြီး ကိုယ့်အတွေးနဲ့ကိုယ် ပြုံးနေတာ။ ဆေးရုံမှာဆိုတော့ အိမ်မှာလို ဟင်း ချက်စရာလဲမလို၊ ဇိမ်ပဲ။ မာမားက လက်လာဆွဲမှ လူနာစောင့်ရမှာ သတိရသွားတယ်။

ပထမနေ့မှာပဲ ကိုယ့်မှာ အခက်ကြုံရတာပါ။ ကိုယ်အိပ်ရမဲ့ ကုတင်ကို ဘယ်သူကများ အမြင့်ကြီး လုပ်သွားတယ် မသိ။ ရင်ခေါင်းနီးပါးလောက် မြင့်နေတာ။ ကိုယ်လဲ အိပ်ယာတွေ့ရင် လှဲပြုနေချင်စိတ်က အလိုလို ဖြစ်နေတာဆိုတော့ ငါ အိပ်ရင် ကုတင်ပေါ်ကို လှေကားများ ထောင်တက်ရမလား တွေးနေရတယ်။ ခလုတ်တွေလဲ မနှိပ်ရဲ။

လူမမာကိုသာ တဖက်ကလုပ်ပေးနေတာ၊ ဘေးက ကုတင်လေးကို တကြည့်ကြည့်ဆိုတော့ ကိုယ့်သူငယ်ချင်းက ရိပ်မိတယ်။ အဟမ်း အဟမ်း၊ လူမမာထက် လူမမာ့ချွေးမက ပိုအရေးကြီးတယ်၊ သူတလွဲတွေလုပ်ရင် လူမမာ ပိုခံရနိုင်တယ် လို့ ပြောပြောဆိုဆို ဟိုခလုတ် ဒီခလုတ် နှိပ်လိုက်တာ ကုတင်ကြီးလဲ နိမ့်ပြီး ကိုယ်တက်လှဲနိုင်တဲ့ အနေအထား ဖြစ်သွားရော။ တော်သေးတာပေါ့လေ။

လာကြည့်တဲ့လူတွေလဲ ပြန်ကြပြီ။ မာမားကလဲ မေ့ဆေးအရှိန်နဲ့ဆိုတော့ အေးအေးချမ်းချမ်းကို အိပ်တော့တာပါ။ ကိုယ့်ကိုလဲ မအိပ်ခင် ပြောသေးတယ်၊ သမီးပင်ပန်းနေပြီ၊ အိပ်၊ အိပ် တဲ့။ ကိုယ်ကလဲ စာလေးဖတ်၊ ဘလော့လေး လည်ပြီး အိပ်ပါ့မယ်လို့ ပြောလိုက်တယ်။ ဒါနဲ့ကွန်ပျူတာက ကုတင်ပေါ်မှာ ဆိုတော့ ကိုယ့်အလှည့်ရောက်ပြီဆိုပြီး ဝမ်းသာအားရ ကုတင်ပေါ်တက်လိုက်ရင်ပဲ ဟ၊ ဟ လုပ်ပါအုံး ဖြစ်သွားရတယ်။

သူ့ကုတင်က ဘီးတွေနဲ့ကိုး။ သူငယ်ချင်းက ကုတင်သာ နှိမ့်ပေးသွားတာ ဘီးတွေကိုတော့ lock မလုပ်ပေးသွားဘူးကိုး။ ဒါကြောင့် ကိုယ်တက်လိုက်တာနဲ့ လျှောပြီး ကုတင်က နံရံနဲ့ ပြေးဆောင့်တော့မှာ။ မနည်း ခုန်ချ ကုတင်ကို ဖမ်းဆွဲ ဘရိတ်အုပ်လိုက်ရတယ်။ ဂလုံးဂလွမ်းနဲ့ အသံတွေ မြည်ရင် ကိုယ့်ကြောင့် လူမမာ အိပ်ရေးပျက်တော့မယ်လေ။

အော်..ဒုက္ခ၊ ဒုက္ခ။ အိပ်ဖို့ရာ ကျောကလေးဆန့်ဖို့ ကုတင်ကြီးကလဲ ကိုယ့်ရှေ့မှာ။ ကုတင်ပေါ်မှာလဲ ကွန်ပျူတာက ပွင့်ရက်လေး။ အဲဒီကွန်ပျူတာထဲမှာ ကိုယ်ချစ်ခင်တဲ့ သူငယ်ချင်းတွေဆီကို သွားဖို့ လင့်ခ်လေးတွေ ရှိနေတယ်။ ဒါပေမဲ့ ကုတင်ပေါ်လဲ မတက်ရဲတော့ ခေါင်းကုတ်ပြီး ကြည့်နေရတယ်။

အဲဒီအချိန်မှာ မေခလာကယ်မ လို့ နာ့စ်မ ရောက်လာတယ်။ ဒါနဲ့ သူ့ကို ကုတင်ကြီး ရွေ့နေလို့ ဘီးကို lock လုပ်ပေးဖို့ ပြောရတယ်။ ကိုယ်က အသစ်အဆန်းတွေ ခလုတ်တွေဆို လန့်တဲ့စိတ်က ရှိနေလို့သာပါ။ သူ နှိပ်လိုက်တော့ လွယ်လွယ်လေးပါ။ ဒါနဲ့ ကိုယ်လဲ စမတ်ကျသွားတာပေါ့။

ကုတင်ကို သေချာကိုင်ကြည့်၊ တွန်းကြည့်၊ မရွေ့တော့ဘူးဆိုမှ ကုတင်ပေါ်တက်တယ်။ ဒါနဲ့ အီးမေးလေးစစ်၊ ဘလော့လေးလည် လုပ်နေတာပေါ့။ မြန်မာဖောင့်ကတော့ ရိုက်မရလို့ ကွန်မန့်ရေးမရဘူး။ စာဖတ်နေရင်း စိတ်ထဲမှာ တမျိုးပဲ။ တရှူးရှူးနဲ့ ကုတင်က မြည်နေတာကိုး။ ဟိုဖက်ဖိရင် ဒီဖက်ကမြည်၊ ဒီဖက်ဖိရင် ဟိုဖက်က မြည်။ ဘယ့်နှယ်ဟာကြီး ဖြစ်ပြန်ပါလိမ့်။

တကယ်က မွေ့ယာက အထူးပြုလုပ်ထားတဲ့ လေမွေ့ယာ။ လူမမာတွေ bed sore မရအောင်၊ သွေးလည်ပတ်တာ မှန်အောင်၊ ကုတင်ကြီး မပူအောင် အထူးပြုလုပ်ထားတာလေ။ အော် ဖြစ်ရလေ။ ငါ့နှယ် လူမမာကုတင် တက်အိပ်မိတော့လဲ ဘယ်တတ်နိုင်ပါ့မလဲ။

ဒါနဲ့ စိတ်ညစ်ပြီး အိပ်ရော ဆိုပါတော့။ ကုတင်က ကလေးကုတင်လေးလို ဘေးကို ပြုတ်မကျအောင် အကာလေးတွေနဲ့။ ကိုယ်လဲ သဘောကျပြီး ကလေးလေးတောင် ပြန်ဖြစ်သွားသလိုလို။ အထိန်းနဲ့အကွပ်နဲ့ အိပ်ရတာလဲ တမျိုးကောင်းတာပါပဲ။ အဲဒီကာထားတဲ့ ဘောင်မှာ ခလုတ်လေးတွေ ခေါင်းဖက်အခြမ်းကို မြှင့်တာ၊ ခြေထောက်ဖက် အပိုင်းကို မြှင့်တာ နိမ့်တာ အစုံတွေ့တယ်။ နာ့စ်ကို ခေါ်ချင်ရင် နှိပ်ရတဲ့ ခလုတ်ကိုလဲ တွေ့တယ်။

အင်မတန်ကောင်းပါလား လို့ ကိုယ့်စိတ်ထဲမှာ ဖြစ်မိတယ်။ လူနာ အဆင်ပြေအောင် အလွယ်တကူ ခေါ်ရအောင် လုပ်ထားတာကိုး။ အိပ်ရာက မထ နာ့စ်ကို ခေါ်လို့ရတယ်လေ။ ဒါနဲ့ ကိုယ်လဲ မှေးကနဲ အိပ်လိုက်တာ လူသံလိုလို ကြားလို့ လန့်နိုးလာတယ်။

ဘာအကူအညီလိုလဲ၊ ဘာလုပ်ပေးရမလဲ တဲ့။ ခေါင်းထူပြီး လူရှာတော့လဲ မတွေ့၊ အင်္ဂလိပ်လို မေးနေတာပါ။ နောက်မှ လိုက်ရှာတော့ ကုတင်ထိပ်က စပီကာက အသံထွက်နေတာ။ “ရှင် နာ့စ် အကူအညီလိုလို့ ခလုတ်နှိပ်လိုက်တယ် မဟုတ်လား” တဲ့။ အမ်..ကိုယ်အိပ်ရင်း ဘောင်က ခလုတ်တွေ သွားဖိမိတယ် ထင်ပါရဲ့။ မတော်တဆပါ၊ အကူအညီ မလိုပါဘူး။ ကျေးဇူးတင်ပါတယ် လို့ ပြန်ဖြေလိုက်ရတယ်။

ဒါနဲ့ အိပ်လိုက်၊ ခလုတ်တွေကို လက်နဲ့ တွန်းမိလိုက် station က စပီကာနဲ့ လှမ်းမေးလိုက်၊ မတော်တဆပါ ဖြေလိုက်။ ပြန်အိပ်လိုက် ကိုယ်ကြီးနဲ့ ဖိမိလိုက်၊ စပီကာကို ဆောရီးပါ လှမ်းပြောလိုက်။ ကိုယ်လဲ လူနာစောင့်တာ အတော် အိပ်ရေးပျက်သွားတယ်။

နောက်တော့ မဖြစ်ချေဘူး ဆိုပြီး အဲဒီဘောင်တွေကို ခေါင်းအုံးနဲ့ကာလိုက်တော့မှ သွားမထိမိတော့ဘူး။ မာမားကို ထ ကြည့်တော့လဲ မာမားက အိပ်မောကျလို့။ ဒါနဲ့ အေးအေးဆေးဆေးပဲ၊ ပြန်အိပ်မယ်ဆိုပြီး အိပ်လိုက်တာ တချိုးတည်းပဲ။

အရမ်းကို အိပ်မောကျနေပြီ၊ ဟောက်တောင် ဟောက်ချင်နေပြီဆိုမှ ကိုယ့်ကို တယောက်ယောက်က လာနှိုးနေသလိုလို ထင်မိတာကိုး။ စန်းစန်း၊ စန်းစန်း တဲ့။ အဲဒါ မာမား နံမည်ပဲ။ ဒါနဲ့ ကမန်းကတန်း ကုန်းထ လိုက်တော့ ကုတင်ဘေးမှာ ဆရာဝန်ငယ်ငယ် ချောချောလေး တယောက်။ မျက်လုံး သေချာပွတ်ပြီး ကြည့်လိုက်တာလေ။

ကိုယ့်ကို မာမားထင်ပြီး လူမှားပြီး လာနှိုးနေတာ။ သူက စမ်းသပ်မလို့။ ခွဲစိတ်တဲ့ အခြေအနေ၊ ခေါင်းမူးသလား၊ နာသလား မေးမလို့။ မီးမှိတ်ထားတော့ မသဲမကွဲနဲ့ ကုတင်မှားပြီး ကိုယ့်ကို လာနှိုးနေတာ။ ဗိုက်ခွဲထားတဲ့ ချုပ်ရာ ကြည့်မယ် တဲ့။ ဘုရား ဘုရား။ လူမှားနေပြီ။ စန်းစန်းက ဟိုဖက်ကုတင်လို့ ပြောလိုက်ရတယ်။ နာရီကြည့်လိုက်တော့ မနက် ၆နာရီကျော်နေပြီ။

နေ့လည်ရောက်လို့ ကိုယ့်အမျိုးသားလာတော့ မာမားက ပြောတယ်။ ညက သမီးတယောက် မအိပ်ရှာဘူး တဲ့။ သူနိုးလာလို့ ကြည့်လိုက်တိုင်း သူ့ကို ကြည့်နေတာ တွေ့တယ် တဲ့။ သမီးက စိတ်ပူတတ်လို့ ပင်ပန်းရှာတယ် တဲ့။
ကိုယ်ကတော့ ပြုံးပဲ နေလိုက်ပါတယ်လေ။

မိုးချိုသင်း

စာထမင်း စာဟင်း

ဒီနေ့ ဆေးရုံသွားတော့ ဆေးယူပြီး ဆေးရုံက အထွက်၊ တံခါးဝမှာ မိသားစု တစုနဲ့ အမှတ်တမဲ့ ဆုံတယ်။ အမေလုပ်တဲ့သူက အဖြူမ၊ ရုပ်ကချောချော ဆံပင်ရွှေရောင် အခွေအလိပ်တွေနဲ့ လှလှပပ စမတ်ကျကျ။ လသားအရွယ် ကလေးလေး ထည့်ထားတဲ့ တွန်းလှည်းလေးကို တွန်းလို့။ သူ့ဘေးမှာက ၅နှစ်အရွယ် သားဖြစ်ပုံရတဲ့ ကလေးတယောက် နဲ့။

ဆေးရုံအပြင်ဖက်ကို ထွက်မယ်ဆိုတော့ မှန်တံခါးကြီးကို တွန်းပြီး ထွက်ရတာမှာ အဲဒီ ၅နှစ် အရွယ် သားလေးက ပြေးပြီး မှန်တံခါးကြီးကို သူ့ကိုယ်လေးနဲ့ တွန်းဖွင့်တာပါ။ သူ့အမေနဲ့ သူ့ညီမလေး သွားလို့ရအောင် သူ့ကိုယ်လေးနဲ့ ခြေကန် တွန်းထားရတာပါ။ သူ့ပုံလေးက ချစ်စရာကောင်းလွန်းလို့ ကိုယ်တို့နှစ်ယောက် သဘောကျပြီး ကြည့်နေမိတယ်။

အမေလုပ်သူက သိတတ်လွန်းတဲ့ သားလေးကို Thank you တောင် တခွန်းမပြောဘဲ တံခါးကြီးပဲ အလိုအလျောက် ပွင့်နေလို့ အေးအေးဆေးဆေးပဲ ထွက်သွားရသလိုလို။ ဒါ ဒီကလေး လုပ်ရမဲ့ တာဝန်မို့ ဘာမှ မထူးဆန်းသလိုလို။ ခပ်ကြော့ကြော့ပဲ။

အဲဒီမှာ ကိုယ်တွေးမိတာက ကိုယ်တို့ အမေတွေဆိုရင် ဒီလို ပေးလုပ်ပါ့မလား ဆိုတာကိုပါ။ နေ..နေ တံခါးညှပ်သွားမယ် သား၊ အမေလုပ်မယ် လို့ ပြောမယ် ထင်ပါရဲ့။ အဲဒီလိုတွေးမိတော့ တဖက်က သူတို့လူမျိုးတွေရဲ့ ငယ်ငယ်ကတည်းက တာဝန်ပေး၊ တာဝန်ယူစေချင်တဲ့ စိတ်ဓာတ်လေးကို သဘောကျမိပေမဲ့ ကိုယ်တို့ လူမျိုးရဲ့ နွေးထွေး အေးမြတဲ့ မိခင်မေတ္တာကို လွမ်းမိသွားတာ အမှန်ပဲ။

ငယ်ငယ်က ကိုယ်က အမေ့ သမီး။ ကိုယ်မွေးပြီး ၃လ အကြာမှာ အမေက အမေ့ကျောင်း ပျိုးခင်း မူကြိုကို စဖွင့်တာမို့ ကိုယ်က ကိုယ့်အမတွေလို နေ့ရော ညပါ အမေနဲ့ အတူ မနေခဲ့ရဘူး။ ကိုယ့်ကို ထိန်းတဲ့ ဒေါ်ကြီးတင်တို့ ဒေါ်လေးချိုတို့ လက်ထဲမှာ အမေ ကျောင်းသွားချိန် တနေ့လည်လုံး နေခဲ့ရတယ်။ ဒါကြောင့် အမေကို ပိုကပ်တယ် ထင်ပါရဲ့။

ကလေး သေးသေးလေးတုန်းက မသိပေမဲ့ တနှစ်လောက် ရောက်တော့ အမေ မနက်ဆို ကျောင်းသွားမှာကို သိပြီ။ အမေ သွားခါနီးရင် ဒေါ်ကြီးတင်တို့က ကိုယ့်ကို ပွေ့ချီပြီး လမ်းဖက် ထွက်တယ်။ စိတ်ကို အမေ့ဖက် မရောက်အောင် စိတ်ပြောင်းကြတာ။ အမေ သွားပြီဆိုမှ ကိုယ့်ကိုချီပြီး အိမ်ပြန်လာတယ်။

အဲဒါဆို ကိုယ်က အိမ်ရောက်တာနဲ့ အိမ်ခန်းတွေထဲ တခန်းပြီး တခန်း အမေ့ကို လိုက်ရှာတာပဲ။ အားလုံး ရှာပြီး အမေ့ကို မတွေ့ရင်တော့ လက်လေးကို ခါပြီး “အမေသွားပြီ၊ ရှိတော့ဘူး” လို့ ပြောတယ် တဲ့။ အဲဒါ မနက်တိုင်း လုပ်နေကျ အလုပ်။ အဲဒီတုန်းက အမေ ကျောင်းသွားတော့မှာမို့ ကိုယ့်ကို လမ်းခေါ်သွားတယ် ဆိုတာ ကလေးပေမဲ့ သိတယ်။ ပါးသေးတယ် ဆိုရမှာပေါ့။

ညနေ အမေ ပြန်လာချိန်ဆိုလဲ သနပ်ခါးတွေ လူးပြီး ခြံထိပ်မှာ ထွက်ထွက်မျှော်ရတာ။ ခြံထိပ်က အုတ်ခုံလေးမှာ ထိုင်ရင်း၊ ဒေါ်ကြီးတင်တို့က ပေါင်ပေါ်မှာ ကိုယ့်ကို တင်ပြီး မျှော်တာ။ အဖြူနဲ့ နီညိုရောင် ၀တ်စုံလေးနဲ့ ဘတ်စ်ကားပေါ်က အမေဆင်းလာရင် မုန့်စားရတော့မှာ။ အမေက မုန့်မ၀ယ်လာတဲ့နေ့ မရှိဘူး။

နောက် ကိုယ့်မှာ မောင်လေး တယောက် ရလာတော့ အမေ့အချစ် လုဖော်လုဖက် တယောက် တိုးလာတယ် ဆိုရမယ်။ အမေ မောမောနဲ့ အလုပ်က ပြန်လာရင် အမေ့ကို ကပ်ပြီး အမေ့ ပေါင်ပေါ်ထိုင်ချင်လို့ ဦးရသေးတာ။ အမေ့ပေါင်ပေါ် ငါထိုင်မယ်နော် လို့ ဦးရင် အရင်ဦးတဲ့လူက ထိုင်စတမ်း။ အမေ့မှာ မောမောနဲ့ စာသင်ပြီးပြန်လာတော့ အိမ်ရောက်တော့လဲ ကလေးတွေ ပေါင်ပေါ်တင်ထားရသေးတာကိုး။

နောက်တော့ မောင်လေးက စကားကပ်ပြီး ပြောတယ်။ မချိုက အမေ့ပေါင်ပေါ်ထိုင်မယ် လို့ပဲ ပြောတာ၊ အားလုံးကို ဦးထားတာ မဟုတ်ဘူး တဲ့။ အဲဒီတော့ တယောက် တပေါင် ထိုင်လို့ ရတယ် ဆိုပဲ။ ဒါနဲ့ ကိုယ့်မှာ နောက်တခါ ဦးရင် အမေ့ပေါင်ပေါ် အားလုံး ဆိုပြီး “အားလုံး” ပါ ထည့်ပြောမှ ကိုယ်တယောက်တည်း ထိုင်လို့ရတယ်။ သူက ဘေးက လျှောက်နေ ကြည့်နေပေတော့ပဲ။

နွေကျတော့ အိုက် ပြန်ရော။ ရာသီဥတုက ပူတော့ မအိပ်နိုင်ဘူး။ အဲဒီတော့ မိတ် တွေပါ ထွက်လာတယ်။ အမေရယ်၊ ကိုယ်ရယ်၊ မောင်လေးရယ် အတူအိပ်တာဆိုတော့ ထုံးစံအတိုင်း အမေက အလယ်မှာ အိပ်ရတယ်။ မိတ်ယားလို့ တအီအီနဲ့ ဂျီကျနေရင် အမေက ကျောကို ပေါင်ဒါလူး၊ လက်လေးနဲ့ ဖြေးဖြေးလေး ကုတ်ပေးတယ်။ ဒါဆို ကျေနပ်ပြီး အိပ်သွားရော။

အိုက်တယ် ဆိုရင် အမေက ကဲ ကဲ အမေ ယပ်ခတ်ပေးမယ် အိပ် အိပ် တဲ့။ ၀ါးမျှင်လေးတွေနဲ့ ယက်ထားတဲ့ ယပ်တောင် ၀ိုင်းဝိုင်းကြီးကြီးနဲ့ အမေ ယပ်ခတ်ပေးတယ်။ မောင်လေးကို ယပ်ခတ်ရင် ကိုယ်က ဒီဖက်ကနေ ရေ ထားသလို၊ ကိုယ့်ကို ယပ်ခတ်ပေးရင်လဲ တကြိမ် မကျော်အောင် သူက ရေ တယ်။ တဖက်ကို အခေါက် ၂၀၀ စီ။ သူ့အလှည့်ပြီး ကိုယ့် အလှည့်။

အမေလဲ အိုက်မှာပါပဲ။ ဒါပေမဲ့ အမေ့ကိုတော့ တခါမှ ကိုယ်တို့ ယပ်ခတ်ပေးဖို့ မတွေးခဲ့မိဘူး။ တကယ်တော့ အမေက တနေ့လုံး ပင်ပင်ပန်းပန်း ကိုယ်တို့ စားဖို့ ၀တ်ဖို့ စာသွားသင်နေတာ။ မောမှာပဲ။ ကိုယ်တို့ကလဲ ကလေးဆိုတော့ နားမလည်ခဲ့တာတွေ အခုအချိန်မှာ ပြန်တွေးရင် မျက်ရည်ဝဲမိတယ်။

ဒါပေမဲ့ အမေ့ကို ကြည့်လိုက်ရင် အမြဲတမ်း သနပ်ခါးလေးနဲ့ မွှေးနေတာပါ။ ပန်းလေးတွေ အမြဲ ပန်ထားတတ်တယ်။ စံပယ်ပန်းကုံးလေးတွေ၊ စကားဝါခိုင်လေးတွေကို နွမ်းသွားလဲ အမေ့ ခေါင်းအုံးအောက်မှာ တွေ့ရတတ်တယ်။ မျက်နှာမှာ သနပ်ခါးပါးပါးလေးနဲ့ အမြဲတမ်း ရိုးရိုးရှင်းရှင်း။ ဆံပင်က နဖူးပေါ်မှာ ကပိုကရိုလေး ကျနေတတ်တယ်။

ကိုယ်က အမေ့ကို အမြဲတမ်း မေးနေတာက အမေ ဘယ်သူ့ကို အချစ်ဆုံးလဲ တဲ့။ သားသမီး ၅ယောက် ရှိတာမှာ ကိုယ့်ကိုပဲ အချစ်ဆုံးလို့ အမေ ဘယ်တော့များ ပြောလိုက်မလဲ လို့ အလစ် အငိုက် အမြဲမေးရတာ။ ဒါပေမဲ့ အမေ အမြဲပြန်ဖြေတာက တယောက်တမျိုးစီပေါ့ သမီးရယ် တဲ့။ အကုန်လုံးကို တမျိုးစီ တူတူချစ်တာပါပဲ တဲ့။ အဲဒါလဲ အမှန်ပါပဲ။

ညဖက် မိသားစု ထမင်းစားပြီးရင် အဖေနဲ့ အမေက အိမ်ရှေ့ ၀ရန်တာလေးမှာ ထိုင်ပြီး တနေ့လုံး ကြုံခဲ့ရတာလေးတွေ ပြောကြ၊ တိုင်ပင်ကြ။ ကိုယ်တို့ မောင်နှမတတွေက အဖေတို့ အမေတို့ဘေးမှာ ထိုင်ပြီး နားထောင်ကြ။ တခါတလေ ကိုယ်တို့ သူငယ်ချင်းတွေ အကြောင်း ၀င်ပြောကြ။ အမေက သူ့ကိုယ်ပိုင် အချိန်လေးတွေကို မိသားစုနဲ့ပဲ သိုက်သိုက်ဝိုင်းဝိုင်း ကုန်လွန်တတ်တယ်။

အမေ တခြား မောင်နှမတွေကို ရိုက်တာ ကိုယ် မမှတ်မိဘူး။ ကိုယ့်ကိုတော့ အမေ တခါ ရိုက်ဖူးပါတယ်။ ကိုယ် ၅တန်း ၆တန်းလောက်က ထင်တာပဲ။ ဘာဖြစ်လို့လဲဆိုတော့ သူများ အိမ်ခေါင်မိုးပေါ်တက်ပြီး သူများအိမ်က သရက်သီး သွားခိုးခူးလို့ပါ။ သစ်ပင်နဲ့တွယ်ပြီး ခေါင်မိုးပေါ် တက်ကြတာ သူငယ်ချင်းနဲ့ နှစ်ယောက်ပါ။ ကရင်မလေး စေးစေး တဲ့။ နောက်တော့ သရက်သီးတွေ ခေါင်မိုးပေါ်မှာပဲ စားပစ်လိုက်ပြီး ပြန်ဆင်းလာမှ စေးစေးက ကိုယ့်အမတွေကို တိုင်ပြောလိုက်တယ်။

အဲဒီတုန်းက အမေက ကိုယ့်ကို မေးမေးပြီး ခြေသလုံးကို သစ်သားပေတံနဲ့ ရိုက်တာ မှတ်မိနေတယ်။ သမီး သူများ အိမ်ခေါင်မိုးပေါ်တက်တာ ဟုတ်သလား တဲ့၊ လိမ့်ကျပြီး ခြေကျိုး လက်ကျိုးဖြစ်ရင် ဘယ်လိုလုပ်မလဲ တဲ့။ သူများအိမ်က သရက်သီးတွေ ခိုးခူးတယ် ဆိုတာ ကောင်းသလား မကောင်းဘူးလား တဲ့။ အဲဒီနှစ်ချက်ကို ပြောပြီး ရိုက်တာ တခါမှ အမေ့ အရိုက် မခံရဖူးတာမို့ ကောင်းကောင်းမှတ်မိနေပါတယ်။ ခုပြန်တွေးတော့ တကယ်လဲ ရိုက်သင့်ပါတယ်လေ။

ကိုယ်အရွယ်ရောက်လာတော့ စာတွေ မွှေနှောက် ဖတ်နေပြီ။ ကိုယ်စာဖတ်ပြီးတိုင်း ကိုယ် ဒီဝတ္ထုပေါ်မှာ မြင်တာ ခံစားတာ အကုန် အမေ့ကိုပဲ ပြောပြတယ်။ အမေက ဒိုင်ခံ နားထောင်ပေးတယ်။ အမေကလဲ စာသိပ်ဖတ်သူမို့ အမေ့အမြင်ကိုလဲ ပြောပြတတ်တယ်။

တခါတလေ အမေက သနပ်ခါးသွေးရင်း ပြုံးလို့၊ ကိုယ်က ဘေးမှာ အားတက်သရော ပြောနေတာ။ တခါတလေ အမေနဲ့ ကိုယ် ခုတင်ပေါ်မှာ နှစ်ယောက်သား လှဲရင်း ဖတ်မိ ကြိုက်မိတဲ့ စာတွေအကြောင်း ပြောကြတယ်။ တခါတလေ အမေက သူသိပ်ကြိုက်တဲ့ မေရှင် သီချင်းလေးတွေ ဆိုပြတယ်၊ ကိုယ်က အမေ့ အသံအေးအေးလေးကို စွဲနေပြီ။

ကိုယ်စာ စရေးတော့ အမေ့ကိုပဲ ပေးဖတ်တယ်။ အမေက ကိုယ့်ရဲ့ စာတွေ ပထမဆုံး ဖတ်ခဲ့သူ။ ဘာမှ မှတ်ချက်မပေးတတ်ဘူး။ အမြဲတော့ အားပေးတယ်။ တခါကတော့ ကိုယ့်စာတပုဒ် မဂ္ဂဇင်းမှာ ပါလာတော့ အမတယောက်က အားလုံးကို ဖတ်ပြတယ်လေ။ ၀ိုင်းပြောကြ ဆိုကြတုန်း အမေ ဘေးက မျက်ရည်ကျနေတာ တွေ့ဖူးတယ်။ ဘာဖြစ်လို့လဲ ကိုယ် မေးတော့ ဘာမှ မဟုတ်ပါဘူး သမီးရယ် တဲ့။

ကိုယ် ၁၀ပုဒ်မြောက် စာလေး မဂ္ဂဇင်းမှာ ပါတဲ့ လမှာပဲ အမေ ဆုံးပါတယ်။ သွေးချိုသမားမို့ အချို အရမ်းကျတုန်း ခဏ ရုတ်တရက် နှလုံး ရပ်သွားရှာတာပါ။ အဲဒီကတည်းက အမေ့ရဲ့ နွေးထွေးတဲ့ မေတ္တာနဲ့ ဝေးခဲ့ရတာ။ ကိုယ့် သိပ်ချစ်မြတ်နိုးတဲ့ အမေ့အကြောင်းလေးတွေကို နှလုံးသားရဲ့ နေရာတနေရာမှာ သေချာ ထုပ်ပိုး သိမ်းထားလိုက်ပြီ။ ဒါမှပဲ ကိုယ် ခရီးဆက်လို့ ရတော့မယ်။

အမေ့အကြောင်း ရေးဖို့ဆိုရင် ကိုယ် လက်တွန့်မိတယ်။ အမေ့မေတ္တာကို ဘယ်တော့မှ ပေါ်လွင်အောင် ရေးနိုင်မှာ မဟုတ်လို့ပဲ။ ကိုယ့်ရဲ့ သိမ်နုတ် သေးကွေးတဲ့ စာကလေးဟာ မပီ့တပီ ဖြစ်နေမှာပဲလေ။

ဒီနေ့ သူငယ်ချင်းတယောက်က လက်ဆင့်ကမ်းတဲ့ စကားလေးတခွန်းကို ပြန်မျှချင်ပါတယ်။ မွေးနေ့ရောက်လို့ အနန္တော အနန္တ ၅ပါးကို ရည်စူးပြီး ဆွမ်းကပ်မယ်ဆိုရင် အဲဒီဆရာတော်က ဆွမ်းမဘုဉ်းခင် မိန့်တော်မူတယ် တဲ့။ ငါ့ကို ဆွမ်းမကပ်ခင် ကိုယ့်ကို မွေးခဲ့တဲ့ ကျေးဇူးရှင် အမေကိုရော ထမင်းကျွေးခဲ့ပြီလား တဲ့။

ကိုယ်လဲ ဒီနေ့မှာ မရှိတော့တဲ့ အမေ့ကို စာတပုဒ်နဲ့ အောက်မေ့ လွမ်းဆွတ် လိုက်ပါတယ်။ သမီး ကန်တော့တဲ့ စာထမင်း စာဟင်းက ဖွယ်ဖွယ်ရာရာ မရှိတာမို့ ခွင့်လွှတ် သည်းခံပါတော့ အမေရေ…။

မိုးချိုသင်း

မထူးတဲ့ တနေ့

ကိုယ်အခု စာရေးဖို့ ကြိုးစားနေပါတယ်။ ကျန်တဲ့အချိန်တွေမှာ စိတ်ပါလို့ ရေးချင်ရေး၊ မရေးချင်နေ ကိစ္စမရှိပေမဲ့ အခုတော့ ရေးမှကို ဖြစ်တော့မယ်။ အိုးကလေး ပို့စ်ကို ထိပ်ဆုံးကြီးမှာ ရှိနေတာ အမြန်ပျောက်အောင် လုပ်မှ ဖြစ်တော့မယ်။

ဖြစ်ပုံက ကိုယ်ပြောချင်တာ ဒါ ဆိုရင် လူတွေက တခြားကိစ္စကို နားလည် သွားတတ်ကြလို့ပါ။ ကိုယ်ကပဲ စာရေးမတတ်လို့လား မသိ၊ တကယ်က ကိုယ်ရေးခဲ့တာ ရိုးရိုးပါလေ။ ကိုယ် အိုးလှလှလေးတွေ လက်ဆော့ လုပ်မိတဲ့အကြောင်း ရေးထားတာ မဟုတ်ဘူးလား။

ဒါပေမဲ့ တချို့စာဖတ်သူတွေ နားလည်သွားတာက ကိုယ်က လူဆိုးကြီး လုံးလုံး ဖြစ်နေပါပြီ။ ကိုယ့်အမျိုးသားမှာ သနားစဖွယ် အနိုင်ကျင့်ခံလူသား ဖြစ်နေပါပြီ။ ကွန်မန့်တွေ အီးမေးလ်တွေမှာလဲ ကိုယ်က အိုးပျံ နဲ့ အင်ထရို ၀င်ပြီးသကာလ ကျောက်ခဲပျံတွေပါ လာတော့မယ် ဆိုပြီး သာသာထိုးထိုး ရေနစ်သူ ဝါးကူလို့ ထိုးကြပါတယ်။

တနေ့ကလဲ မိတ်ဆွေ တယောက်နဲ့ ဖုန်းပြောရာမှာ ကိုယ့်လေသံကိုက ထောင်မှူးလေသံ ပေါက်နေတယ်ဆိုပဲ။ ကိုယ်လဲ စကားတောင် ဘယ်လိုပြောရမယ် မသိ။ နှစ်ယောက်ရှိရာမှာ တယောက်က ထောင်မှူးဆိုရင် ကျန်တယောက်က အကျဉ်းသားလေးသာ ဖြစ်တော့မပေါ့။ ကိုယ့်အမျိုးသားကလဲ ပြုံးပြုံး ပြုံးပြုံးနဲ့ သူ့ကို ၀ိုင်းသနားကုန်ကြပြီလို့ ပီတိသံနဲ့ ပြောလေရဲ့။

တကယ်က ကိုယ့်မှာ ခုတ်ရာတခြား ရှရာတခြားဆိုသလို အဖြစ်တွေက ကြံရဖန်များလို့ ရိုးတော့ ရိုးနေပါပြီလေ။ ကိုယ်လဲ တခါတလေတော့ တရက်တလေ တလွဲမလုပ်မိတဲ့နေ့လေး တနေ့တော့ သေသေသပ်သပ်လေး ရှိသွားဖို့ ကြိုးစားမယ် စိတ်ကူးတယ်။

ဒါနဲ့ ကိုယ် ဒီနေ့ စ ကြိုးစားကြည့်ခဲ့ပါတယ်။ မနက်ခင်းကတည်းက နိုးလာကတည်းက အိမ်မှုကိစ္စ၊ ကြောင်မှုကိစ္စ တွေ ပြီးတော့ ရုံးကို ပျော်ပျော်ရွှင်ရွှင် သွားလိုက်တယ်။ ရုံးမှာလဲ မမှားရ၊ မလွဲရအောင် ဂရုစိုက်နေတယ်၊ ပြောတယ်။

အင်း.. ဂရုစိုက်နေတော့လဲ ဟုတ်နေသားပဲ လို့ ဘ၀င်မြင့်ချင်သလိုလိုတောင် ဖြစ်မိတယ်။ အရင်နေ့တွေမှာလို ရုံးမှာ အခန်းထဲ ဝင်ခါနီး security code ကို နှိပ်ရတဲ့အခါ ရှေ့နဲ့ နောက် မှားနှိပ် မိတာမျိုး မဖြစ်ခဲ့ဘူး၊ အဖုံးလေးဖွင့်ပြီး security key pad လေးကို နှိပ်နေကျမှာ တယောက်ယောက်က အဖုံးကို ဖွင့်ရက် ထားသွားတာကို သတိမထားမိဘဲ key pad ကို အတင်းဆွဲခွာနေတာမျိုး ဒီနေ့ မဖြစ်ခဲ့ဘူး။ ဟုတ်နေပြီ။ ဒါဆို အတော်လေးကို ဟုတ်နေပြီ။

တခါတုန်းက နေ့လည်ဖက်မှာ ဘော့စ် က ကိုယ့်ကို ဧည့်ခန်းမှာ ရောက်နေတဲ့လူကို အကဲသွားခတ်စမ်းပါ ပြောလို့ ကိုယ်က လူကဲခတ်တတ်သူကြီးလုပ်ပြီး သွားအကဲခတ်ခဲ့တာ။ ဥပဓိမကောင်းဘူး လို့ စိတ်ထဲ ထင်တာမို့ ဘော့စ် ကို လက်ခါပြလိုက်တယ်။ ဒီလူ မကောင်းဘူးပေါ့။ နောက်မှ ပြန်သိတာက ကိုယ်သွားကြည့်ခဲ့တာ ဘော့စ် ရဲ့ ညီအရင်း ခေါက်ခေါက်။ ကိုယ်က လူမှားကြည့်ခဲ့တာ။ သူကြည့်ခိုင်းတာက တခြားတယောက်။

ဒီနေ့မှာတော့ အေးဆေးပါ။ ဒီလို အကဲခတ်စရာလဲ လူမလာတော့ ကိုယ့်လုပ်ရပ်လေးတွေ မှန်နေတယ်။ အလုပ်များပေမဲ့ တလွဲမဖြစ်၊ အဆင်ပြေနေတယ် ဆိုပါတော့။ ကိုယ်တောင် တလွဲမလုပ်မိတဲ့ နေ့ အမှတ်တရလေး ဖြစ်သွားအောင် ထီတောင် ထိုးမလား စဉ်းစားနေတယ်။

ဒါနဲ့ အလုပ်ဆင်းတော့ ဆိုင်တဆိုင်မှာ စားစရာ ဝင်ဝယ်ရင်း မိတ်ဆွေ အမျိုးသမီးတယောက်နဲ့ ဆုံတယ်။ အဲဒီအထိ အိုကေသေးတယ်။ သူနဲ့ ဆိုင်မှာ ဟင်းစောင့်ရင်း မိန်းကလေးတွေ ထုံးစံ အစားအသောက်အကြောင်း ပြောမိတာပေါ့။ ပြောရင်း တရုတ်အစားအစာတွေအကြောင်း ရောက်သွားတော့ သူက တရုတ်ပြည်မှာ ဒေသအလိုက် အစားအသောက်တွေက ချက်ပုံ ချက်နည်း ကွဲသွားတယ် တဲ့။

ကိုယ်ကလဲ အလိုက်သင့် ဟုတ်တာပေါ့ ဆိုတာထက် ပိုမပြောဘူး။ စကားနည်းလေ အမှားနည်းလေ မဟုတ်လား။ အဲဒီမှာ သူက တခွန်းပြောလိုက်တယ်။

“ကျမ ယောက္ခမကလဲ ယူးနန်း ကပဲလေ” တဲ့..
“ဘာ!!! ညီမ ယောက္ခမ က ရူးနှမ်းနေတယ် ဟုတ်လား။ ဘယ်လိုဖြစ်ရတာလဲ .. ”
“မဟုတ်ပါဘူး။ ယူးနန်း ဆိုတာ ယူနန် ပြည်နယ်ကို ပြောတာ အမ”
“ဟယ်..အားနာလိုက်တာ ညီမရယ်၊ ဆောရီးနော်..”

ဒါနဲ့ ဟင်းရရချင်း ကမန်းကတန်း နှုတ်ဆက်၊ ကားပေါ်ပြေးတက်ခဲ့ရတယ်။ သူက ယူနန်ကို ဘိုဆန်ပြီး ယူးနန်းလို့ ပြောတာကို ဘုန်းကြီးကျောင်းအသံထွက်နဲ့ ကိုယ်က ရူးနှမ်းတယ် ထင်ပြီး သွားမေးမိတာလေ။ ဒီတခွန်းလေးပဲ လွတ်ထွက်သွားတာ..။

တော်ပြီ၊ တော်ပြီ။ ဒီနေ့လဲ တလွဲလုပ်မိပြန်ပြီ။

မိုးချိုသင်း

အိုးကလေး

ကိုယ်လဲ ခုတလော စာရေးချင်စိတ် မရှိဘူး ဖြစ်နေတယ်။ ဒါနဲ့ တရက် နှစ်ရက်လောက် ကွန်ပျူတာ မဖွင့်ဘဲ ပစ်ထားလိုက်တယ်။ ကိုယ့်ဘလော့ဂ်လဲ သွားမကြည့်ဘူး။ ရမလား လို့ နေကြည့်တာ၊ ပြီးတော့လဲ အညှို့ခံရတဲ့သူလို သူ့ရှေ့ သွားထိုင်မိပြန်တာပါပဲ။

စာလာဖတ်တဲ့ ညီမလေးတွေက သူတို့ သိနေတဲ့ အကြောင်းအရာလေးတွေ ဆွဲထုတ်ပြီး ကိုယ့်ကို ဟိုအကြောင်းလေး ရေးပါလား၊ ဒီအကြောင်းလေး ပြောပါအုံး ဆိုပြီး ပြောတယ်။ ကျေးဇူးလဲ တင်ပါတယ်။ ဒါပေမဲ့ တခါတလေကျရင်တော့ ကိုယ့်ဖာသာကိုယ် အားငယ်ပြီး စာဖက်မလှည့်ဘဲ တခြားဟာတွေ စိတ်ဝင်စားနေပြန်ပါရော။

တခါက ကိုယ်လဲ စာမရေး စာမဖတ်ဘဲ တခြား ကိစ္စတွေ စမ်းလုပ်ကြည့် စိတ်ဝင်စားဖူးပါတယ်။ အဲဒီတုန်းက ကိုယ်က စင်ကာပူကနေ ရန်ကုန်မှာ ပြန်နေစဉ်ကာလ။ ၂၀၀၀ ခုနှစ်လောက်က ပေါ့။ အဲဒီတုန်းက ကိုယ့်အမျိုးသားရော ကိုယ်ပါ ပြန်လာပြီးမှ သူက အလုပ်ကိစ္စတွေ မပြတ်သေးတာမို့ ပြန်သွားရတယ်။ သွားလိုက် ပြန်လိုက်ပေါ့။

ကိုယ်ကတော့ လည်ရာ ပြန်စားရေး။ ကလေး ကဗျာစာအုပ်လေးတွေ၊ ကိုယ်တို့ နှစ်ယောက် ကြိုက်တဲ့ ဟိုးအရင် ရွှေသွေးမှာပါတဲ့ ဆရာဦးဘကြည် ပန်းချီနဲ့ စာလေးတွေ ဆရာကြီးဆီက ခွင့်တောင်းပြီး သပ်သပ်ရပ်ရပ် ၄ရောင်နဲ့ ပြန်ထုတ်ဖို့ လုပ်နေတုန်း။ အဲဒီမှာ ဒီဇိုင်း ကိစ္စနဲ့ အကိုလို ခင်နေတဲ့ ဒီဇိုင်းဆရာ ကိုစိုးဝင်းငြိမ်းအိမ် ၀င်ထွက်တော့ အိုးလေးတွေမှာ ပုံလေးတွေကပ်ထားတဲ့ (အိုးပန်းချီ ခေါ်မလား မသိဘူး) အရုပ်အိုးလေးတွေ တွေ့တာကိုး။

တွေ့တွေ့ချင်း သဘောကျလိုက်တာ။ ဘယ်လိုလုပ်ရလဲ သင်ပေးပါဆိုပြီး ပူဆာတော့ သူက အိုးလုံးလုံး လှလှလေးတွေ ၀ယ်ပြီး ခံဆေး သုတ်၊ ပြီးရင် ပုံလေးတွေကို ကပ်တာ တဲ့။ ဒါနဲ့ သူကိုယ်တိုင် မင်းဓမြ လမ်း (တကယ်က မင်းဓမ္မလမ်းပါ) မှာ အိုးလေးတွေ သွာ်းဝယ်ကြတယ်။

ပန်းစိုက်ဖို့လဲ မဟုတ်၊ ပုံကပ်ဖို့ လွယ်အောင် အိုးလုံးလုံးလေးတွေ လိုက်ရွေးဝယ်ရတာ။ ဒါနဲ့ ကိုယ်က အိုးကြီးကြီး တလုံးရယ်၊ အိုးအသေးလေး ၂လုံးရယ် ဝယ်ခဲ့တယ်။ ခံဆေးသုတ်ဖို့ ဆေးအဖြူလဲ ဝယ်တယ်။

ကိုယ့်မှာ လုပ်ချင်လိုက်တာ အခုကိုပဲ ထမင်းမေ့ ဟင်းမေ့ လုပ်လိုက်ရမှ နေသာ ထိုင်သာ ရှိတော့မယ် ဆိုတဲ့အတိုင်း။ ဒါနဲ့ ဘာပုံကပ်ရမလဲ စဉ်းစားလိုက်တာ သူလဲ အိမ်မှာ မရှိတော့ သူ့အတွက် အမှတ်တရ တခုခု လုပ်ပေးမယ်လို့ စိတ်ကူးမိတယ်။

အဲဒီတုန်းက အိမ်မှာ သူဖတ်တဲ့ ဘောလုံးဂျာနယ် (အားကစား ဂျာနယ်) တွေ တပုံကြီး ဖြစ်နေတာ။ ဒါနဲ့ သူ့အကြိုက် ဘောလုံးသမားတွေ အကုန်လုံး လက်နဲ့ ကိုယ် လိုချင်သလောက်လေး ဆုတ် ဆုတ်ပြီး လိုက်ဖက် လှပအောင် အိုးမှာ ကပ်တယ်။ ကတ်ကြေးနဲ့ ညှပ်ရင် ရသားပေါ့။ ဒါပေမဲ့ မလှဘူး ထင်တယ်။ လက်နဲ့ ဆုတ်ထားတာကို ကပ်မှ ပိုလှတယ် ထင်လို့လေ။

ဘက်ခမ်းနဲ့ သူ့သားလေးပုံ၊ ဇီဒန်းပုံ၊ ရွိုင်းကင်း ပုံ။ အဲလက်စ် ဖာဂူဆန်တောင် ပါသေး။ အိုးက လက်တပွေ့လောက် ကြီးတော့ တော်တော် ပုံရှာကပ်ယူရတာ။ အိုး အတွင်းရော အပြင်ရောပေါ့။ စ လုပ်တော့ ညနေပိုင်းလောက် ကနေ လုပ်တာပါ။ တညလုံး ညလုံးပေါက် မပြီး မချင်း ပုံရှာ ဆုတ် ကပ် လုပ်တယ်။ အရင်လိုတာလဲ မဟုတ်ဘဲနဲ့။

အိုးလေးပြီးတော့ ကျေနပ်ပြီး ဧည့်ခန်းမှာ ထားလိုက်တယ်။ ဘောလုံးသမား ပုံတွေချည်း။ ကိုယ့်ဖာသာကိုယ် သဘောတွေကျလို့၊ သူနားက ဖြတ်သွားတိုင်း ကြည့်လိုက်၊ ပြုံးလိုက်၊ အိုးလေးကို ပွေ့ထားလိုက်၊ မြှောက်ကြည့်လိုက်၊ သူငယ်ချင်းတွေ လာရင် ပြ လိုက်။

ဒါနဲ့ သူ ပြန်လာရော ဆိုပါတော့။ လေဆိပ်က ကြိုလာကတည်းက အိမ်ရောက်ရင် အံ့သြစရာ ပြချင်တာ ရှိတယ် ပြောလာတယ်။ အိမ်ရောက်တော့ အရုပ်အိုးလေးကို ပြလိုက်တာပေါ့။ သူကလဲ အံ့သြပြီး လှလိုက် ကောင်းလိုက်တာ တဲ့။ ဘယ်လိုလုပ်သလဲ တဲ့။ ဒါနဲ့ ကိုယ် ဆုတ်ထားတဲ့ မဂ္ဂဇင်းတွေ၊ ဂျာနယ်အပုံလိုက်ကြီးကို လက်ညှိုးထိုးပြလိုက်တာပေါ့။

အစုတ်စုတ်ပြဲနေတဲ့ သူ့ဂျာနယ်တွေ မဂ္ဂဇင်းပုံကြီးကို ကြည့်ပြီး တော်တော်မျက်နှာ မကောင်းဘူး။ ဟာ ကနဲ မိုက် ကနဲ ဖြစ်သွားပုံရပေမဲ့ ကိုယ်က ပြုံးကြည့်နေတော့ သူ အတော် အိနြေ္ဒဆယ် ထားရပုံပဲ။ သူက ဒါတွေ ဖတ်လိုက် သဘောကျလိုက်နဲ့ အပန်းဖြေတာ မဟုတ်လား။ မချိပြုံးပေါ့။

နောက်တော့ ကိုယ်က အလိုက်တသိနဲ့ ဓာတ်ပုံဖက် လှည့်သွားပါတယ်။ ဓာတ်ပုံတွေ ကူး၊ ရေဆွတ်ပြီး ဓာတ်ပုံ စက္ကူသားတွေ ခွာပြီး အိုး လုပ်ပြန်တယ်။ ဓာတ်ပုံဆိုတော့ အရောင်လေးတွေ တောက်ပြီး တမျိုး လှပြန်တာပဲ။ ဒီတခါတော့ နှစ်ယောက်တည်း ပုံတွေချည်း ရွေးထုတ်ပြီး ကူးရ၊ ကပ်ရ ပေါ့။ ပုံကူး၊ ပြန်ဆုတ် ဆိုတော့ ပိုက်ဆံကုန်တာပေါ့။ ဒါလဲ မသက်သာဘူးပေါ့လေ။

ဘောလုံးပုံနဲ့ အိုးကတော့ ရန်ကုန်အိမ်မှာ ရှိသေးမယ် ထင်တယ်။ အဲဒီ နှစ်ယောက် ဓာတ်ပုံတွေနဲ့ အိုးကတော့ သူနဲ့ စိတ်ဆိုးတုန်းက နံရံကို ပစ်ပေါက်ပြီး ခွဲလိုက်လို့ အစိတ်စိတ် အမွှာမွှာ ဖြစ်သွားပြီ။ ကိုစိုးဝင်းငြိမ်းကတော့ ပြောတယ်၊ performance တွေ သိပ်မလုပ်နဲ့ တဲ့။

အခုတော့ ကျောက်တုံးလေးတွေပေါ်မှာ ပန်းချီခြယ်တာ စိတ်ဝင်စားပြီး ဆေးတွေ ဝယ်ထားလိုက်တယ်။ ကျောက်တုံးဆိုတော့ မကွဲနိုင်တာလဲ ပါတာပေါ့လေ။

မိုးချိုသင်း

လွဲတဲ့အခါလဲ လွဲပေမပေါ့

မတန်ခူးက လွမ်းတဲ့ အလွဲများ ဆိုပြီး Tag တော့ ကိုယ့်မလဲ ဘာရေးရမလဲ စဉ်းစားရတာပေါ့။ ကိုယ်လဲ လွဲတော့လွဲနေတာပါပဲ၊ ဒါပေမဲ့ ကိုယ့်အဖြစ်က လွဲလဲ လွဲမှန်းတောင် မသိတော့ ခက်တယ်။ လွဲနေပါတယ်ဆိုမှ မှန်သားပဲ ထင်နေသလိုပေါ့လေ။

ဒါနဲ့ မတန်ခူးကို ဟုတ်ပြီ ဟုတ်ရဲ့ ရေးပေးမယ်လို့ ပြောပြီးပါမှ အလွဲက ရှာမရဘူး။ ငါ ဘယ်မှာ လွဲဖူးလို့လဲ ထင်သေးတာကိုး။ ဒါနဲ့ ဒီညတော့ မရေးသေးဘူး အမရေ လို့ ပြောပြီး ကိုယ်တို့ အယ်လ်အေကို အလုပ်ကိစ္စနဲ့ ရောက်နေတဲ့ ဘလော့ဂ်ရေးတဲ့ ရွှေဂျမ်းကို သွားတွေ့မယ် ဆုံးဖြတ်လိုက်တယ်။

ကိုယ်လဲ ဒီဘလော့ဂ်လေး လုပ်ဖြစ်မှ သူငယ်ချင်းတွေ တိုးလာလို့ ၀မ်းသာနေတာ။ ဘလော့ဂ်လုပ်မှ ခင်ရတဲ့ မိတ်ဆွေတွေ ရှိပေမဲ့ လူချင်းသာ ဘလော့ဂ်ပေါ်မှာ ခင်နေတာ၊ တွေ့ဖူး မြင်ဖူးကြတာ မဟုတ်ဘူးလေ။ အရင်ကတည်းက မသိဘဲ မရင်းနှီးဘဲ ဘလော့ဂ်မှာသိပြီးမှ အပြင်မှာ တွေ့ဖူးတာ ၃ယောက်ပဲ ရှိသေးတယ်။

ပထမတယောက်က Heart Museum တဲ့။ မခင်ဦးမေက Heart Museum ရဲ့ အဖေ ဆုံးတာမို့ သတင်းသွားမေးပါအုံးလို့ ရွာဆော်ကြီး လုပ်ပြီး link ပေးသွားလို့ နာရေးသွားမေးတာ။ သူ့ဘလော့ဂ်ကို အရင်က မရောက်ဖူးဘူး။ သတင်းမေးရင်း လျှောက်ကြည့်မိတော့ တမြို့တည်းသားဖြစ်နေလို့ ဘာလုပ်ပေးရမလဲ မေးမိတယ်။ သူကလဲ ရက်လည်ဆွမ်းသွတ် ဖိတ်ပါတယ် တဲ့။ ဒါနဲ့ နာရေးဆိုတော့ ရောက်အောင် သွားမယ်ဆိုပြီး သွားခဲ့တယ်။

အဲဒီဘုန်းကြီးကျောင်းကို ရောက်တော့ တရားနာတော့မဲ့ အချိန်။ ဘုန်းဘုန်းက ရင်းနှီးပြီးသား၊ ကိုယ်တို့နဲ့ ဆွေနီးမျိုးစပ် ဘကြီးဘုန်းကြီး။ ကိုယ့်ကိုတွေ့တော့ အော် အလှူရှင်နဲ့ အသိတွေလား၊ ဘယ်သူနဲ့သိတာလဲ တဲ့။ လောက၀တ် ရိုးရိုး မေးတာပါ။ ကိုယ်လဲ ဘုန်းဘုန်းကို ကြောင် ကြည့်လို့။ ပါးစပ်က ဟတ် ဟတ် နဲ့ ရှေ့ဆက် မတက်ဘူး။ Heart Museum လို့ ပြောလိုက်ရမှာလား၊ သူ့နံမည်ရင်းက ဘာလဲ၊ ဘာမှကို မသိ။

ကိုယ့်ကို လိုက်ပို့ပေးတဲ့ ကိုယ့်အမျိုးသားကလဲ ကိုယ့်အဖြစ်ကို ကြည့်ပြီး ရိုးနေပုံပါပဲ။ ခပ်အေးအေးပဲ နေတယ်။ ကိုယ်တို့ပုံက အလှူရှင်ကို သိသလိုလိုလုပ်ပြီး လာစားတဲ့ သူတွေနဲ့ တူနေပါပြီ။ အဲဒီအချိန်မှာ လူငယ်တယောက်က ထ လာပြီး အမ ကျနော်ပါ တဲ့။ အေး၊ ၀မ်းသာလိုက်တာဟယ်၊ အမလဲ လူမသိလို့ ဒုက္ခရောက်နေတာ တဲ့။ နာရေးကို လာမေးတဲ့သူက တွေ့တွေ့ချင်း ၀မ်းသာလိုက်တာဟယ် ပြောရတာတော့ သိပ်မဟုတ်သေးဘူး။ ဒါပေမဲ့လဲ မတတ်နိုင်တော့ဘူးလေ။ နောက် မိတ်ဆက်ကြတော့ သူက မန္တလေး ဘူမိကတဲ့။ ဘူမိကဆိုတော့ ခင်မိပြီပေါ့။

နောက်တယောက်ကတော့ အကိုကြီး ကိုအောင်သာငယ်ပေါ့။ အကို့ကိုတော့ အိမ်မှာ မိတ်ဆုံပွဲလေးလုပ်တော့ လာတက်တဲ့မိတ်ဆွေတွေနဲ့ အတူ လိုက်လာလို့ တွေ့ရတာပါ။ အကိုကလဲ တခြား State က ပြောင်းလာခါစ။ ကိုယ်က မီးဖိုထဲမှာ အမြည်းစိန် လုပ်နေတုန်း လာနှုတ်ဆက်တာ။ အကိုကလဲ ဘူမိဗေဒနဲ့ပဲ ကျောင်းပြီးတယ်ဆိုတော့ တခါတည်း အကိုအရင်းလို ခင်သွားတယ်။ (အကိုက အဲဒီအကြောင်းကို သူ့ဘလော့ဂ်မှာ ရေးဖူးပါတယ်)

အခုတယောက်ကတော့ ရွှေဂျမ်းလေ။ ရုံးဆင်းတာနဲ့ ဂျမ်းပေးထားတဲ့ ဖုန်းနံပါတ်ကို ဆက်တော့ ဂျမ်းက ၀မ်းသာလိုက်တာ အမရေ တဲ့၊ အခုပဲ အစည်းအဝေးပြီးလို့ ဟိုတယ်နားက Outlet Mall ကို သွားကြည့်မလို့ လမ်းလျှောက်နေတယ် တဲ့။ ညကျရင် အဒေါ်က ထမင်းလိုက်ကျွေးမှာမို့ သွားစားပြီး တွေ့ကြတာပေါ့။ ဒီဖုန်းကိုပဲ ဆက်နော် တဲ့။ ဒါနဲ့ ကိုယ်ကလဲ ညကျရင် အမ လာတွေ့မယ်ဆိုပြီး စကားလေးဘာလေး ပြောပြီး ဖုန်းချလိုက်တယ်။

ညရောက်တော့ သွားကြရော ဆိုပါတော့။ ဂျမ်းလာတဲ့ မြို့ကလေးက ကိုယ်တို့နေရာနဲ့ နည်းနည်း ဝေးတယ်။ မိုင် ၃၀လောက် ထင်ပါရဲ့။ အိမ်က စ ထွက်ကတည်းက ဖုန်းဆက်တာ ဂျမ်းက မကြားလို့ ဖုန်းမကိုင်ဘူး။ ကိုယ်ကလဲ နောက်တခါခေါ်ရင် ကိုင်မှာပါလေ ဆိုပြီး စိတ်မပူဘူး။ လာမယ်လို့ ညနေက ပြောထားပြီးသားပဲလေ။ ကားထဲမှာ သီချင်းလေးဆိုရင်း သွားတယ်။

တော်တော်ကြာ မောင်းမိတော့ ကိုယ့်အမျိုးသားက ပြောတယ်၊ ရောက်ခါနီးပြီ ဖုန်းထပ်ဆက်ကြည့်ပါအုံး တဲ့။ ဒါနဲ့ ကိုယ်က ဖုန်းဆက်တယ်။ မကိုင်ဘူး။ ထပ်ဆက်တယ်။ မကိုင်သေးဘူး။ ထပ်ဆက်တယ်။ မကိုင်ပြန်ဘူး။ အဲဒါမှ ဂွ ပဲ။

ကိုယ်သိတာက သူတည်းတာ Marriott Hotel ဆိုတာကိုပါ။ ကိုယ်လဲ လွယ်လွယ်ပဲ နီးတော့မှ ဘယ် Marriott လဲ လှမ်းမေးမယ်ပေါ့၊ ကြံထားတာ။ အခု သူဖုန်းမကိုင်တော့ ခေါင်းကြီးပြီ။ တမြို့လုံး ဟိုနားမှာလဲ Marriott ဒီနားမှာလဲ Marriott ကိုး။ ဖရီးဝေးကြီးပေါ်မှာ ကားကလဲ ဆက်မောင်းနေတယ်၊ ဦးတည်ရာမဲ့ ပေါ့။

နောက်တော့ ကိုယ်လဲ ငယ်ငယ်က ဦးစံရှားဖတ်ခဲ့တဲ့ အရှိန်နဲ့ ဖျစ်ညှစ် စဉ်းစားလိုက်တာ ညနေက ဂျမ်း Mall ကြီးဆီ လမ်းလျှောက်သွားနေတယ် ဆိုတာကိုး။ ဒါနဲ့ အဲဒီ Mall ကို သွားပေတော့လို့ ဆရာကြီး လုပ်လိုက်တယ်။ အဲဒီ Mall နဲ့ လမ်းလျှောက်သွားလို့ရတဲ့ အကွာအဝေးလောက်မှာ ရှိတဲ့ Marriott ဖြစ်ရမယ်လို့ အတပ်ဟော လိုက်တယ်။ Mall နေရာကတော့ ကိုယ်အပိုင်သိတာကိုး။

Mall ကြီးကို ပတ်ပြီး ဟိုတယ်ကို ရှာကြတာ နောက်ဆုံးတော့ တွေ့ပြီလေ။ ဒါပေမဲ့ သူ ဒီမှာ တည်းမတည်း သေချာသေးတာ မဟုတ်ဘူး။ ဂျမ်းကိုလဲ အပြင်မှာ မမြင်ဖူးတော့ ဘယ်လို လိုက်ရှာရမလဲ မသိဘူး။ ဖုန်းဆက်ကြည့်တော့လဲ မကိုင်သေးဘူး။ ဒါနဲ့ ဟိုတယ်ရှေ့မှာ ညကြီးမင်းကြီး ယောင်လည်လည်နဲ့ လမ်းလျှောက်နေတယ်။ သူ သူ့အဒေါ်နဲ့ ထမင်းသွားစားနေလို့ ဆိုင်ထဲမှာ ဆူနေတော့ မကြားတာထင်တယ်လို့ တွေးနေတယ်။

ကိုယ့်အမျိုးသားက မေးတယ်။ နံမည် သိသလား တဲ့။ ဂျမ်းလေ..ရွှေဂျမ်းလေ။ အဲဒါ နံမည်ရင်းလား တဲ့။ မသိဘူးလေ။ သူက နံမည် သိရင် Hotel Reception ကို သွားမေးမလို့ပါ။ နောက်တော့ သက်ပြင်းရှည်ကြီး ချတယ်။ ကဲ ဒီလောက်ထိ လာပြီးမှတော့ ဖုန်းသာရအောင် ဆက်ပေတော့ တဲ့။

နောက်တော့ ဂျမ်းက ဖုန်းဆက်လာတယ်။ ထင်တဲ့အတိုင်းပဲ။ ဆိုင်ထဲမှာဆိုတော့ ဖုန်းသံကို မကြားဘူး။ missed calls ၁၀ခုလောက်တွေ့တော့ လန့်သွားတာ တဲ့။ ဒါနဲ့ ဆုံခဲ့ကြတယ် ဆိုပါတော့။ တွေ့ကြတော့လဲ ပြောလိုက်ကြ၊ ရီလိုက်ကြနဲ့။ ဘလော့ဂ်က သူငယ်ချင်းတွေ အကြောင်း ပြောကြတာပါပဲ။ ချက်ချင်းပဲ ခင်သွားလိုက်တာ။ ည ၁၀နာရီကျော်မှ ပြန်ခဲ့တယ်။

ပြန်လာတော့ ကိုယ်လုပ်ချင်တာ လုပ်ခဲ့ရပြီဆိုတော့ ပြုံးပြုံး ပြုံးပြုံးနဲ့။ တလွဲလုပ်ခဲ့တာတွေလဲ မေ့သွားပြီ။

တလောကတော့ ကိုယ်တို့ မင်္ဂလာ ၁၃နှစ်ပြည့် အကြောင်း ပို့စ်လေး တပုဒ် ရေးမိတယ်။ အဲဒီပို့စ် တင်လိုက်တာနဲ့ မိတ်ဆွေတွေဆီက ဖုန်းတွေ လာပါတယ်။ နှုတ်ဆက်ကြ ဘာညာပေါ့။

Santa Rosa မှာနေတဲ့ အကိုလို ခင်ရတဲ့ အကိုကြီးတယောက်ကတော့ ကိုယ့်အမျိုးသားဆီ ဆက်လာတယ်။ မြန်မာပြည်မှာတော့ အကျဉ်းသားတွေ လွှတ်ကုန်ပြီ တဲ့။ မင်းကတော့ ၁၃ နှစ် တဲ့။ ဒီတသက် လွတ်မဲ့ပုံ မမြင် တဲ့။ ငါတို့ ဘန်ကီမွန် ကို ပြောပေးရအုံးမလား ဆိုပဲ။ ကိုယ့်ကို သူက ပြန်ပြောပြတာပါ။
အဲဒါ သူ့ တသက်စာ အလွဲပဲ ဆိုပါတော့လေ…

မိုးချိုသင်း