နှစ်သစ်ကို ကြိုဆိုခြင်း

ဘလော့လေးကို နှစ်သစ်ကြိုတဲ့အနေနဲ့ အကျီ င်္လှလှလေး ၀တ်ပေးလိုက်ပါတယ်။ အပြောင်းအလဲလေးလဲ ဖြစ်၊ ကောင်းမွန် လှပတဲ့ ရှေ့ရေးကိုလဲ မျှော်လင့်မိလို့ပါပဲ။

ကိုယ်က ကံ့ကော်တောမှာ မွေးခဲ့သူမို့ ကံ့ကော်ပန်းလေးနဲ့ အလှဆင်ချင်မိတယ်။ အဲဒါကို စိတ်ရှည်ရှည်နဲ့ လိုချင်တဲ့ပုံစံအတိုင်း ဒီဇိုင်းရေး၊ စာလုံးလေးတွေ ပြောင်းထည့် အလှဆင်ပေးတဲ့သူများက ကာတွန်း ကိုဝင်းထွန်း နဲ့ ကိုမင်းကျော် တို့ပါ။ သူတို့က ကွန်ပျူတာနဲ့ web page ပညာ ကျွမ်းကျင်သူတွေပေါ့။ သူတို့ကို ဒီနေရာကနေ ကျေးဇူး မှတ်တမ်းပြုပါတယ်။

ဘာပဲဖြစ်ဖြစ် ကိုယ်ကတော့ နှစ်သစ်ကို ကြည်ကြည်နူးနူး ရွှင်ရွှင်လန်းလန်း ကြိုလိုက်ပါပြီ။ နှစ်သစ်မှာ မြန်မာပြည်သူ ပြည်သားတွေ အားလုံး ပျော်ရွှင်ချမ်းမြေ့ကြပါစေ။ လွတ်လပ်ပြီး တရားမျှတတဲ့ လူ့ဘောင်သစ်တခုကိုလဲ အတူ ၀ိုင်းပြီး တည်ဆောက်နိုင်ပါစေလို့ မျှော်လင့် ဆုတောင်းမိပါတယ်။


မိုးချိုသင်း


အပြည့်အစုံဖတ်မယ်...

အပွင့်လေးတို့နဲ့ VZO

စနေ တနင်္ဂနွေ မနက်တွေဆိုရင် ဆိုင်လေးမှာ လူရှင်းတုန်း ကိုယ်ဘာတွေ လုပ်သလဲ ပြောပြချင်မိတယ်။

ဆိုင်ရောက်တာနဲ့ ကွန်ပျူတာဖွင့်၊ VZO သုံးတော့တာပါ။ ကိုယ်ခေါ်လိုက်တဲ့သူတွေက ကိုယ့်ရဲ့ အဝေးက ချစ်တူမတွေဆီကိုပါ။ ကိုယ်တို့ဆီမှာ နေ့လည်ဆို သူတို့ဥရောပမှာ ညဖက်ပေါ့။ ကွန်ပျူတာ ဖန်သားပြင်ကနေ ခေါင်းလေးတွေ တိုးဝှေ့ပြီး အလုအယက် စကားပြောကြတဲ့ ကိုယ့်တူမလေးတွေနဲ့ စကားပြောကြတာ။

တူမလေးက ၄ယောက်။ မိုးပွင့်၊ မိုးဥ၊ စန္ဒြာ၊ မာယာ တဲ့။ မိုးပွင့်က အကြီးဆုံး၊ အသက်က ၁၂ နှစ်။ ပြီးတော့ စန္ဒြာ၊ ပြီးတော့ မိုးဥ၊ အငယ်ဆုံးလေးက မာယာပေါ့။ အများအားဖြင့် မိုးပွင့်လေး နဲ့ စကားပြောတာပါပဲ။ ကျန်တဲ့ကလေးတွေကတော့ ပြေးလာ ပြောလိုက်၊ ဆော့လိုက်ပေါ့။

ကိုယ်က မိုးပွင့်ကို အပွင့်လေး လို့ ခေါ်တယ်။ အပွင့်လေးက ၁၂ နှစ်သာဆိုတယ်၊ အတော်လေး ထွားတယ်။ အရပ်မြင့်မြင့်၊ အဒေါ်လို ၀၀ တုတ်တုတ်လေး၊ မျက်နှာကြီးကြီး နဲ့။ လူကောင်ထွားပေမဲ့ မျက်နှာက တကယ့် ကလေးလေး။ အဲဒါပေါ့ ချိုချိုရယ်.. ၊ သူကလေ အဲဒီလိုပြောတာ ဆိုပြီး စီကာပတ်ကုံး သူ့သူငယ်ချင်းတွေ အကြောင်း ပြောတတ်တယ်။

သူက သူ့ကျောင်းအကြောင်း၊ သူငယ်ချင်းတွေ အကြောင်း၊ သူတို့အတန်းပိုင် ဆရာအကြောင်း တွေကို ရီစရာတွေ လုပ်ပြီး အမူအယာတွေနဲ့ ပြောပြတာ ကိုယ့်မှာ အူနာအောင် ရီရတယ်။ သူ့အမေ ကိုယ့်အမက သူ့ဘေးမှာ ထိုင်ပြီး ကိုယ်တို့ညီအမက သူ ပြောသမျှ ထိုင်ရီကြတာ။

ကိုယ်က သူ့ကို မြန်မာစာ မမေ့စေချင်လို့ စာရေးဖို့ ပြောတော့ ရေးပို့ပါရဲ့၊ ၀တ္ထုတို ဆိုပဲ။ မျက်လုံးပြူးရသေးတယ်။ သူ့သူငယ်ချင်း မိဘတွေ အဆင်မပြေလို့ စိတ်ဆင်းရဲရတဲ့အကြောင်း ကလေးတယောက် အတွေးနဲ့ သူငယ်ချင်းကိုယ်စား ခံစားပြီး ရေးထားတာ။ ဖတ်လို့တော့ ကောင်းနေတာပဲ။ ဒါနဲ့ ကိုယ်က ချိုချို လာမှ ကွန်ပျူတာနဲ့ မြန်မာလို စာရိုက်တာ သင်ပေးမယ် ပြောရတယ်။

သူက အကြီးဆိုတော့ သူ့ထက်အငယ် ညီမတွေကိုလည်း သူက ဆော့ပေးရသေးတာပါ။ သူတို့လေးယောက် ကစားကြပုံကိုလဲ ပြောပြချင်သေးတယ်။ မိုးပွင့်က အရုပ်ကဒ်လေးတွေကို ကိုင်ပြီး မေးခွန်းထုတ်တမ်း ကစားနေတာပါ။ ကိုယ်က ဒီဖက်ကနေ ဘယ်လို ကစားကြသလဲ ပြုံးပြီး ကြည့်နေတာ။

မိုးပွင့်က ကဒ်လေးတွေကိုင်ပြီး ကိုယ်တို့ ဆွေမျိုး မောင်နှမတွေ နံမည် မေးနေတာ။ အဖြေမှန်ရင် အရုပ်လှလှလေးပုံပါတဲ့ ကဒ် တကဒ် ပေးလိုက်တာကိုး။ ကိုယ်က ဒီကစားနည်း မကြုံဖူးလို့ ကြည့်နေတယ်။ ဥပမာ ဒီလို ဆိုပါတော့..။

“ဘိုးဘိုး နံမည် ဘယ်သူလဲ သိကြလား” လို့ မိုးပွင့်က မေးလိုက်ရင် ကျန်ကလေး ၃ယောက်က ၀ိုင်းအော် ဖြေကြတယ်။
“ဘိုးဘိုးနံမည် ဘိုးဘိုး ပေါ့” ဒါက အငယ်ဆုံးလေး မာယာ ဖြေတာ။
“ဘိုးဘိုးနံမည်က ဦးတင်မိုး” ဒါက စန္ဒြာ နဲ့ မိုးဥ ဖြေတာ။
“မဟုတ်သေးဘူး၊ ဘိုးဘိုး စာရေးတဲ့ နံမည် မဟုတ်ဘူး၊ ဘိုးဘိုး နံမည် အရင်းကို ပြောနေတာ”
“ဘိုးဘိုးကြီး မဟုတ်လား”
“တင်မိုးဦး၊ မိုးဦးတင်၊ ဦးဥာဏ်မိုး၊ ဦးသန်းညွှန့်၊ လေးလေး.” ဒါမျိုးတွေလဲ ရှိသမျှ အမျိုးတွေထဲက ယောကျာင်္းနံမည်တွေ ပြောင် ပြီး ဖြေကြသေးတယ်။
“မဟုတ်ဘူး၊ အားလုံး မှားတယ်၊ ဘိုးဘိုးနံမည်က ဦးဘဂျမ်း”
အဲဒါဆို အကုန်လုံး ဦးဘဂျမ်း ဦးဘဂျမ်းလို့ ၀ိုင်းအော်ပြီး ပတ်ပြေးလိုက်ကြသေးတာပါ။ ပြီးမှ မိုးပွင့်နား ပြန်လာစု ပြန်ရော။

“ကဲ၊ နောက်တခု မေးမယ်။ ဦးဦးကျော် နံမည်ရော ဘယ်သူလဲ”
“ဦးဦးကျော် နံမည်က ကျော် လေ..” အဲဒါကတော့ မိုးဥ က ဖြေတာပါ။ သူက ငယ်ငယ်ကတည်းက ကိုယ့်အမျိုးသားကို ကျော် လို့ပဲ ခေါ်တာပါ။ ဘယ်လိုသင်သင် ဦးဦး မထည့်ပါဘူး။
“ဦးကျော် နံမည် ဦးကျော်ဝဏ္ဏ၊ ချိုချို့ နံမည် မိုးချိုသင်း” တဲ့။
အဲဒါ စန္ဒြာ က ဖြေလိုက်တာ။ သူ့အဖြေလေးကို နားထောင်ပြီး ကိုယ့်မှာ ပီတိဖြစ်လိုက်ရတာ။ ကိုယ့်တူမလေးတွေကိုလဲ ချစ်လိုက်ရတာ။ ကိုယ်တို့နံမည်တွေကိုလဲ မြန်မာလို စာလုံးပေါင်း ပြသေးတယ်။ မနှင်းသင်ထားတာတွေလေ။

အားလုံးထဲမှာ စန္ဒြာက ကဒ် အများဆုံး ရတယ်။ သူက သူနဲ့ တ၀မ်းကွဲတွေ ဖြစ်တဲ့ ရွာက အမတွေရဲ့ ကလေးတွေ နံမည်တွေလဲ အကုန် မှတ်မိတယ်။ ကိုကို့ နံမည် ဖိုးစွမ်း တဲ့။ မမ နံမည် စန္ဒီမ တဲ့။ မမအကြီးဆုံးက မမ အိမွန်ကို တဲ့။ မာယာလေးကတော့ အကြီးတွေကို ကြည့်ပြီး လိုက်ဝါး ဖြေတတ်တယ်။ တခါတခါကျရင် ခေါင်းရှုပ်ပြီး မာယာ သိတော့ဘူးကွာ၊ မာယာ ဖြေတတ်ဘူးကွာ နဲ့။

မာယာလုပ်တတ်တာကတော့ သီချင်း ကောင်းကောင်း ဆိုတတ်တာပါပဲ။ သူက ဂီတကို အတော်ဝါသနာပါပုံရတယ်။ အမြဲတမ်း သီချင်းလေး တအေးအေးနဲ့ နေတတ်တယ်။ စကားမပြောတတ်ခင်ကတည်းက သံစဉ်လေးတွေ ညည်းနေတတ်လို့ သူ့ဘိုးဘိုးက မာယာလေးကို သိပ်ကို အေးချမ်းတဲ့ ကလေး၊ ကြီးလာရင် အဆိုတော်ကြီး ဖြစ်မှာ လို့ အထင်ကြီးရှာတယ်။

မာယာကလည်း အဘိုး နဲ့ အတူဆုံးကလေးပဲ။ လူတွေကို သိပ်ခင်တယ်၊ လူတိုင်းနဲ့ တည့်တယ်။ အပေါင်းအသင်း ခင်တယ်။ သီချင်းသံကြားရင် ကြားတဲ့နေရာက ပြေးလာပြီး ဆိုတော့တာပဲ။ စကားပြောရမှာ ရှက်သလောက် သီချင်းဆိုဖို့တော့ ပါးစပ်ကြီး ဖွင့်ပြီး အော်ဆိုတော့တာပဲ။

တခါကတော့ သူတို့၎ယောက်စလုံး အခုလက်ရှိ အကြိုက်ဆုံး ဖြစ်ပုံရတဲ့ သီချင်းလေးကို ဖွင့်ပြီး လေးယောက်သား ကိုယ့်ကို ဆိုပြကြတယ်။ အဲဒီသီချင်းက သူတို့လေးတွေ အရွယ် ဖြစ်တဲ့ ဆယ်နှစ်သမီးလေး Laura က Belgium နိုင်ငံ ကိုယ်စားပြုပြီး ဥရောပတခွင် ၀င်ပြိုင်လို့ရတဲ့ Junior Eurovision 2009 မှာ ပြိုင်ပွဲဝင်တဲ့ သီချင်းလေးပါ။

သီချင်းက မြူးလဲ မြူး၊ ဆိုတဲ့ကလေးက ဆိုလဲ ဆိုတတ်တဲ့အပြင် yodeling ဆိုနည်းလေးကိုပါ သီချင်းထဲမှာ ညှပ်ပြီး ထည့်ဆိုတာမို့ အဒေါ်လုပ်သူကပါ သဘောအကျကြီးကျပြီး သူ့ပရိသတ် ဖြစ်ရတာပါ။ သူတို့ တနိုင်ငံလုံး ဆယ်ကျော်သက်တွေ အသည်းစွဲ သီချင်းလေး ထင်ပါရဲ့။

တခါက စူပါမားကက် အကြီးကြီးတခုကို သွားကြတော့ အဲဒီမှာ အဲဒီသီချင်းလဲ ဖွင့်လိုက်ရော ကလေးတွေ အကုန် နီးရာ ခုံ အမြင့်တွေပေါ် တက်ပြီး က ကြ လိုက်ဆိုကြသတဲ့။ ကျန်တဲ့ ကိုယ့်တူမတွေကတော့ မက ရဲလို့ မက ကြပေမဲ့ မာယာကတော့ ဖင်လေးလှုပ်ပြီး ၀င် က ပါသတဲ့။ yodeling လို လုပ်တာလဲ မာယာက ကောင်းကောင်း လိုက်လုပ်တတ်ပါတယ်။

အဲဒီသီချင်း အဓိပ္ပါယ် သမီးတို့ နားလည်လား၊ ချိုချို့ကို ရှင်းပြပါအုံး ဆိုတော့ အလုအယက် ၀ိုင်းရှင်းပြကြသေးတယ်။ ကျောင်းမှာ ပေါ်ပြူလာ ဖြစ်တဲ့ ကောင်လေးကို ကောင်မလေးက စိတ်ဝင်စားမိတဲ့ အကြောင်းပါ တဲ့။ ကိုယ့်မှာ ဆယ်နှစ်ကလေးက စပ်တဲ့သီချင်းဆိုတော့ အံ့သြပြီး ပြုံးရသေးတယ်။

ပြိုင်ပွဲအပြီး အင်တာဗျူးမှာ အဲဒီသီချင်းထဲက ကောင်လေး တကယ်ရှိသလား မေးတာကို Laura က တကယ်ရှိပါတယ်၊ သူ့ boyfriend ဖြစ်နေပါပြီ လို့ ဖြေပါသတဲ့ (ဘုရား..ဘုရား)။ ပြိုင်ပွဲမှာ အဲဒီကလေးမက တတိယဆုပဲ ချိတ်ပါတယ်။ ပထမဆုကို ခြေထောက်နဲ့ စည်းချက်လိုက်တဲ့ tap dancing အကပါတဲ့ နယ်သာလန်က ကောင်လေးက ရသွားတာပါ။

ကိုယ်ကလဲ သူတို့ ကလေးတွေနဲ့ ပေါင်းချင်တော့ကာ သူတို့ စိတ်ဝင်စားတာလေးတွေ လိုက်စိတ်ဝင်စားရ၊ သူတို့ကြိုက်တာလေးတွေ လိုက် နားထောင်ရတာ။ အမြဲတမ်း ခေတ်မီနေမှ တော်ကာကျမယ်ဆိုပြီး အဒေါ်က တရွတ်တိုက် လိုက်နေရတာပေါ့လေ။

အဲဒီတော့ VZO ဖွင့်ရင် ဟိုဖက်က သီချင်းလေး ဖွင့်လိုက်၊ ဒီဖက်ကို လင့်ခ်လေး ပို့ပေးလိုက်၊ နားထောင်လိုက်၊ သဘောကျပြီး ဒီဖက်က တခါ ပြန်လိုက်ဖွင့်တော့ တူမတွေ လိုက်ဆိုကြတာ ကြည်နူးလိုက်နဲ့ပေါ့။ သူတို့တွေ dutch လို ပြောကြ ဆိုကြတာ ကိုယ်က တလုံးမှ နားမလည်ပေမဲ့ တပြုံးပြုံးနဲ့ အမီလိုက်နေတာ။

စာဖတ်သူတွေလဲ နားထောင်ကြည့်ပါအုံး။ ကိုယ်သဘောကျလို့ အောက်မှာ လင့်ခ်လေး ရေးပေးလိုက်ပါမယ်။ သီချင်းလေးနားထောင်ပြီး ပျော်ရွှင် ချမ်းမြေ့ကြစေဖို့ ဆုတောင်း မေတ္တာပို့လိုက်ပါတယ်။
မိုးချိုသင်း

အပြည့်အစုံဖတ်မယ်...

ထမင်း လက်ဆုံ

အခုလို ဆောင်းတွင်းအေးအေး မှာ မိုးစောစောချုပ်တာမို့ ပတ်ဝန်းကျင်တခုလုံး မှောင်မဲ လို့..။ ရောင်စုံမီးလေးတွေနဲ့ အလှဆင်ထားတဲ့ သစ်ပင်ကြီးတွေက ခန့်ခန့်ကြီး မားမားမတ်မတ် ရပ်လို့..။ ညဖက် အိမ်အပြန်လမ်းတွေမှာ ကိုယ်တို့နှစ်ယောက် အမြဲပဲ သုတ်သုတ် သုတ်သုတ်နဲ့ ကိုယ့်အိမ်လေးဆီကို အပြေးပြန်လာတတ်ကြတယ်။

အိမ်အပြန် လမ်းတလျှောက် ကားပေါ်ကနေ အပြင်ကို ကြည့်လိုက်ရင် အိမ်ပုပုလေးတွေကို နွေးနွေးထွေးထွေး တွေ့ရတတ်တာ။ မှန်ပြူတင်းပေါက် အကွက်လေးတွေကြားကနေ အိမ်တွင်း အလှဆင်ထားတဲ့ ခရစ်စမတ်သစ်ပင်လေးတွေကို ရိပ်ကနဲ ရိပ်ကနဲ မြင်ရတတ်တယ်။ ဒါမှမဟုတ် မိသားစု ထမင်းဝိုင်း…။ စားပွဲဝိုင်းဘေးမှာ ဆော့နေတဲ့ ကလေးလေး ရီသံတောင် ကြားလိုက်ရသလို ထင်မိတယ်။

ကိုယ်တို့ငယ်ငယ်ကလဲ မိသားစု ထမင်းဝိုင်းတွေဟာ ပျော်စရာ ကောင်းခဲ့ပါတယ်။ အဖေရယ် အမေရယ် ကိုယ်တို့ မောင်နှမ ၅ယောက်ရယ် အမြဲ ထမင်းလက်ဆုံစားတတ်ကြတယ်။ အထူးသဖြင့် ညစာ ပေါ့။ မိသားစုဝင်တယောက်ယောက် နောက်ကျရင်လဲ အမေက စောင့်ပြီး စားစေတာ၊ နောက်ကျသူကလဲ ညစာအမီ ပြန်လာတာပါပဲ။

ထမင်းဟင်းတွေက အမြဲ ပူပူနွေးနွေး ပဲ။ ဟင်းကတော့ အမယ် မများဘူး။ အသားတခွက်၊ အရွက်ကြော် တမျိုး နဲ့ ချဉ်ရည် တခွက် ပါလေ့ရှိတယ်။ ဟင်းခွက်က လက်လည်တယ် မရှိဘူး။ တယောက်လက် တယောက် ကမ်းလိုက်၊ ထည့်လိုက်ကြတာပဲ။ အသုတ်တမျိုးမျိုးပါရင် ခဏလေးနဲ့ ပန်းကန်က ပြောင်သွားပြီ။ ပြီးမှ ထည့်တာများသွားတဲ့သူဆီ ငါ့နည်းနည်းပေး တောင်းရတယ်။

ပြီးရင် မောင်နှမတွေ ဆူဆူညံညံ နဲ့ ပန်းကန်တွေ ဆေးကြတာ။ ကိုယ့်အမအကြီးတွေ ဖြစ်တဲ့ မစံ နဲ့ မအေးက အားလုံးရဲ့ ပန်းကန်တွေ အမြဲတမ်း ဒိုင်ခံ ဆေးလေ့ရှိတာ။ ကိုယ်တို့အငယ်တွေက စားပြီးရင် ကိုယ့်ပန်းကန်လေးကိုင်ပြီး လက်ဆေးကန်နားမှာ ရပ်စောင့်လို့။ အမတွေက ထားခဲ့ ထားခဲ့ ငါ ဆေးလိုက်မယ် လို့ ပြောရင် ၀မ်းသာသွားတာ။

လက်ကလေး မြန်မြန်ဆေးပြီး အိပ်ယာပေါ်လှဲ ဇိမ်နဲ့ စာသွားဖတ်တာ။ ဒါမှမဟုတ် မိသားစု စကားဝိုင်းထဲ ဟိုတိုး ဒီခွေ့နဲ့ နားထောင်။ ဒါမှမဟုတ် ရေဒီယိုက ညဖက်လာတဲ့ ဇာတ်လမ်းတွေ၊ သီချင်းတွေကို စောင်ကြီးခြုံပြီး ၀ိုင်းနားထောင်ကြတယ်။ တီဗီပေါ်လာတော့ တီဗီရှေ့ ကို စောင်တွေ ခေါင်းအုံးတွေ ယူသွားပြီး သွားမော့တာပေါ့။
မိသားစု အပန်းဖြေချိန်လေး ပေါ့။

နောက်တော့ မိသားစု ထမင်းဝိုင်းလေးက လူနည်းနည်းလာ..။ ကိုယ်ချစ်တဲ့သူနောက် လိုက်ပြီး ကိုယ့်မိသားစု ကိုယ်ထူထောင်ကြတော့ မိသားစု ၀ိုင်း အကြီးကြီးကနေ မိသားစုဝိုင်း သေးသေးလေးတွေ ဖြစ်ကုန်တာပေါ့။ အဲဒီအခါကျတော့လဲ တမျိုးတဖုံ ပျော်စရာကောင်းတာ မှန်ပေမဲ့ အရင်က မိသားစု ထမင်းဝိုင်းကြီးကို လွမ်းမိတတ်တာပဲ။

အခုတလော မိသားစု ထမင်းဝိုင်းတွေကို သတိရနေမိတာမို့ နှစ်ကိုယ်တူ ဘ၀ ထူထောင်တော့ ထမင်းလက်ဆုံစားခဲ့တာလေးတွေလဲ သွားသတိရမိသေးတယ်။ ကိုယ်တို့နှစ်ယောက် ချစ်စ က ထမင်း ပထမဆုံး လက်ဆုံစားဖူးတာ လှည်းတန်းက ဓနုဖြူ ဒေါ်စောရီ ထမင်းဆိုင်မှာပါ။

အဲဒီတုန်းက နှစ်ယောက်စလုံး မိဘဆီ မုန့်ဖိုး လက်ဖြန့်တောင်းနေရတုန်းအရွယ်ပေါ့။ တက္ကသိုလ် ကျောင်းသူ ကျောင်းသားဘ၀ပေါ့။ တနေ့တော့ လှည်းတန်းသွားရင်း ဒေါ်စောရီဆိုင်မှာပဲ ထမင်းစားလိုက်ကြရအောင် တဲ့။ ကိုယ်လဲ ကောင်းသားပဲ ဆိုပြီး ၀င်စားကြတယ်။

ဆိုင်ရောက်တော့ သူက မှာချင်တာ မှာစား တဲ့။ ကိုယ့်ကို ခွင့်ပေးတယ်။ ကိုယ်လဲ သူ ခွင့်ပေးတယ် ဆိုတော့ ရိုးရိုးပဲတွေးပြီး စားချင်တာ မှာ လိုက်တာပေါ့။ ကိုယ်မှာလိုက်တာ ပုဇွန်တုပ်ကြီးဟင်းပါ။ ညှာညှာတာတာ မှာဖို့ အဲဒီတုန်းက တကယ် မစဉ်းစားမိဘူး။

နောက်မှ သူပြန်ပြောပြတာက သူက ကိုယ်အားရပါးရစားနေတာကို ငေးကြည့်နေတာ တချိန်လုံး တဲ့။ ကိုယ်ကြိုက်တယ်ဆိုလို့လဲ ၀မ်းသာတယ်၊ ဒါပေမဲ့ bill လာရင် ပိုက်ဆံ မလောက်ရင် ဒုက္ခ ဆိုပြီး ပူပန်မိနေလို့ ကိုယ့်ထမင်း ကိုယ် မစားနိုင်ဘဲ အိပ်ကပ် တစမ်းစမ်း ဖြစ်နေတာ တဲ့။ ကိုယ်ကတော့ အပူအပန်မရှိ ပျော်ပျော်ရွှင်ရွှင် ကြိတ်သလေ..။

နောက် ပိုက်ဆံရှင်းမှ ပါလာတဲ့ ပိုက်ဆံ နဲ့ လောက်င လို့ သူ ဟင်းချနိုင်ပါတယ် တဲ့။ တကယ်က ပုဇွန်တုပ်ကြီးဟင်းက အတော် ဈေးများတာပါ။ ကိုယ်ကလဲ ရိုးရိုးပဲတွေးမိတာ၊ မှာချင်တာ မှာ၊ ပုဇွန်တုပ်ကြီးတော့ မပါစေနဲ့ လို့မှ မပြောဘဲ။ အဲဒါ ပထမဆုံး လက်ဆုံစားခြင်းပေါ့။

နောက်တော့ ကိုယ်နဲ့ နေ့စဉ်နေ့တိုင်း ထမင်းအတူ စားဖို့ သူ့ကိုပဲ ရွေးခဲ့ပါတယ်။ ဘာဖြစ်လို့လဲဆိုတော့ သူက ထမင်းစားရင် သိတတ်သူမို့ပါ။ သူ့ပန်းကန်ထဲက အသားတွေကို ကိုယ့်ပန်းကန်ထဲ ထည့်ပေးတတ်သူလေ (တကယ်က သူက အသားထက် အရွက်ပိုကြိုက်လို့ပါ)။

သူနဲ့အတူတူ မိုးရွာတုန်း လမ်းဘေးဆိုင်လေးထဲ ပြေးဝင်ပြီး ထမင်းသုတ်လေးကို ငရုတ်သီးတောင့်လေးကိုက်ပြီး ညစာလုပ် အတူစားဖူးတယ်။ အိမ်မှာ လက်ဖက်သုတ်လေး နဲ့လဲ ထမင်းမြိန်ခဲ့တယ်။ ကြက်ဥကြော် နဲ့လဲ နှစ်ပါးသွားဖူးတယ်။ ခမ်းခမ်းနားနားနေရာတွေလဲ အတူသွားစားခဲ့ဖူးပါတယ်။ တခါတလေတော့ လေ ထဲမှာ…။ ခရီးအတူသွားရင်း လေယာဉ်ပျံပေါ်မှာ ညစာစားရတာကို ပြောတာပါ။

တခါကတော့ နှစ်သစ်ကူးညတညမှာ နယ်စပ်မြို့လေးတမြို့ရဲ့ ဟိုတယ် အခန်းလေးထဲမှာ ဖယောင်းတိုင်မီးလေး နဲ့ အတူထမင်းစား ဖူးသေးတယ်။ အဲဒီတုန်းက တာချီလိတ်မှာ ညနေ ၆နာရီထိပဲ မီးပေးတယ် ထင်တာပဲ။ ဟိုတယ်အခန်းလေးထဲမှာ ဖယောင်းတိုင်လေးထွန်း၊ ထမင်းစားရင်း ဟိုဖက်ကမ်းက မီးထိန်ထိန် ကို နှစ်ယောက်သား ငေးကြည့်မိခဲ့လို့ အမှတ်တရ ဖြစ်ခဲ့တာ။ အဲဒီအချိန်လေးကလဲ ကိုယ်မမေ့နိုင်တဲ့ အချိန်လေး တခုပဲ။

ကိုယ်က သူ့ကို ပြောခဲ့တယ်။ ကိုယ်တို့အတူ ရင်ဆိုင်ရမဲ့ ဘ၀တွေ နိမ့်ပါစေ၊ မြင့်ပါစေ၊ ဘ၀ရဲ့ ဘယ်လိုအခြေအနေမှာ ဖြစ်ဖြစ် စိတ်ထဲမှာ သန့်သန့်ရှင်းရှင်း ကြည်ကြည်နူးနူး နဲ့သာ ထမင်းလက်ဆုံစားချင်ပါတယ် လုိ့..။

ကိုယ်က ကဗျာဆရာ၊ ကျောင်းဆရာမ ရဲ့ သမီးပါ၊ မွေးကတည်းက ဟင်းတွေ အလျှံပယ် ပေါများ တဲ့ ထမင်းဝိုင်းမျိုးနဲ့ အမြဲစားလာတာမဟုတ်လို့ ဘာနဲ့မဆို စားတတ်ပါတယ်၊ လိပ်ပြာသန့်သန့် ပျော်ပျော်ရွှင်ရွှင် နဲ့သာ ဖြစ်ပစေ၊ တနေ့ ထမင်း ၂ နပ် ပါပဲ လို့ သူ့ကို အားပေးဖူးပါတယ်။

အဲဒီတော့ သူက အသေအချာစဉ်းစားပြီး ပြန်ပြောပါတယ်။
“ထမင်း ၂ နပ်??? ….၊ က မယ် မထင်ပါဘူး” တဲ့။
သူပြောတာ ခပ်တိုးတိုးပါပဲ။ ဒါပေမဲ့ ကိုယ် အကျယ်ကြီး ကြားလိုက်ရတယ်။

အော်.. အကြောင်းသိကုန်ပြီကိုးလေ…။


မိုးချိုသင်း

အပြည့်အစုံဖတ်မယ်...