အတူတူ

ကျောင်းသူ ကျောင်းသားဘဝ ပျော်စရာကောင်းတာတွေ ရေးမိတော့ တခြားသတိရမိလာတာ လေးတွေ ရေးချင်လာလို့ ဆက်ရေးပါရစေအုံး။

ကိုယ်က ဆယ်တန်းစာမေးပွဲ ဖြေပြီး ကျောင်းကြီးပိတ်တော့ အားအားရှိ အိမ်ရဲ့ ချောင်တချောင်ချောင်မှာ စာအုပ်တအုပ်ဖတ်ပြီး နေတာကိုး။ အဖေ့ကို လက်ဆောင် ပေးထားတဲ့ ရှုမဝ မဂ္ဂဇင်းတွေ၊ ပေဖူးလွှာ မဂ္ဂဇင်းတွေရယ် အမအကြီးဆုံး မစံ က တက္ကသိုလ် စာကြည့်တိုက်က အမြဲငှားလာပေးတဲ့ ဝတ္ထုတို ရှည်တွေ ဖတ်ပြီး စာရေးကြည့်ချင်စိတ် ဖြစ်လာလို့ ဟိုတစ ဒီတစ စာစ ရေးစ ပြုနေတဲ့ အချိန်ပေါ့လေ။

အဖေ့မိတ်ဆွေတွေလာရင် စာရေးတဲ့သမီးလေးက ဘယ်သူလေးတုန်း ပြပါအုံးဆရာ ဘာညာ ပြောရင် ကိုယ်က ချောင်ထဲမှာ ခွေခေါက်နေရာက ထွက်ထွက်ပြီး ပြုံးပြရတာ။ ချောင်တိုးထားလို့ စကပ်မှာလဲ ဖုံတွေလူးလို့။ အော် သမီးလေးက အမေတူလေးပဲ၊ အချောလေးပါလား (ဒါကတော့ ကိုယ့်ဖာသာကိုယ် ဖြည့်ထည့်လိုက်တာပါ) ဆိုရင် ကိုယ့်မှာ ကြည်နူးလို့။

အဲဒီတော့ တက္ကသိုလ် တတိယနှစ်ရောက်တဲ့အချိန်မှာ ကိုယ်က စာရေးတဲ့ အသိုင်းအဝိုင်းနဲ့ ခင်ခင်မင်မင် ဖြစ်နေပြီ။ စာရေးဆရာမ ဆိုသူတွေနဲ့ သူငယ်ချင်းဖြစ်နေပြီ။ တနေ့တော့ ပရယ်တီကယ်လုပ်ဖို့ Main ထဲအလာမှာ စာရေးတဲ့ အမလိုခင်နေတဲ့ မခက်မာနဲ့ တွေ့တယ်။

အမက ချိုသင်းကိုတွေ့တာနဲ့ အတော်ပဲ တဲ့။ မိတ်ဆက်ပေးချင်လို့ တဲ့။ တက္ကသိုလ်ကျောင်းသူ ကျောင်းသားတွေချည်း စုပြီး မဂ္ဂဇင်းတအုပ်လုပ်မလို့ တဲ့။ (အဲဒီနှစ်က ရန်ကုန် နှစ်လည် မဂ္ဂဇင်း လုပ်ခွင့် ပိတ်ထားတယ်လေ)။ စာအုပ် နံမည်က ကံ့ကော်လှိုင်း တဲ့။ အဲဒီစာအုပ်လုပ်မဲ့အကိုကြီးတွေက ချိုသင်းဆီက စာမူတောင်းချင်လို့ ပြောနေတာ တဲ့။

ဒါနဲ့ ကိုယ်ရယ်၊ မိချောရယ်၊ နိုင်နိုင်ရယ်၊ စဝတရယ် မခက်မာ ခေါ်တဲ့ တောင်ငူဆောင် ရှေ့က တောင်ပိန္နဲပင်အောက်က ကင်တင်း ကို လိုက်သွားကြတယ်။ ထိုင်နေကြတာက မိန်းကလေး တဝိုင်း၊ ယောကျာင်္းလေး တဝိုင်း။ ကိုယ်တို့လာတော့ ခုံတွေ ဆွဲယူပြီး ယောင်္ကျားလေးဝိုင်းမှာ ဖြည့်ထိုင်ကြရတယ်။

ထိုင်နေတဲ့ ဝိုင်းထဲမှာ ဆံပင်အရှည်ကြီး စည်းထားပြီး ပြုံးပြုံး ပြုံးပြုံးနဲ့ ထိုင်နေတာ ကိုဝေလ တဲ့။ မျက်မှန်အကြီးကြီးနဲ့ ဆံပင် အရှည် ကောက်ကောက် နဲ့တယောက်က ကိုမောင်မောင်ထွေး တဲ့။ အရပ်ကြီးက မိုးထိုးနေတဲ့ ပုဆိုးတိုတို တက်ဝတ်ထားတဲ့ တယောက်က ကိုသက်ဇင် တဲ့။ နောက်တယောက် က ပိန်ပိန်ပါးပါး အသားဖြူဖြူ၊ သူက ကိုကျော်ဝဏ္ဏ တဲ့။ သူ့ကိုတော့ နောင်ကျရင် တသက်လုံး 24/7 (၂၄နာရီ ၇ ရက်) တွေ့ရမဲ့သူလို့ ဘယ်သိခဲ့ပါ့မလဲ။

သူတို့က စာအုပ်လုပ်ဖို့ ကြိုးစားနေတဲ့သူတွေပေါ့။ သူတို့မှာ ရှိတဲ့ ပိုက်ဆံလေးတွေ အော မှာ တဲ့။ ဘယ်သူ့ဆီကစာမူတွေတော့ ရပြီ၊ ဘယ်သူတွေက ပုံဆွဲမယ် ဆိုတာတွေ ပြောသေးတယ်။ ဆေးကျောင်းက သူတို့သူငယ်ချင်းတွေလဲ စာအုပ်လုပ်ကြတာ ဆရာဦးတင်မိုး ကဗျာတောင် စိစစ်ရေးက အဆုတ်ခံရသေးတယ် လို့ သူ့သူငယ်ချင်းတွေက ပြောတယ် တဲ့။

ဒါနဲ့ ကိုယ်လဲ စဉ်းစားတယ်။ အဖေ မဂ္ဂဇင်းတွေကို ကဗျာပေးရင် ကိုယ်က လက်ရေးလှတော့ ကိုယ်ပဲ စာအုပ်ထဲက အဖေပေးချင်တဲ့ ကဗျာကို ကူးပေးလိုက်ရတာပါ။ ဒါကြောင့် ဘယ်ကဗျာ ဘယ်သူ့ကို ပေးတယ်ဆိုတာ ကိုယ်သိနေတာ။ အခု ဆေးကျောင်းကို ဒီနှစ်အတွက် ကဗျာ မပေးရသေးဘူး။ အခု ဟိုပိန်ပိန်နဲ့တယောက်ကပြောနေတာ အဖေ့ ကဗျာ အဆုတ်ခံရတယ် ဆိုပါလား။ တခုခုတော့ မှားနေပြီထင်တယ်ပေါ့။

ကိုယ်လဲ မခက်မာကို သူတို့ ချိုသင်းကို အဖေ့သမီးမှန်း မသိဘူးထင်တယ်နော် အမ။ အဖေ့ ကဗျာ အဆုတ်မခံရပါဘူးလို့ တိုးတိုး ပြောလိုက်တယ်။ မခက်မာကလဲ သူ့သူငယ်ချင်းတွေ လျှောက်ပြောနေကြတာ လွန်ကုန်မှာစိုးလို့ ထင်ပါရဲ့။ ချိုသင်းက ဆရာတင်မိုး သမီးနော် ဆိုပြီး သတိပေးသလိုလိုနဲ့ တုံးတိကြီး ပြောချလိုက်တယ်။ သမီးရှေ့မှာ အဖေ့အကြောင်းတွေ လာရွှီးလို့ မရဘူးလေ။

တကယ်တော့ သူတို့က မိုးချိုသင်းဆိုတာလဲ မသိဘူး။ ဖတ်လဲ မဖတ်ဖူးဘူး။ ကြားဖူးသလိုလိုတော့ ရှိတာမို့ အသက် ၄၀တန်း အမျိုးသမီးတယောက်လို့ အစက ထင်တာတဲ့။ အခု တွေ့လိုက်တော့ ချွတ်တားလေး။ ရုပ်က ခွေးစုတ်ဖွားလေးလိုလို ဖြစ်နေလို့ အံ့သြနေတာ တဲ့။ နောက်မှ ပြန်ပြောပြတယ်။ ပုံဖော်ပုံကလဲ ခွေးစုတ်ဖွားဆိုတော့ သိပ်တော့ မနိပ်လှဘူး။ ဒါပေမဲ့ ကိုယ်ကလဲ ခွေးလေးတွေ ချစ်တော့ ရှိစေတော့ ပေါ့။

အဲဒီကစ လို့ ကိုယ်လဲ သင်နေတဲ့ Geology အပြင် လူငယ်တွေ ပြောပြောနေတဲ့ “သူနဲ့တော့ chemistry ရှိတယ်”ဆိုတာလို Chemistry ပါ ရောသင်လိုက်တော့တာပါပဲလေ။

သူ့ကို ဘူမိက ကိုယ့်ဆရာ ဆရာမတွေက ကိုယ့်ကို ချစ်ခင်သလိုပဲ ခင်ကြတယ်။ နောက်ဆုံးနှစ် Field ဆင်းတော့ ရန်ကုန်ဘူတာကြီးကို သူက လိုက်ပို့ချင်တာ ကိုယ့်အမက ဘူတာထိ လိုက်ပို့မယ်ဆိုတော့ သူလဲ သိသာသိစေ၊ မမြင်စေနဲ့ ဆိုသလို ကြံရတယ်။ ဒါနဲ့ မနက်အစောကြီးထ သူ့သူငယ်ချင်း ကိုဝေလနဲ့ ပဲခူးကို သွားပြီး ကိုယ်တို့ ရထားကြီးအလာ ပဲခူးဘူတာမှာ စောင့်ရတယ်။

ဝတ္ထုတွေထဲမှာလို နှင်းတွေ ဝေနေတုန်း ရထားကြီးအလာ မျှော်ရတာတွေဘာတွေ မဟုတ်ပါဘူး။ Field ဆင်းတဲ့အချိန် နွေခေါင်ခေါင် April ဆိုတော့ ပူလိုက် အိုက်လိုက်တာ လွန်ပါရော ဆိုသလိုပါ။ ဖြစ်ချင်းဖြစ် မြေကြီးကနေတောင် အပူခိုးတွေ ထ နေသလိုပဲ။

ပဲခူး ဘူတာဆိုက်တာ အလွန်ဆုံး ၁၀မိနစ်ပေါ့။ ကိုယ်က ရထားပေါ်က ပြူတင်းပေါက်ဘေးမှာ။ သူက ရထားအောက်က။ ပြုံးရင်း စကားပြောကြတာပါ။ သူ့အနောက်မှာ ကိုယ်တို့အတန်းက ယောကျာင်္းလေး သူငယ်ချင်းတွေက သူမသိအောင် တန်းစီပြီး အလေးပြုကြသေးတယ်။ ရန်ကုန်ကနေ ပဲခူးထိ လိုက်နှုတ်ဆက်လို့ တဲ့။

သူက မုန့်တွေ အအေးတွေ စားစရာတွေ အများကြီး ဝယ်ပြီး ပေးလိုက်တာ။ သူငယ်ချင်းတွေပါ စားဖို့ ဆိုပြီးတော့လေ။ တကယ်လဲ ကိုယ်စကားငုံ့ပြောနေတုန်း သူငယ်ချင်းတွေက နောက်ကနေ အထုပ်ထဲက စားစရာဟင်းတွေ အကုန် နှိုက်ထားလိုက်တယ်။ Field ထဲရောက်တော့ ဟင်းမကောင်းတိုင်း သူတို့ ပါလာ ဝယ်လာတဲ့ စားစရာတွေ ကိုယ့်ကို မျှကျွေးသလိုလိုနဲ့ ကျွေးတော့ ကိုယ့်မှာ ကျေးဇူးတွေများ တင်လို့။ ခရီးကပြန်လာမှ ကိုယ့်ပစ္စည်းနဲ့ ကိုယ့်ကို ပြန်ကျွေးနေမှန်း သိတယ်။

Field ဆင်းတဲ့ ၂၃ရက်တာကာလမှာ ကိုယ့်ဆီကို စာအစောင် ၂၁စောင် သူ့ဆီက လာတာလဲ ထည့် မှတ်တမ်းတင်ရမှာပေါ့လေ။ အဲဒီတုန်းကတော့ သူက တနေ့တစောင် ရေးတာပါ။ စာကလဲ ချစ်ကြောင်း ကြိုက်ကြောင်းမပါ ရိုးရိုးပါ။ ရန်ကုန်သင်္ကြန်မှာ သူတို့သူငယ်ချင်းတွေ ကားစုတ်ကြီးကို ဆေးမှုတ်ပြီး ရေပက်ခံထွက်ဖို့ ကြံစည်ကြတာတွေ ရေးထားတာ။

ရိုးရိုးရှင်းရှင်းနဲ့ ဖတ်လို့ကောင်းလို့ ကိုယ့်သူငယ်ချင်းတွေလဲ ယူဖတ်ကြတယ်။ ကိုယ်တို့ နေရတာ တောထဲ တောင်ထဲမှာဆိုတော့ မြို့အငွေ့အသက်လေးတွေကို လွမ်းတာလဲ ပါမှာပေါ့။ ကိုယ့်သူငယ်ချင်း စဝတကတော့ ညညဆိုရင် ကိုကျော်ဝဏ္ဏစာတွေ ဖတ်ရင်း မျက်နှာပေါ် စာလေးတင်ပြီး အိပ်တတ်တယ်။ ကိုယ်လုပ်ရမှာတွေ သူတို့ချည်း လုပ်နေကြတာပါလေ။

ဒါနဲ့ ကျောင်းပြီးလို့ ရေကြည်ရာ မြက်နုရာ အလုပ်သွားလုပ်တော့ ခွဲနေကြရသေးတယ်။ မင်္ဂလာဆောင်ဖို့ သူပိုက်ဆံစုတယ်။ နောက်မှ လူကြီးတွေထံ ခွင့်တောင်းပြီး လက်ထပ်ကြတယ်။ မင်္ဂလာဆောင်မယ်ဆိုတော့ ကိုယ်က မင်္ဂလာဦးအလှူလုပ်ချင်တာမို့ စကားဝါလမ်းက မင်းကွန်း တိပိဋက မှာ ဆွမ်းကျွေးတယ်။

ဖိတ်စာမှာ အဖေက ကဗျာစပ်၊ ကိုအော်ပီကျယ်က ကာတွန်းဆွဲပြီး ကိုစိုးဝင်းငြိမ်းက ဒီဇိုင်းလုပ်တယ်။ အဖေ့မိတ်ဆွေတွေရော ကိုယ်တို့ မိတ်ဆွေတွေရော လျှောက်ဖိတ်လိုက်တာ လာတဲ့မိတ်ဆွေပေါင်း ၁၇၀၀ ကျော်ပါတယ်။ ဘုန်းကြီးကျောင်းမှာ ရှိရှိသမျှ အခန်းတွေ အကုန်ဖွင့်ပြီး လူတွေကို ဧည့်ခံထားရတယ်။ ဘုန်းကြီးကျောင်းလဲ တခါတည်း လက်လန် သွားတယ်။ ဆရာတော်ကြီးက အဖေ့ငယ်သူငယ်ချင်း ဖြစ်နေလို့ တော်သေးတာပေါ့။

ဧည့်ခံတဲ့ ထောပတ်ထမင်းလဲ မလောက်ငတော့ သူငယ်ချင်းတွေ ဒံပေါက်တွေ ပြေးဝယ်ကြ၊ ရေခဲမုန့်တွေ ကုန်သွားတော့ မြို့ထဲပြေး ပုံးလိုက်ဆွဲလာကြ။ တချို့လဲ လာသာလာရ၊ လက်သာဖွဲ့ရ၊ ဘာမှ မစားသွားရတဲ့သူလဲ ရှိသေးတာ။ သူ့သူငယ်ချင်းတချို့ကတော့ ကူလုပ်ရတာ ဖတ်ဖတ်မောပြီး ဘာမှကို မစားလိုက်ရလို့ လမ်းဘေးဖြတ်သွားတဲ့ ရေခဲချောင်းသည်ကို ဝယ်ပြီး ရေခဲချောင်းစုပ်နေကြတယ်။

အဲဒီကတည်းက နှစ်ယောက် တဘဝ ထူထောင်လိုက်တာ ဒီနေ့ဆို ၁၃နှစ် ပြည့်ပြီလေ။ တနှစ်ပြည့်တိုင်း မိတ်ဆွေတွေကို သူက သူ့သည်းခံနိုင်စွမ်းကို မှတ်ကျောက်တင် နေသလိုလို ပြောနေတာပါ။ တကယ်က ကိုယ်ကလဲ နံမည်ပြောင်းဖို့ စဉ်းစားနေတာပါ။ ကိုယ့်ကို ဘလော့ဂ် သူငယ်ချင်းတွေပေးထားတဲ့ လှထုံ ဆိုတဲ့ နံမည်မှာ ခန္တီလှထုံ လို့ တိုးမှည့်မလို့ပါလေ။

(မတ်လ ၁ရက် မင်္ဂလာ ၁၃နှစ်ပြည့် အမှတ်တရ)

မိုးချိုသင်း

အလွမ်းတောင်တန်းများ

ဘူမိဗေဒက ကိုယ့်ချစ်သူငယ်ချင်း မိချော ရဲ့ ညီမ အငယ်ဆုံးလေး မိပ က မနေ့က ကွန်မန့်ထဲမှာ Geology တက်ဖြစ်တဲ့ အကြောင်းလေး ရေးပါအုံး တဲ့။ ကိုယ့်အဖို့မှာလဲ ငိုချင်ရက် လက်တို့ ဆိုသလို ဖြစ်နေပါပြီ။

ကေ တို့ ကိုအောင်သာငယ် တို့က ဘူမိ ကွင်းဆင်းတဲ့ အကြောင်းတွေ ရေးကြတော့ ကိုယ်ကလဲ စိတ်ကူးထဲမှာ လိပ်ပြာလေး နိုးနေချိန် မိပလဲ ရေးခိုင်းရော ဒိုင်သူကြီး ၀ီစီမှုတ်မယ်ကြံတုန်း ပြေးထွက်သွားတဲ့ ကစားသမားလို ဖြစ်နေတယ်။ ၀ီစီက မှုတ်မယ် လုပ်တုန်း ကိုယ်က ကွင်းတ၀က်လောက် ရောက်နေပါပေါ့။

ကိုယ့်ဘ၀မှာ လွတ်လွတ်လပ်လပ်နဲ့ အပျော်ရွှင်ဆုံး အချိန်တွေဆိုတာ တက္ကသိုလ် ကျောင်းတော်ကြီး တက်ရတဲ့ အချိန်တွေ ဖြစ်မယ်။ ဒါတောင် ကိုယ်တို့က နှစ်ပြည့် တက်ကြရတာ မဟုတ်ဘူး။ ၈၈မှာ ပထမနှစ်ဆိုတော့ ကျောင်းတွေက ပိတ်လိုက် ဖွင့်လိုက်မို့ ထုံ့ပိုင်း ထုံ့ပိုင်း နဲ့ ကျောင်းတက်ခဲ့ရတာ။ ကျောင်းပြီးတော့ ၉၄မှာ။

နှစ်တွေ ကြာပေမဲ့ တက်ရတဲ့အချိန်ကတော့ နည်းပါတယ်။ တက္ကသိုလ်တွေ စာသင်ကျောင်းတွေကို သူပုန်ကျောင်းတွေလို့ အစိုးရက ထင်နေတဲ့ကာလတွေမို့ ခေတ်ကြီးနဲ့အတူ ဆန်ခဲ့ရတယ်။ ဒီလောက် အချိန်တိုတိုလေးသာ တက်လိုက်ရပေမဲ့ ကျောင်းကြီးအပေါ်မှာ ဘူမိဌာနအပေါ်မှာ သံယောဇဉ်ကတော့ ထုနဲ့ ထည်နဲ့ ကြီးမားခဲ့ပါတယ်။

ကျောင်းသူ ကျောင်းသားဘ၀ဆိုတာ အပျော်ဆုံး၊ အလွတ်လပ်ဆုံး အချိန်တွေပဲ မဟုတ်လား။ ကိုယ်ပျော်မယ်ထင်တာတွေ လုပ်လိုက်ကြ၊ မှားမှားမှန်မှန် ဒီအချိန်မှာ ဘာမှ အရေးမကြီးသလိုပဲ။ သူငယ်ချင်းတွေ တအုပ်ကြီးနဲ့ သွားလိုက် လာလိုက်ကြ။ ကျောင်းတံခါးပိတ်တောင် အိမ်မပြန်ချင်ကြဘူးလေ။

ဒါကြောင့်မို့ ကျောင်းမှာ အားကစားပွဲတွေ လုပ်ရင် တခြားမေဂျာတွေက ပြောကြတာ ဘူမိက တောကျီးကန်း တွေတဲ့။ တယောက်ကို ထိရင် အကုန် ၀ိုင်းအာ တတ်ကြလို့ လူအမြင်ကတ်လဲ အုပ်စုလိုက် ခံရတတ်တယ်။

ဒီအထဲမှာ စာသင်တော့လဲ စာသင်ခန်းတင် မဟုတ်၊ တောထဲတောင်ထဲ Field ဆင်းရ၊ ကျောက်ထုရင်း စာသင်ရပြန်တာမို့ အပိုဆု ရသလိုတောင် ထင်မိတယ်။ အဲဒီအပြင် ပင်ပန်းဆင်းရဲတော့လဲ အတူ၊ ငတ်အတူ ပြတ်အတူ (အိမ်က ပါလာတဲ့ ပိုက်ဆံတွေ ပြတ်လပ်ကုန်လို့) နေခဲ့ကြတာဆိုတော့ တယောက်နဲ့ တယောက်လဲ ပိုပြီး ခင်မင်မိကြတယ်။

ကိုယ်တို့ မေဂျာက မိန်းကလေး နည်းတယ်။ ဒီမေဂျာရဖို့ မိုင် ၂၀ လမ်းလျှောက်ပြီးမှ ၀င်ခွင့်ရခဲ့တာဆိုတော့ သူများတွေလို နုနုငယ်ငယ်တွေ နည်းပါတယ်။ အဲဒီအထဲမှာ ကိုယ်တို့ သူငယ်ချင်း ၄ယောက် တွဲမိကြတယ်။ မိန်းကလေးအားလုံး ခင်ကြပေမဲ့ ထိုင်တော့ ဒီလေးယောက် အတူတူ ထိုင်တာမို့ ပိုတွဲမိကြတယ် ဆိုပါတော့။

မိချော တဲ့။ နိုင်နိုင် တဲ့။ စ၀တ တဲ့။ စ၀တ ဆိုလို့ တမျိုးတော့ မထင်ပါနဲ့။ န၀တ တို့ နအဖ တို့နဲ့ လားလားမှ မဆိုင်ပါဘူး။ နံမည်က စိုးဝင်းတင် ဖြစ်နေလို့ စ၀တ ဖြစ်သွားရတာ။ နင့်နံမည်ကလဲဟယ်၊ ယောကျာင်္းနံမည်လိုလို ဘာလိုလိုနဲ့ ဆိုတော့ ခါးလောက်ရှိတဲ့ ဆံပင်အရှည်ကြီးနဲ့ မိန်းမပီသတဲ့ သူငယ်ချင်းက ပြုံးရှာတယ်။

မိချော နဲ့ နိုင်နိုင်ကတော့ အရပ်က ၄ပေကျော်ကျော် ၅ပေအောက် မတိမ်းမယိမ်းလေးတွေ။ စ၀တက အရပ် ၅ပေ ၈လက်မဆိုတော့ တခုခုသွားမလို့ ဘတ်စ်ကားစီးမယ် ကြံရင် ဒတ်ဆန်း အပုကားဆို စ၀တက သူမစီးချင်ဘူး၊ သူ့ကိုယ်ကြီး ခွေခေါက်ပြီး ငုံ့ရလို့။ ဟီးနိုး ဒေ၀ူးကားကြီးဆို မိချောနဲ့ နိုင်နိုင်က မစီးချင်ဘူး။ ကား လက်ကိုင်ကွင်းကို မမီတော့ ကားဘရိတ်အုပ်ရင် ကားရှေ့ကို လွင့်လွင့်သွားလို့။ ကိုယ်ကတော့ ၅ပေ ၃လက်မဆိုတော့ ဘာကားလာလာ အိုကေတယ်။ J

ပြောရရင်တော့ သတိရစရာတွေ အများကြီးပေါ့လေ။ တတိယနှစ် ကွင်းဆင်းတော့ ကျောက်ဆည် ကုလားကျောင်းမှာ ကွင်းဆင်းရတယ်။ ပထမဆုံး ကွင်းဆင်း အတွေ့အကြုံဆိုတော့ စိတ်လှုပ်ရှားမိတာပေါ့။ ပျော်လဲ ပျော်၊ ပင်လဲ ပင်ပန်းတယ်။

ကျောက်ဆည် စ ရောက်တဲ့ ညမှာပဲ ကိုယ်တို့ထဲက တင်တင်က နံမည်အသစ်ရသွားတယ်။ ညမှောင်မဲမဲ အထက ကျောင်းရဲ့ အိမ်သာကိုအသွား ကင်း က ထမိန်ထဲဝင်ပြီး ပေါင်ကို ကိုက်လိုက်လို့။ ကင်းဝင်မင်းသမီး တဲ့။ မြေကြီးပေါ်မှာ နာလွန်းလို့ လူးနေတဲ့ တင်တင့်ကို ကြည့်ပြီး သနားလိုက်တာ။ အိမ်သာကို မသွားရဲကြတော့လို့ ဒုက္ခအတော်ရောက်ရသေးတယ်။

အဲဒီတုန်းက ညည ကျရင် ခြင်ထောင်ထဲမှာ ဖယောင်းတိုင်မီးထွန်းပြီး ကွတ်ကီးနဲ့ အအေး သောက်ကြတဲ့ ခြင်ထောင်ပါတီလဲ ရှိသေးတာ။ တနေ့လုံး ပင်ပန်းသမျှ ပြန်ပြောကြတာပေါ့။ ပင်ပန်းတာတွေ စိတ်အခန့်မသင့် ဖြစ်တာတွေ ခြင်ထောင်ထဲမှာ မိန်းကလေးတွေ တိုးတိုး တိုးတိုးနဲ့ ရင်ဖွင့်ကြတာပါပဲ။ ဆရာမက မအိပ်ကြသေးဘူးလား ဒီကောင်မလေးတွေ..လို့ ပြောမှ အလျှိုလျှို ခြင်ထောင်ထဲက ထွက်ကြတာ။

ကိုယ်နဲ့ စ၀တ က အတူတူအိပ်တယ်။ သူဆံပင် အရှည်ကြီးက သန်ပြီး မွှေးနေတာပဲ။ ကိုယ်က သူ့ဆံပင်တွေကို ကိုင်ရင်း အိပ်တယ်။ သဘောကျလို့။ နောက်ပြီး ကိုယ်က ငပျင်း။ မနက်အစောကြီးထ ကိုယ့်ဂျူတီဆို သောက်ရေအိုးတွေ ဖြည့်ပြီးမှ အ၀တ်အစားလဲ တောထဲ ဆင်းရတာမို့ မနက်ပိုအိပ်လို့ ရအောင် တခါတည်း ၀တ်စုံပြည့် ၀တ်ပြီး အိပ်တယ်။ တခါတလေ ဘွတ်ဖိနပ်ပါ ၀တ်ရက် အိပ်မလို့ စ၀တက နင် ငါ့ကို ကန်မိမှာနော် အခုချွတ် ဆိုမှ စပ်ဖြဲဖြဲနဲ့ ချွတ်ရတာ။

စ၀တ က ကိုယ့်ကို အတော် သည်းခံရှာတယ်။ ကိုယ်က အိပ်ရင်းလဲ ယောင်သေးတာ ခဏခဏ။ အမေ၊ အမေ ဆိုပြီးတော့ တဲ့။ သူအိပ်လို့ကောင်းတုန်း ကိုယ်က အမေ အမေဆိုပြီး နှိုးတော့ သူလဲ ကြားထဲက အမေ ဖြစ်လိုဖြစ်ပေါ့။ တခါကလဲ သူ့အိပ်မက်ထဲမှာ တောင်တက်ရင်း ကျောက်တုံးပိလို့ တဲ့။ ကျောက်တုံးကြီး ကို တွန်းမရ ဖယ်မရ မွန်းလိုက်တာ တဲ့။ နိုးလာတော့ ကိုယ်က ချမ်းလို့ သူ့အပေါ်တက်ဖိပြီး အိပ်နေတာလေ။

ညရောက်လို့ အိမ်သာ သွားရင်လဲ သူငယ်ချင်းတွေ တယောက်တလှည့် လက်နှိပ်ဓာတ်မီးလေးတွေ ကိုင်ပြီး ကျောင်းနဲ့ ခပ်ဝေးဝေးက အိမ်သာ မှာ သွားရတယ်။ အိမ်သာအသွားလမ်းမှာ သူငယ်ချင်းတွေ ဖြစ်တဲ့ ကိုကြီးသာ တို့ ကိုဝင်းအောင်တို့က ဗြူးဗြဲနဲ့ ခြောက်တတ်သေးလို့ အမြဲ တထိတ်ထိတ် တလန့်လန့် နဲ့။

တယောက်အိမ်သာထဲ ၀င်တုန်း အပြင်က မှောင်ကြီးထဲ တယောက်တည်း မစောင့်ရဲ ပြန်တော့ အိမ်သာထဲ နှစ်ယောက်စလုံးဝင် တယောက်က ဟိုဖက်လှည့်ပြီး သီချင်းဆိုနေတတ်တယ်။ ရဲဆေးတင်ရင်း သီချင်းဆိုကြတာလေ။ အဲဒီလောက်ထိ ချစ်ခင် ရင်းနှီးခဲ့ကြတာ။

ကိုယ့်အုပ်စုနဲ့ ကိုယ် တောထဲ တောင်ထဲ ကျောက်တွေ တိုင်းရရင်တော့ ကိုယ်တို့ရဲ့ ပျော်ရွှင်မှုက ဓာတ်စက်သံပါပဲ။ တောင်ပေါ်မှာ ကျောက်ထုရင်း ဓာတ်စက်သံကို နားစွင့်နေမိတာ။ တွံတေးသိန်းတန်များ ဟစ်လိုက်ရင် တခါတည်း ပြုံးသွားတာ။ ဘာဖြစ်လို့လဲဆိုတော့ ဓာတ်စက်သံကြားရင် အလှူရှိတယ်လေ။

ဒါဆိုရင် ထမင်းဗူး ဟန်းကောလေးတွေ ကိုင်ပြီး အသံရှိရာ ချီတက်ကြတော့တာပါပဲ။ ဘုန်းကြီးကျောင်း တွေ့တာနဲ့ ပုဆိန်ပေါက် ဦးချပြီး ရီပြလိုက်ရင်ပဲ ဘုန်းတော်ကြီးက ဒီကျောင်းသားတွေကို ကျွေးလိုက်ကြပါဟေ့ တဲ့။ ဘယ်နှစ်ဖွဲ့များ ကိုယ်တို့ရှေ့မှာ ဒီလိုစားခဲ့ဖူးကြလို့ ကျောင်းသားတွေ မြင်ရင် ဒီလောက် ဓာတ်ပေါက်နေရပါလိမ့်။

စားပြီးသောက်ပြီး ကိုရင်များနဲ့ ပြုံးပြုံးရွှင်ရွှင်

ပြီးရင် ပါလာတဲ့ ပိုက်ဆံလေးတွေ စု၊ ဘုန်းဘုန်းကျောင်းကို တတ်အားသမျှ လှူခဲ့ကြတာပေါ့။ စားတုန်း ဘေးမှာ ကိုရင်လေးတွေရော၊ ရွာကလူတွေရော ၀ိုင်းအုံပြီး ကြည့်လို့။ စားလို့ ပြီးရင် ထန်းညှက် တခဲ ရေနွေးကြမ်းတအိုးနဲ့ ဧည့်ခံရင်း စကားစမြည် ပြောကြသေးတာ။

ကိုယ်တို့ရဲ့ Field in charge ဆရာမက နှစ် နှစ်စလုံး ဆရာမဒေါ်ကျော့မင်းဌေးပေါ့။ တပည့်တွေကို သိပ်ချစ်၊ သိပ်နားလည် တတ်လို့ ကိုယ်တို့လဲ ပင်ပန်းခက်ခဲတဲ့ကြားထဲက ပျော်ရွှင်ခဲ့ရတာပါ။ ကိုယ်တို့ ကွင်းဆင်းတော့ ပါမောက္ခ ဆရာ ဒေါက်တာ ဦးသိန်းကိုယ်တိုင် လိုက်ပေးခဲ့တာ။ ဆရာ့ကို ကိုယ်တို့က ကွယ်ရာမှာ ခေါ်တာ ကျောက်ဆရာကြီး တဲ့။ ယရစ်နဲ့ ကြောက်တဲ့ ကြောက်စရာ တော့ မဟုတ်ဘူး။ ကျောက်တွေကို ထုံးလိုခြေ ရေလိုနှောက် သိလွန်းလို့ ကျောက်ဆရာကြီးလို့ ခေါ်တာ။ ဆရာ့ကို တပည့်အားလုံးက ချစ်ကြတာပဲ။

ဒီအကြောင်းတွေ ပြန်တွေးမိရင် ကိုယ်အလွမ်းဆုံး အချိန်တွေက ကျောင်းစာတွေလုပ်ပြီးလို့ ညဦး သီချင်းတွေ ဆိုကြတဲ့ အချိန်တွေပါပဲ။ ယောကျာင်္းလေးတွေက ဂစ်တာတီး၊ မိန်းကလေးတွေကလဲ တခါတလေ ဆိုကြတယ်။ ဆရာမလဲ အင်္ဂလိပ်သီချင်းတွေ အဆို အရမ်းကောင်းတာ မှတ်မိနေတယ်။ ဆရာ တပည့်တွေ လွတ်လွတ်လပ်လပ် ဆိုကြ တီးကြ တာပဲ။

ကိုယ်ကတော့ နားထောင်သမား။ ဂစ်တာအတီးကောင်း အဆိုကောင်းတွေက ကိုဝင်းအောင် တို့ ကိုနေလင်းတို့။ ခင်မောင်တိုး သီချင်းတွေ ခင်ဝမ်းသီချင်းတွေ ဆိုကြတာ များတယ်။ မိန်းကလေးထဲမှာ ယဉ်ယဉ်က အသံသိပ်ကောင်းတယ်။ အဲဒီသီချင်းတွေ အခုအချိန် ပြန်ကြားရင် အမြဲ မျက်ရည်ဝဲမိတယ်။ ဒီလိုအချိန်တွေ ပြန်မရနိုင်တော့ဘူးလေ။

တနေ့ကတော့ အိပ်မက်တောင် မက်တယ်။ အိပ်မက်ထဲမှာလဲ အခု လက်ရှိ အရွယ်တွေပါပဲ။ ကိုယ်တို့ သူငယ်ချင်း လေးယောက် ပြန်ဆုံကြတယ် တဲ့။

မိချောက သူ့သမီးလေးကို ချီလို့၊ ဒါက နင်သွားပြီးမှ မွေးတဲ့ အငယ်မလေးလေ တဲ့။ ငါ စုနန္ဒာအောင်လို့ နံမည်ပေးထားတာ တဲ့။ သမီးက အမေကို သိပ်ကပ်တယ်တဲ့။
နိုင်နိုင်ကတော့ သားကစ် ကို ကျောင်းသွားကြိုရအုံးမှာ တဲ့။ နိုင်နိုင့် ထုံးစံအတိုင်း ငါ့သားကစ်ကလေးက ချစ်စရာလေးနော် လို့ တပြောတည်း ပြောနေတုန်းပဲ။
စ ၀ တ ကတော့ ပြုံးလို့။ သူက အခုတော့ သဘောကောင်း ရုပ်ချော တဲ့ အပျိုကြီး။ ဆံပင်က ခါးထိဖြောင့်စင်းပြီး ရှည်နေတာကို ဖြတ်ပစ်လိုက်လို့ ကိုယ့်မှာ နှမြောလိုက်တာ။

နိုးလာတော့ ကိုယ့်ပါးပြင်မှာ မျက်ရည်တွေနဲ့ စိုစွတ်လို့॥။ ဟိုး…..အဝေးက ခင်မောင်တိုးရဲ့ ဒဏ္ဍာရီ သီချင်းသံ တိုးတိုးလေးလဲ ကြားလိုက်မိသလိုပဲ။

မိုးချိုသင်း

မာမားနဲ့ သဒ္ဓါဆွမ်း

ဘလော့ဂ်လေးကို မရေးဖြစ်တာ ကြာပြီ။
မရေးဖြစ်တာက ဘာရယ် မဟုတ်၊ ကိုယ်ရေးကိုယ်တာ ကိစ္စတွေနဲ့ ရှုပ်နေတာမို့ပါ။ ကိုယ့်အမျိုးသားရဲ့ အမေ မာမား လဲ နေမကောင်းလို့ ဆေးကုရင်း၊ ကိုယ်တို့နဲ့ အတူနေဖို့ ရောက်နေတယ် ဆိုတော့ ဘလော့ဂ်ဖက်ကို မလှည့်နိုင်သေးဘူးဖြစ်နေတယ်။

မာမားကို စ တွေ့ဖူးတာ ကိုယ်တို့ ချစ်စ သူ့အိမ်ကို ထမင်းစားဖိတ် လိုက်သွားတုန်းကပါ။ အဲဒီတုန်းက ကြားရက် တရက်ဖြစ်နေတာမို့ မာမားက ကျောင်းကနေ နေ့တဝက်ခွင့်ယူပြီး အိမ်ပြန်လာတာ။ ကိုယ့်ကို တွေ့တွေ့ချင်း ပထမဆုံး ပြောတဲ့စကားက သမီးသွားလေးတွေက ညီနေတာပဲ တဲ့။ (မာမားသားက သွားတက်တွေနဲ့မို့လေ)။ ကိုယ်တို့စားဖို့ လိမ်မော်သီးတွေလဲ ဝယ်လာတာ မှတ်မိသေးတယ်။

နောက်တော့ ယဉ်ကျေးသိမ်မွေ့တဲ့ သူ့အဖေနဲ့ အမေကို ကိုယ်တင်မက ကိုယ့်ရဲ့ အမတွေပါ တမိသားစုလုံး ချစ်ခင်ကြတာပါပဲ။ မာမားက သပ်သပ်ရပ်ရပ် လှလှပပ နေတတ်တယ်။ အိမ်ကနေ လမ်းထိပ်လေးထွက်ရင်တောင် အဝတ်အစားလေး လဲပြီးမှ သပ်သပ်ရပ်ရပ် ထွက်တတ်တယ်။ ကိုယ့်လို ဆံပင်စုတ်ဖွား ထမိန် တစောင်းနဲ့ လမ်းထွက်တာ မဟုတ်ဘူး။

အဲဒါကြောင့် အိမ်က ကောင်မလေးတွေက ပြောကြတယ်။ မမ (သူ့အမ) နဲ့ ကိုယ်တို့ သမီးယောင်းမ နှစ်ယောက်ပေါင်း ပြင်ရင်တောင် မားမားသပ်ရပ်တာ ခြေဖျား မမီဘူး ဆိုပဲ။ မမကမှ သပ်ရပ်ပါသေးတယ်။ ကိုယ်ကတော့ မနက်မိုးလင်းလာရင် ဆံပင်စုတ်ဖွားနဲ့ နေတာပါ။ အကျီ င်္ဆိုလဲ ဝတ်ရလွယ်ရင်၊ ချောင်ချိ အဆင်ပြေနေရင် ကောက်စွပ်လိုက်တာပါပဲ။

နေပုံ ထိုင်ပုံ ဝတ်ပုံ စားပုံ အတော် ကွဲလွဲပေမဲ့ ကိုယ်တို့ နှစ်ယောက် ရန်ကုန်မှာ တတွဲတွဲပဲ။ လှစ်ကနဲ ဆို နှစ်ယောက်သား ထွက်သွားကြပြီ။ ကိုယ်ကားမောင်းတတ်တာလဲ မာမားကြောင့် ပါပဲ။ ကားကလဲ မောင်းတာသာ သင်ထားတာ သွားရဲ မောင်းရဲဖို့ကလဲ လိုသေးတာမို့ မောင်းစမှာ ဘေးက လိုက်တဲ့ အဖော်က အရေးကြီးပါတယ်။

ဟာ..တိုက်တော့မယ်၊ ဘယ်လိုမောင်းနေတာလဲ။ ဘေးလိုင်းကို ကျော်ပြီး ဘေးကကားနဲ့ ဂျိမ်းတော့မယ်..အဲဒီလို ပြောနေရင်တော့ ကားမောင်းတဲ့လူက ရှေ့က သစ်ပင် ဝင်တိုက်လိုက်ရုံပဲ ရှိတော့မယ်။ မာမားကတော့ ကိုယ် စ မောင်းမယ်ဆိုတော့ ပြောပါတယ်။ သမီးရေ သွားချင်တဲ့နေရာသာ သွားပေတော့ မာမား ဘေးက အဖော်လိုက်မယ် တဲ့။

ဒါနဲ့ ဘေးခုံမှာ လက်ရန်းကို မြဲမြဲကိုင်ပြီး သတိအနေအထားနဲ့ ကိုယ်ကို မတ်မတ်ထားပြီး လိုက်ပါတော့တယ်။ တခုခု တိုက်မိရင် သက်သာအောင် လက်ရန်းကို ဆုပ်ကိုင်ထားရ ရှာတာပါ။ ကိုယ်စိတ်များမှာစိုးလို့ စကားလဲ မပြောပါဘူး။ ရှေ့ကို တည့်တည့်ကြည့်ပြီး တောင့်တောင့်ကြီး ဘေးကနေ လိုက်နေတာ။ ကိုယ်တို့နှစ်ယောက်လဲ ဒီစတိုင်နဲ့ ကားမောင်းကျင့်ခဲ့ကြတယ်။

တခါကတော့ ရန်ကင်းစင်တာ အသွား တက္ကသိုလ်ရိပ်သာလမ်းမကြီးမှာပေါ့။ ရှေ့မှာ မီးပွိုင့်။ မီးက နီနေတော့ ကိုယ်က အရှိန်လျှော့ပြီး ကားရပ်ရမယ်။ လမ်းကလဲ ရှင်းနေတယ်။ အဲဒီအချိန်က လမ်းဘေးက ပုလိပ် ထွက်လာပြီး ကားကို လက်ပြပြီး သွားခိုင်းတယ်။ ကိုယ်လဲ ပထမတော့ အံ့သြသွားတယ်။ မီးနီနေပေမဲ့ ကားရှင်းနေလို့ သွားခိုင်းတာလားတော့ မသိဘူး။

ဒါနဲ့ ကိုယ်လဲ ဝမ်းသာအားရ ဖြစ်ပြီး ကားကိုရပ်၊ နည်းနည်း နောက်ပြန် ဆုတ်ပြီးမှ အရှိန် နဲ့ မီးနီကို ဖြတ်ပစ်လိုက်တာ။ ကာတွန်းကားတွေထဲကလိုပေါ့။ ကားကို နောက်ပြန်ဆုတ်ပြီးမှ အရှိန်နဲ့ ထွက်သလိုပေါ့။ ကာတွန်းထဲမှာသာဆို ဘီးနောက်မှာ ဖုံလုံးပုံလေးတွေပါ ထည့်ဆွဲလိုက်မှာ။ ပုလိပ်ကြီးက ဘယ့်နှယ်ဟာကြီးပါလိမ့်ဆိုပြီး အံ့သြလို့။ ကိုယ်တို့နှစ်ယောက်ကတော့ မီးနီဖြတ်တာ ပြုံးပြုံးကြီး။

နောက်တခါကတော့ အိမ်ကိုအပြန် ပါရမီလမ်းပေါ်မှာပါ။ ကိုယ်တို့နှစ်ယောက် အေးအေးဆေးဆေး ကားမောင်းလာကြတုန်း နောက်ကြည့်မှန်ကနေ ကြည့်လိုက်တော့ မော်တော်ပီကယ် ပုလိပ်တွေ တွေ့တယ်။ ဒါနဲ့ ကိုယ်ကတောင် ရယ်ရယ်မောမော ပြောလိုက်သေးတယ်။ မာမားရေ ချိုသင်းတို့က အစောင့်အရှောက်တွေနဲ့ ကားမောင်းနေတာ လို့။ မာမားက ပြောသေးတယ်။ မီးတွေတော့ ပြနေတယ်၊ မောင်းခိုင်းနေတာ ထင်တယ် တဲ့။

မကြာပါဘူး။ မောင်းရင်းတန်းလန်း ကားဘေးကို ပုလိပ်က ဖြတ်သွားပြီး “ရပ် ဆိုတာ နားမလည်ဘူးလား၊ လမ်းကြောင်းလာနေတာကွ” ဆိုပြီး အော်သွားတယ်။ အဲဒီတော့မှ ကိုယ်တို့ကို ရပ်ခိုင်းနေတယ်ဆိုတာ သိတာ။ ကိုယ်တို့က ခပ်တည်တည်နဲ့ ဘိုးအေကြီး ကားရှေ့က မောင်းနေတာ။

အခု မာမားဒီရောက်လာတော့ ကိုယ်လဲ မာမားနဲ့ လျှောက်သွားပြီး ကားမောင်းပြန်ကျင့်ရတော့ မယ်ဆိုပြီး ဝမ်းတွေသာလို့။ ဒီလိုပြောတော့ ကိုယ့်အမျိုးသားက မျက်နှာသိပ်မကောင်းဘူး။ နှစ်ယောက်သား သူများနိုင်ငံမှာ တလွဲတွေ လုပ်ရင် ရှင်းရခက်မှာ ရင်လေးနေပုံပဲ။ “မားမားက လူများတဲ့နေရာ ဆရာဝန်က မသွားခိုင်းသေးဘူးနော်၊ နားရအုံးမယ်” လို့ ကိုယ်ကြားအောင် တတွတ်တွတ် ပြောနေပါတယ်။

ဒီနေ့တော့ မာမားနဲ့အတူ သဒ္ဓါဆွမ်းကပ်မယ်ဆိုပြီး အိမ်နားက ဘုန်းဘုန်းကို ဆွမ်းစား ပင့်ပါတယ်။ မမကလဲ စင်ကာပူက သင်္ကန်းတွေ ဝယ်ပေးလိုက်လို့ ကပ်မယ်ပေါ့။ နောက်ပြီး ဒီတခါ ကိုယ်ချည်း ချက်မယ်လို့ စိတ်ကူးထားတာမို့ အပြင်လူတွေ အားနာလို့ မဖိတ်ဖြစ်တော့ဘူး။ သူငယ်ချင်း လူလွတ်နှစ်ယောက်ကတော့ အစားအသောက် အသံကြားလို့ ပြေးလာတာနဲ့ လက်ခံလိုက်ရတယ်။ ရှိစေတော့။

ကိုယ်က ဟင်းချက်တော့မယ် ဆိုရင် ကိုယ် ပိုင်နိုင်တဲ့ ဝက်သားချည်း ဆွဲဆွဲထုတ်လာတာမို့ အဲဒီသူငယ်ချင်းက ဖုန်းနဲ့တမျိုး၊ အီးမေးလ်နဲ့ တဖုံ ဝက်သားမချက်ဖို့ နားချတယ်။ တော်လောက်ပါပြီ၊ များပြီပေါ့။ အမယ်တွေလဲ များတော့ တယောက်တည်း ချက်မှာ ပင်ပန်းပါတယ် ပေါ့။ ဒီတခေါက် ဝက်သားလေးတော့ ချန်ခဲ့လိုက်ပါ ပေါ့။ ကိုယ်ကလဲ ဒီတခါ တယောက်တည်း ကြဲမှာမို့ ဝက်သားလေးချက်ပြီး sign လေးတော့ ထိုးလိုက်ချင်တာ။ ဒါနဲ့ ဘယ်လောက်ပင် တားသော်ငြားလည်း ချက်မိပြန်တယ်။

အချိန်ကျတော့ ဘုန်းဘုန်းကြွလာတယ်။ ဘုန်းဘုန်းကလဲ ကိုယ်ချက်မယ်ဆိုတာ ကြိုသိထားပေမဲ့လည်း ဒီတခါ ပြုံးပြုံးရွှင်ရွှင်ပါပဲ။ မပြုံးရွှင်လို့လဲ မဖြစ်ဘူးလေ။ ကိုယ်က အရင်တခါ ကိုယ့်လက်ရာ ဆိုတဲ့ ပို့စ်မှာ ကိုယ့်ချက်တာ ဘုန်းရမှာမို့ မျက်နှာမကောင်းဘူး ထည့်ရေးထားတာ ဖတ်မိထားတာကိုး။ ပြုံးပင်ပြုံးသော်ငြားလည်း သိပ်တော့ အသက်မဝင်ဘူးပေါ့လေ။

ဒါနဲ့ ဆွမ်းကပ်ချိန်ကျတော့ ဘုန်းဘုန်းက ဟင်းပွဲတွေ ကြည့်ပြီး သက်ပြင်း ခိုးချတယ်။ ကိုယ်ကလဲ တခြားနေရာမှာ ထုံချင်သလိုလို ရှိပေမဲ့ ဒီနေရာမှာတော့ ရိပ်မိပါတယ်။

ဘုန်းဘုန်းကိုလည်း “ကြည့်ပါအုံး ဘုရား၊ တပည့်တော်ချက်ထားတာ အဆင်ပြေရဲ့လားဘုရာ့” လို့ ဘေးကနေ မေးနေတာ။ ဘုန်းဘုန်းကလဲ ဒီတခါ ဘလော့ဂ်ထဲ ထည့်ရေးမှာစိုးလို့ ကောင်းပါတယ် အကုန်ကောင်း လို့ ပီပီသသကြီး ပြောတယ်။ ဒါနဲ့ မာမားနဲ့အတူ အားလုံး စားပွဲကိုင်ပြီး ဆွမ်းကပ်တာကို ဘုန်းဘုန်းချပေးတာ လိုက်ဆိုကြရတယ်။

ဆိုတုန်းခဏ ဟာကနဲ ကိုယ့်မျက်စိတောင် ပျာသွားတယ်။ ဘာဖြစ်လို့လဲဆိုတော့ ကိုယ်က ကိုယ်ချက်ထားတဲ့ဟင်းတွေကို လိုက်ရေတွက်ရင်း တခုခု လိုနေတယ် ထင်နေမိတာ။ ဟာ..my favorite pork! …… ဆွမ်းကပ်တဲ့အထဲမှာ ဝက်သားဟင်း မပါဘူး ဖြစ်နေတာကိုး။ တကယ်က ဘုန်းဘုန်းကြွတော့ လောလော လောလောနဲ့ ဝက်သားဟင်းကို မိုက်ခရိုဝေ့ဖ်ထဲ ထည့်နွှေးနေတာ ထုတ်ဖို့ မေ့သွားကြတာ တဲ့။

ကိုယ်လဲ နောင်အခါ ဆွမ်းကပ်ရင်တော့ ဆိုင်မှာပဲ သွားကပ်ရမလားလို့ အားငယ်ငယ်နဲ့ တွေးနေမိပါကြောင်း။ ။

မိုးချိုသင်း

ကြည်နူး ပုံရိပ်များ

လူ့ဘ၀မှာ တခါတလေ အားငယ်တဲ့ အချိန်တွေ ရှိတတ်တယ်။ ကိုယ်လုပ်ချင်တာလေးတွေ မဖြစ်တဲ့အခါ၊ ကိုယ်ပေးချင်တာလေးတွေ မတတ်နိုင်တဲ့အခါမျိုး မှာပေါ့။ အဲဒီအခါ တခြားသူတွေတော့ မသိ၊ ကိုယ်ကတော့ ၀မ်းနည်းလွယ်တတ်သူမို့ ကိုယ့်ဖာသာကိုယ် ပြန်ပြီး အားတင်းယူရတတ်တယ်။

အဲဒါကတော့ ကိုယ်လုပ်ခဲ့တဲ့ လုပ်ရပ်လေးတခုခုအပေါ်မှာ ပြန်ကြည်နူးပြီး တွေးတတ်တာပါပဲ။ ဒီလို အဖြစ်မျိုးကလဲ ကိုယ့်မှာတော့ များများစားစား မရှိပါဘူး။ ရှိတာ နည်းနည်းလေးပေမဲ့ ပြန်တွေးတိုင်း ကြည်နူးရတာကတော့ လျော့ မသွားဘူး။

ပီတိ ဖြစ်ရတယ် ဆိုတာ ဒါမျိုးလား မသိ။ အဲဒီလို အဖြစ်အပျက်လေးတွေလဲ တမင် တိုက်ဆိုင် ကြုံကြိုက်အောင် လုပ်ယူတာလဲ မဟုတ်။ သူတို့ကိုယ်တိုင်တောင် သတိထားမိချင်မှ ထားမိမဲ့ အဖြစ်လေးတွေပါ။ ဒါပေမဲ့ ကိုယ့်အဖို့မှာတော့ ပြန်တွေးတိုင်း စိတ်ချမ်းသာပြီး အင်အားတွေ ရလာသလိုပဲလေ။ အဲဒါဆို အားငယ်ဝမ်းနည်းတဲ့ စိတ်တွေ သက်သာပြီး ငါ့ဘ၀မှာ ဒီလို အဖြစ်အပျက်လေးတွေ ကြုံနိုင်သေးတယ်လို့ အားတင်းမိတာပါပဲ။

အဲဒီလို ကိုယ် ကြည်နူးချမ်းမြေ့ခဲ့တာလေးတွေကို စာလာဖတ်တဲ့ မိတ်ဆွေတွေကို မျှချင်လို့ ရေးလိုက်ပါတယ်။ လူတိုင်းလူတိုင်းမှာ ဒီလို အဖြစ်မျိုးလေးတွေ ရှိကြမှာပါပဲ။ ပြန်တွေးဖို့ မေ့နေရင် ကိုယ်ကြုံခဲ့တာလေး ပြန်တွေးဖြစ်သွားရင်ကို အနည်းဆုံး တဒင်္ဂတော့ စိတ်ချမ်းသာ သွားမှာပါပဲ။

ကိုယ် အဖြစ်အပျက်လေးတွေက ဒီလိုပါ။ ဘာမှ ကြီးကြီးကျယ်ကျယ် ခမ်းခမ်းနားနားကြီး မဟုတ်ဘူးလေ။

ကိုယ် Dim Sum ကို ပထမဆုံး စားဖူးတာ မြန်မာပြည်က Oriental House မှာပါ။ Dim Sum ကိုတော့ လူတိုင်း သိကြမှာပဲ။ တရုတ်ရိုးရာ အစားအစာ လို့ ပြောရမယ်ထင်တယ်။ ကိုယ်အကြိုက်ဆုံး မနက်စာတွေထဲက တခုပေါ့။ ပထမဆုံး စားဖူးတဲ့အချိန်က ကိုယ့်မှာ ကြိုက်လိုက်တာ။ နဂိုကမှ အစားအသောက် မက်ရတဲ့အထဲ အသားလေးတွေ ပေါင်းထား၊ ထုပ်ထား တာဆိုတော့ သဘောကျလိုက်တာ။

အဲဒီအချိန်တုန်းက စားရင်းနဲ့ စဉ်းစားမိတာက ကိုယ်ချစ်ခင်တဲ့ လူကြီးတွေကို ကျွေးချင်တာပါ။ မနက်ခင်းမှာ ရေနွေးလေးသောက်၊ Dim Sum လေး စားရရင် လူကြီးတွေ အဖို့ စားရတာ မာလဲ မမာတော့ ၀ါးရတာ အဆင်ပြေမယ်ပေါ့။ အရသာလဲ ရှိတယ်။ လိုသလောက်လဲ ကိုယ်တနိုင် မှာယူ စားရုံပဲ ဆိုတော့ ပိုတာ ကျန်တာလဲ မဖြစ်ဘူးပေါ့။

ဒါနဲ့ ကိုယ် ချစ်ခင်တဲ့ လူကြီးသူမတွေကို ဆိုင်ကို ခေါ်သွားပြီး ကျွေးခဲ့ပါတယ်။ တကူးတက သွားခေါ်ပြီး သူတို့စားချင်တာလေးတွေ စိတ်တိုင်းကျ ရွေးပြီး မှာပြီး ကျွေးခဲ့တာပါ။ အဲဒီတုန်းက ကိုယ့်မှာ အမေလဲ မရှိတော့၊ အဖေလဲ အဝေးရောက်နေတာမို့ သူတို့ကို ရည်မှန်းပြီး ကျွေးတာမို့ စိတ်ချမ်းသာလိုက်တာ အလွန်ပါပဲ။

ဈေးလဲ မများပါဘူး။ အလှူကြီးလဲ မဟုတ်ပါဘူး။ ဒါပေမဲ့ စားရတဲ့ လူကြီးတွေတော့ မသိ၊ ကျွေးရတဲ့ ကိုယ့်အဖို့မှာတော့ ကျေနပ်ကြည်နူးရတာ ပြန်တွေးတိုင်းပါပဲ။ ကိုယ်တို့ ချစ်ခင်တဲ့ ဦးလေးကြီး တယောက်ဆိုရင် မမေ့နိုင်တဲ့ စား ပွဲလေး တခုပါပဲ လို့ ပီတိနဲ့ တဖွဖွ ပြောနေတာ။ ကိုယ်တို့ကလဲ သဒ္ဓါတရားအပြည့်နဲ့ ကြည်ကြည်နူးနူး ကျွေးတော့ ရောင်ပြန်ဟပ်သွားတယ် ထင်ပါရဲ့လေ။

နောက် အဖြစ်အပျက်တခုကတော့ အဖေနဲ့ ပတ်သက်တာပါ။ အဖေက ဘာသိဘာသာ သမား ဆိုတာ အဖေ့ကို သိတဲ့လူတွေ ကောင်းကောင်းသိမှာပါပဲ။ အပေါ်ယံ အလှအပတွေကို လုံးဝ ဂရုမထားတဲ့သူပဲ။ နေမိနေရာ ငေးမိငေးရာ နေတတ်သူမျိုးပဲ။ သူ့မှာ မိတ်ဆွေရယ်၊ ဖတ်စရာ ရေးစရာ စာအုပ်ရယ်၊ ဆေးလိပ်ရယ် ရှိရင် တော်ပြီ ဆိုတာမျိုးပေါ့။

သူ လျှောက်သွားသမျှ၊ သူနေသမျှ မိတ်ဆွေတွေ၊ သားသမီးအရင်းလို တပည့်တွေက ဆင်ပေး၊ လဲပေး ကြတာပါပဲ။ ဒါကြောင့် အဖေ့မှာ ၀မ်းမနာ သားသမီးတွေ များလှတယ်။ ၀တ်ပေးရင်လဲ ၀တ်လိုက်တာပဲ။ ဘာရယ်လို့ မရှိဘူး။ ဒီအတိုင်းထားလဲ ဒီအတိုင်းပဲ နေတာပဲ။ အဲဒီလိုမျိုးပေါ့။

တခါကတော့ ဆောင်းရာသီ တရက်မှာပေါ့။ အဖေက အေးလို့ တဲ့။ ရေမချိုးချင်ဘူး။ ရေနွေးနဲ့တောင် မချိုးချင်ဘူး။ ပျင်းတာလဲ ပါတယ်။ ဒါတွေက အပိုအလုပ်တွေပါ သမီးရယ် လို့ ပြောနေတာပါ။ ကိုယ့်မလဲ အဖေ့ကို ချော့ရတာပေါ့။ တကိုယ်ရည်သန့်ရှင်းတာ အပိုအလုပ် မဟုတ်ပါဘူး အဖေရယ်ပေါ့။ ရေချိုးပြီး အကျီ င်္လေး လဲလိုက်ရင် နွေးနွေးထွေးထွေးနဲ့မို့ အဖေ နေလို့ သိပ်ကောင်းမှာပဲ ပေါ့။

အဖေက အကျီ င်္ချွတ်လိုက်ရင် အေးသွားမှာကိုတောင် ကြောက်နေတော့ တော်တော် ပြောယူရတယ်။ ဒါနဲ့ကိုယ်က အဖေ့ကို ရေနွေးနဲ့ ကိုယ်ပတ်တိုက်ပေးမယ်လေ၊ ဘယ်လောက်မှ မကြာစေရပါဘူး လို့ ပြောရတယ်။ နောက်ဆုံး ညည်းညည်းညူညူနဲ့ လက်ခံပါတော့တယ်။

ဒါနဲ့ မျက်နှာသုတ်ပုဝါ အသေးလေးတခုကိုယူ၊ ရေနွေးလေး ဆွတ်ပြီး အဖေ့ကို တကိုယ်လုံး ကိုယ်ပတ်တိုက်ပေးတာပါ။ ခေါင်းကနေ ခြေအဆုံး၊ အကြိုအကြား မကျန် သန့်ရှင်းသွားအောင် အသေအချာ ပွတ်တိုက်ပစ်လိုက်တာပါ။ ရေနွေးလေးနဲ့ဆိုတော့ နွေးနေတာပေါ့။ အဲဒီလို ကိုယ်လုပ်ပေးနေတုန်း အဖေက ကိုယ့်ကို ပြောပါတယ်။

သမီးလုပ်ပေးတာ ကိုယ့်ဖာသာကိုယ် ရေချိုးတာထက်တောင် စင်သေးတယ် တဲ့။ ကောင်းလိုက်တာ၊ လန်းသွားတာပဲ တဲ့။ ဒါနဲ့ သာဓုခေါ်ပြီး ဆုတွေ ပေးနေတာ အကြာကြီးပဲ။ ကိုယ်လဲ လုပ်နေရင်းနဲ့ ကြည်နူးလွန်းလို့ ရင်ထဲမှာ လှပ်လှပ် လှပ်လှပ် ဖြစ်နေတယ်။ အဖေ့ ပီတိတွေ ကိုယ့်ဆီ လာကူးစက်တယ် ထင်ပါရဲ့။ အဲဒီအဖြစ်လေးကိုလဲ ကိုယ် ဘယ်တော့မှ မမေ့နိုင်တော့ဘူးလေ။

နောက် အဖြစ်အပျက်တခုကတော့ ကိုယ် မလေးရှား Johor Bahru မှာ နေတုန်းကပါ။ အဲဒီတုန်းက ကိုယ်တို့က ရန်ကုန် ပြန်တော့မှာ။ နောက် ၂ပတ်လောက်ဆို ပစ္စည်းတွေ သိမ်းပြီး ပြန်တော့မယ်လေ။ တနေ့တော့ ကိုယ်တို့ နှစ်ယောက် အပြင်က ပြန်လာတော့ ကိုယ်တို့နေတဲ့ တိုက်အောက်က ဓာတ်လှေကားနားမှာ စားကြွင်း စားကျန်လေးတွေ ရှာစားနေတဲ့ ကြောင်လေး တကောင် တွေ့တယ်။

ကြောင်လေးက ၄-၅လ သားလောက်ပဲ ရှိပါအုံးမယ်။ ကိုယ်သိပ်လိုချင်တဲ့ အရောင်၊ ကြောင် အ၀ါကြား လေးပေါ့။ ချောလိုက်တာ ကျားပေါက်စ လေးလိုပဲ။ ကိုယ့်တသက် တွေ့ဖူးသမျှ ကြောင်တွေထဲမှာ ဒီကြောင်လေး လှတာကို ဘယ်ကြောင်မှ မမီသေးဘူး။ ဒါနဲ့ ကိုယ်လဲ တိတ်တိတ်လေး နောက်ကနေ ဖမ်းလိုက်ပြီး ကိုယ်တို့နေတဲ့ ၄ထပ်ကို ပွေ့ခေါ်လာခဲ့တယ်။

ကြောင်လေးကလဲ မရုန်းဘူး။ သူ့မျက်လုံးလေးက သောက်ရှူးကြယ် လေးတွေလိုပဲ။ ပြာစင်ပြီး အရောင်တောက်နေတာ။ ဒါနဲ့ နှစ်ယောက်သား မွေးမယ် လို့ ဆုံးဖြတ်လိုက်တယ်။ နို့တွေ၊ ကြောင်စာဗူးတွေ ပြေးဝယ်၊ ကျွေးပေါ့။ ချစ်လွန်းလို့ အရိပ်တကြည့်ကြည့်နေတယ်။ ဒါပေမဲ့ စားပြီးသောက်ပြီးတော့ ကြောင်လေးက သူ့အမေကို သတိရလို့ ထင်ပါရဲ့။ မှိုင်သွားလိုက်တာ။

တရက်ပြီး တရက် ဘာမှလဲ မစားတော့ဘူး။ နုံးပြီး အိပ်ပဲ အိပ်နေတယ်။ ကိုယ်တို့ကလဲ မြန်မာပြည် ခေါ်သွားဖို့တောင် ဆုံးဖြတ်ထားပြီဆိုတော့ တိရိစ္ဆာန်သယ်ရင် လေယာဉ်ခ ဘယ်လို ပေးရလဲတွေ စုံစမ်းနေပြီ။ ကြောင်လေးကတော့ ငယ်လွန်းတော့ အမေကို သတိရနေတယ် ထင်ပါရဲ့။ အသံလဲ မျှင်းမျှင်းလေးပဲ ထွက်တယ်။ ကျောလေးဆန့်ပြီး တချိန်လုံး လှဲနေတော့တယ်။

တညတော့ ကိုယ်တို့နှစ်ယောက် တိုက်အောက်က ရေကန်လေးဘေးမှာ ထိုင်ပြီး စကားပြောနေတုန်း လသာသာမှာ ရေကူးကန်က လျှံနေတဲ့ ရေတွေကို ကြောင်တကောင်က လာလျက် သောက်နေတာကိုး။ ဒါနဲ့ ကိုယ်က အိမ်က ကြောင်လေးရဲ့ အမေ ထင်ပြီး နောက်ကနေ တိတ်တိတ်လေး သွားပြီး ဗိုက်ကို စမ်းလိုက်တယ်။

ဗိုက် မှာလဲ ကလေးတွေ နို့တိုက်ထားပုံပဲ၊ သားသည်အမေပေါ့။ ဒါဆို သေချာပြီ။ ဒါနဲ့ အသာလေး ပွေ့လိုက်တော့ အလိုက်သင့် လိုက်လာတယ်။ ကြောင်အမေကြီး တကိုယ်လုံး နံ လို့။ အမှိုက်ပုံများ ဖွထားသလား မသိ။ ဒါနဲ့ အပေါ်ထပ်ကို ခေါ်ခဲ့ပြီး ကိုယ်တို့ အခန်းတံခါးကို ဖွင့်လိုက်ရင်ပဲ အိမ်မှာကျန်နေတဲ့ ကြောင်လေးက လှဲနေရာက ချက်ချင်း ကုန်းထ ပြီး သူ့အမေကို ညောင် ညောင် နဲ့ စကားတွေ ပြောလိုက်တာ တခန်းလုံး ဆူညံသွားတော့တာပဲ။

သူ့အမေကလဲ ဒီကောင် ပျောက်နေတာ ဒီရောက်နေပါလား ဆိုပြီး အံ့သြနေပုံပဲ။ စကားတွေ ပြန်ပြော၊ လျှာနဲ့ လျက်ပေးတယ်။ နို့တိုက်တယ်။ ကိုယ်တို့ကျွေးထားတဲ့ နို့တွေ စားစရာတွေ အကုန်လုံးကိုတော့ အမေကြီးက အကုန် စားပစ်လိုက်ရော။ ဘယ်လောက် ငတ်နေတယ် မသိ၊ ထပ်ကျွေးလဲ ထပ်ကုန်တာပဲ။

ခုနက အစားမစားနိုင် မသောက်နိုင် တမှိုင်မှိုင် ဖြစ်နေတဲ့ ကြောင်လေးလဲ တက်ကြွ မြူးထူး လို့။ ဒါနဲ့ ကိုယ်တို့ နှစ်ယောက် ခေါင်းချင်းဆိုင် တိုင်ပင်ကြရတာပေါ့။ နောက်တော့ ဆုံးဖြတ်ချက် ချ လိုက်ပြီး သူတို့ နှစ်ကောင်စလုံးကို ပွေ့ချီပြီး အောက်ထပ်ကို လိုက်ပို့ ပေးလိုက်ပါတယ်။

အစာလဲ ၀ပြီ၊ အမေနဲ့သားလဲ ပြန်တွေ့ပြီ ဆိုတော့ ကျေနပ်ပြီး နှစ်ကောင်သား တညောင်ညောင် နဲ့ စကားတပြောပြော လျှောက်သွားကြတာ လရောင်အောက်မှာ အမြီးလေးတွေ ထောင်လို့။ အမြီးအကြီးကြီး တခု နဲ့ အမြီးသေးသေးလေး တခု။ ကိုယ်လိုချင်တာ မရလိုက်ပေမဲ့ စိတ်ချမ်းသာပြီး ကျန်ခဲ့တာ ကိုယ်တို့ဘ၀မှာ ဒါ ပထမဆုံး ပါပဲ။

ကိုယ်က ကိုယ့်အမျိုးသားကို မှာခဲ့တယ်။
တကယ်လို့ ရုတ်တရက် မဟုတ်ဘဲ ကိုယ်သေရမယ်ဆိုရင် ကိုယ့် နောက်ဆုံးအချိန်မှာ တရားခွေတွေလဲ မဖွင့်ပါနဲ့တော့လို့။ ကိုယ့်ဘ၀မှာ ကိုယ်လုပ်ခဲ့တာလေးတွေအပေါ် ကြည်နူးမိတာလေးတွေသာ ကိုယ့်ကို ပြောပြပေးပါလို့။ ဒါဆို ဘာအလှူကြီးကြီးမှ မလုပ်နိုင်တဲ့ ကိုယ့်အဖို့ ဘ၀ကူးချိန်မှာ အနည်းဆုံး စိတ်လေးတော့ နည်းနည်း အေးချမ်းသွားမယ်လို့ ထင်မိလို့ပါလေ။

မိုးချိုသင်း

(ဒီပို့စ်လေးကို အခု ခရီးထွက်နေတဲ့ ကိုကျော်ဝဏ္ဏ အတွက် ရေးပါတယ်။ လေယာဉ်နားချိန်မှာ ချိုသင်း ပို့စ်လေး ဖတ်ရရင် ကောင်းမှာပဲ လို့ ပြောတဲ့အတွက်ပါ။)

ခရေပွင့်လေးတွေကို လွမ်းတယ်

ငယ်ငယ်တုန်းက ညဖက် ထမင်းစားပြီး အေးအေးချမ်းချမ်း ရှိတဲ့အချိန်ဆို အဖေ နဲ့အမေက လမ်းလျှောက် ထွက်တတ်တယ်။ အဲဒီအခါဆို ကဲ လမ်းလျှောက်ထွက်မယ် လိုက်မလားဟေ့ လို့ တယောက်ယောက်က လောဆော်လိုက်တာပါပဲ။

ဒါဆို ကိုယ်တို့ မောင်နှမတွေလဲ လုပ်လက်စ အလုပ်တွေ ပစ်ချ၊ လိုက်မယ်ဟေ့ လို့ ပြိုင်တူ အော်လိုက်တတ်ကြတယ်။ ငယ်ငယ်တုန်းက လမ်းလျှောက်ဖို့ကို ခုလို မပျင်းဘူး။ မိသားစုလိုက် အေးအေးသက်သာ ထမင်းစားပြီး လမ်းလျှောက်ကြတာမို့ ကြည်နူးစရာတောင် ကောင်းသေးတယ်။

အဲဒီတုန်းကဆို အိမ်က ည ၈နာရီလောက် ထွက်တတ်ကြတယ်။ သိပ်ဝေးဝေးလံလံကြီးလဲ မလျှောက်ပါဘူး။ များသောအားဖြင့် ကိုယ်တို့နေတဲ့ ပုဂံခြံဝင်းကနေ တက္ကသိုလ်ရိပ်သာလမ်း တလျှောက် လှည်းတန်းဈေးဖက် လျှောက်ကြတယ်။ ဒါပေမဲ့ လှည်းတန်းဈေးထိလဲ မရောက်ဘူး။ သထုံလမ်းထိပ်လောက် ရောက်ရင် အိမ်ဖက် ပြန်လှည့်တာပဲ။

အဖေနဲ့ အမေက စကားတပြောပြော နဲ့ နောက်ကနေ ဖြေးဖြေးလျှောက်လိုက်တယ်။ ကိုယ်တို့ကလေးတွေ ကတော့ ရှေ့က ပြေးတမ်းဆော့ကြတာပေါ့။ လမ်းမကြီးကလဲ ရှင်းလို့။ ပလက်ဖောင်းကလဲ ကျယ်တော့ လွတ်လွတ်လပ်လပ် ပြေးလို့ ရသေးတယ်။ ကိုယ်တို့က ခရေပင်တန်းတွေထိ ပြေးကြတာ။

သထုံလမ်းမရောက်ခင် တက္ကသိုလ်ရိပ်သာလမ်းပေါ်မှာ ကိုယ်တို့ငယ်ငယ်ကတော့ ခရေပင်တန်းလေး ရှိတယ်။ ခုတော့ ရှိသေးလား၊ အပင်တွေ ခုတ်လိုက်ကြပြီလား မသိဘူး။ ညဖက်ဆို ခရေတွေက သိပ်မွှေးတာ။ ကိုယ်တို့ မောင်နှမတတွေ ခရေပန်းတွေ ကောက်ကြတာပေါ့။ ဘယ်ဘက် အစွန်ဆုံးကျတဲ့ ခရေပင်ကြီးကတော့ အပွင့်ကြီးကြီးတွေ ကြွေတယ်။ သိပ်လှတာပဲ။

ခရေပွင့်မွှေးမွှေးတွေကို ကိုယ်က ကောက်ရင်း တခါတလေ ကြယ်လေးတွေ ကောက်နေတယ် လို့ ကိုယ့်ကိုယ်ကို ထင်မိသေးတယ်။ ခရေပွင့်ပုံစံက ကြယ်ပုံလေးတွေလိုမို့ ကိုယ်က ချစ်နေမိတာပေါ့။ အဲဒီတုန်းက ကလေးဆိုတော့ လမ်းလျှောက်ရင်း ကောင်းကင်ကို မော့ပြီး ကြယ်တွေနဲ့ လမင်းကြီးကို မော့ကြည့်ရင်း လျှောက်တာ။ မော့ရင်း လျှောက်တော့ ပလက်ဖောင်း အနိမ့်အမြင့် မသိဘဲ လိမ့်လဲ လို လဲ။ ဒူးကွဲလို ကွဲ။

ကိုယ်ဘယ်သွားသွား လမင်းကြီးက နောက်က လိုက်နေသလိုမို့လဲ အံ့သြရသေးတာ။ ပြေးရင်းတန်းလန်း မိဘစကားပြောတာကို ဖြတ်ပြီး “အဖေ၊ အဖေ၊ လမင်းကြီးက သမီးနောက် ဘာလို့ လိုက်နေတာလဲ” လို့ မေးရသေးတာ။ အဖေကတော့ “အဲဒါ သမီးကို ချစ်လို့ပေါ့” တဲ့။ အမေကလဲ ပြုံးလို့။ ကိုယ်ကလဲ ပြုံးပြီး သဘောတွေကျလို့။

“ကြယ်လေးတွေ ချစ်စရာ၊ အပြာရောင် ကောင်းကင်မှာ၊ သူတို့ကို ပြုံးရင်း တလုံးချင်း ကြည့်နေပါ၊ မကြာခင် ပြန်ကာပြုံးလို့ သူတို့လဲ ကိုယ့်ကို ခင်ကာ..” ဆိုတဲ့ ပြုံးတုံ့လှယ် သီချင်းက ကိုယ်တို့ ညီအမတွေ ဆိုနေကျပေါ့။

တခါတလေ ပုဂံလမ်းဖက် လျှောက်သေးတယ်။ အဲဒီမှာ ခြံတခြံက ညမွှေးပန်းတွေ စိုက်ထားတော့ ညဖက်ဆို တလမ်းလုံး မွှေးနေတယ်။ နောက် ယုဇနပန်းနံ့လဲ ရတယ်။ အဲဒီလို ပန်းနံ့လေးနဲ့ မွှေးနေရင် ကိုယ်ကတော့ လေတဝကြီး ရှူပစ်လိုက်တတ်တယ်။

တခါတခါ တက္ကသိုလ် ဘော်လုံးကွင်းတွေဖက် ခြေဆန့်တတ်တယ်။ ညဖက် လသာသာမှာ ဘော်လုံးကွင်းထဲ မိသားစု ခဏတဖြုတ် ထိုင်တတ်သေးတယ်။ တော်လှန်ရေးနေ့ မီးပန်းလွှတ်တာတွေကိုလဲ အဲဒီ တက္ကသိုလ် ဘောလုံးကွင်းကနေ ကိုယ်တို့ မိသားစု ထိုင် ကြည့်တတ်တယ်။

အဲဒီအချိန်ဆိုရင် အဖေက အမှောင်ထဲ ကွင်းပတ်ပြေးခိုင်း၊ ရေမြောင်းတွေကို ခုန်ပြီး ကျော်ခိုင်းတတ်တယ်။ ကဲ ခုန်ကြည့်စမ်း သမီး၊ မကြောက်နဲ့ ရဲရဲ ခုန် တဲ့။ ကိုယ်တို့ကလဲ မြောင်း ဟိုဖက် ဒီဖက် ခုန်ကြတာ။ ပျော်လို့။ တကယ်က အဖေက ကိုယ်တို့ကို ရဲအောင် မကြောက်တတ်အောင် သင်ပေးနေတာပါ။ အဖေ ငယ်ငယ်က မြောင်းတွေမကျော်ရဲ၊ အမှောင်ထဲ မသွားရဲဘူး တဲ့။ ဒါကြောင့် သူ့သားသမီးတွေကို သူ့လို မဖြစ်အောင် သင်ပေးတာ တဲ့။ ကြီးမှ ပြန်ပြောပြလို့ သိတာပါ။

အဲဒီတုန်းကတော့ ညဖက် လမ်းလျှောက်ရုံတင် မကဘူး။ မနက်စောစောလဲ လမ်းထ လျှောက် ကြသေးတယ်။ အဖေတို့ အမေတို့ လမ်းလျှောက်ဖော်တွေက ဒီပုဂံခြံဝင်းမှာ နေတဲ့ ဆရာ၊ ဆရာမ မိသားစုတွေပါပဲ။ ဆရာ ဦးလှဆောင်တို့ စုံတွဲ၊ စာရေးဆရာ ဦးမင်းလှညွန့်ကြူး တို့ စုံတွဲ နဲ့ ဆရာ ဦးတိုးလှ တို့ပါ။ ရန်ကုန်တက္ကသိုလ်ဝင်းကြီးကို ဖြတ်ပြီး မနက်စောစော အင်းလျားကန်ဘောင်ကို လျှောက်ကြတာပါ။

အပြန်ကျရင် အင်းလျားမှာ အကြော်စား၊ တခါတလေ လက်ဖက်ရည်ဆိုင် ထိုင်တတ်ကြတာမို့ ကိုယ်တို့လဲ မုန့်စားချင်လို့ စောစော ထ လိုက်ကြသေးတယ်။ အမြဲတော့ မလိုက်နိုင်ဘူး။ အိပ်ချင်လို့။

အခုတော့ အဲဒီလို လမ်းလျှောက်ခဲ့ရတာတွေဟာ လွမ်းစရာလေးတွေ ဖြစ်ကုန်ပြီ။ ကျန်းမာရေးအတွက်ပဲဖြစ်ဖြစ်၊ ထမင်းစားပြီးလို့ အစာကြေအောင်ပဲဖြစ်ဖြစ် မလျှောက်ဖြစ် တော့ဘူး။ အဖေတို့ အမေတို့တုန်းကလဲ ၀မ်းရေးအတွက် တနေ့လုံး အလုပ်လုပ်၊ သားသမီး ၅ယောက်အတွက် ရုန်းကန် လှုပ်ရှားခဲ့ရတာပါပဲ။ ဒါပေမဲ့ ကိုယ့်ကျန်းမာရေးအတွက် ကိုယ့်မိသားစုအတွက် တနေ့တာထဲက အချိန်လေးတချိန် ဖဲ့ပေးနိုင်တယ်။

ကိုယ်တို့အလှည့်ကျတော့ရော..။ ကိုယ်ဆိုရင် လမ်းပိုလျှောက်သင့်တဲ့ ဒီအသက်အရွယ်မှာ ဘာများလုပ်နေပါလိမ့်လို့ တွေးမိတယ်။ ရုံးကပြန်လာရင် သုတ်သုတ် သုတ်သုတ် နဲ့ ထမင်းဟင်းချက်၊ ပြင်ဆင် စားသောက်ပြီးတာနဲ့ ကွန်ပျူတာ ရှေ့ထိုင်တော့တာပဲ။ တနေ့လုံးလဲ အလုပ်တွေ ထိုင်လုပ်ခဲ့ပြီးပြီ။ ပြန်လာတော့လဲ ဒါနဲ့ပဲ မျက်နှာအပ်ထားတယ်။ နှစ်ယောက်သား ကိုယ့်စိတ်ဝင်စားမှုနဲ့ကိုယ် ငြိမ်ငြိမ်ဆိတ်ဆိတ် စာဖတ်နေ၊ စာရေးနေတယ်။ ည ၁၂နာရီထိုးမှ နေရာက ထပြီး အိပ်ရာဝင်တယ်။

လမ်းလျှောက်ဖို့ ပန်းခြံလေး တခုကလဲ ကိုယ်တို့နဲ့ ၄အိမ်ကျော်လောက်မှာ ရှိတာပါ။ ဝေးတယ်ဆိုရင်လဲ မပြောပါဘူး။ အဲဒီပန်းခြံလေးဆို ကိုယ် ၂ခါလား သွားဖူးတယ်။ အဲဒါလဲ လမ်းလျှောက်တာ မဟုတ်သေးဘူး။ သိပ်စိတ်ညစ်တုန်း တခါက နှစ်ယောက်သား ပန်းခြံလေးထဲက ခုံလေးမှာ ထိုင်ပြီး တယောက်လက် တယောက်ဆုပ်ပြီး ငေးနေကြတာပါပဲ။ ပြီးတော့လဲ ထ ပြန်ခဲ့ကြတာ။

ကိုယ့်ရဲ့ boss အံတီက လမ်းလျှောက်ဖြစ်အောင်လို့ ဆိုပြီး ဈေးအတော်ကြီးတဲ့ လမ်းလျှောက်စက်ကြီး ဝယ်လာ၊ အိမ်မှာ လာဆင်ပေးဖူးတယ်။ ခုတော့ စက်ကြီးလဲ လှဲထား ချထားရင် မတော်တဆ လမ်းတက်လျှောက်မိမှာစိုးလို့ စက်ကိုပါ ထောင်ထားလိုက်ပြီ။ တခါတလေ ပိုက်ဆံအိတ်တို့၊ အနွေးထည် ဂျာကင်လေးတွေတောင် စက်ပေါ် ချိတ်လိုက်သေး။

ကိုယ်တို့မိတ်ဆွေ ကိုမိုးကတော့ ပြောပါတယ်။ စက်ကြီးလဲ တဖြေးဖြေး ပိန်ပိန်လာပြီနော် တဲ့။ ဖြစ်နိုင်ပါတယ်။ စက်လဲ အညောင်းမိနေလောက်ရောပေါ့လေ။

မိုးချိုသင်း

အကျင့်လေး တခု

လူတွေများ စကားပြောရင် ပုံစံအမျိုးမျိုး။
တချို့က ဖြေးဖြေးမှန်မှန် အသေအချာ စဉ်းစားပြီးတော့ ပြောတတ်တယ်။ တချို့ကတော့ အားတက်သရော မြန်မြန်ဆန်ဆန်။ တချို့ကတော့ တလျှောက်လုံး ငြိမ်နေပြီးမှ ပြောလိုက်တဲ့တလုံးကျတော့လဲ ပိဿာလေးနဲ့ နံဘေးပစ်သလို ပြောပြန်ရော။

အဲဒီလို ပြောတဲ့အခါမှာလဲ ကိုယ်စွဲနေတဲ့စကားလုံးကို စကားပြောနေရင်း ထပ်ခါထပ်ခါ သုံးတတ်တာ သတိထားမိတယ်။ အခုတလော ကိုယ့်ပတ်ဝန်းကျင် အသိုင်းအ၀ိုင်းထဲမှာရော၊ ခင်မင်ရင်းနှီးတဲ့ မိတ်ဆွေတွေထဲမှာရော အဲဒါမျိုးလေးတွေကို ကိုယ် သတိထားမိနေတယ်။ အဲဒါကလဲ အထူးတလည် လုပ်ယူတာမဟုတ်ဘဲ ကိုယ့်ဖာသာကိုယ် သတိမထားလိုက်မိခင် ဖြစ်သွားတတ်တာမျိုး။ အကျင့်ဖြစ်နေတာ လို့ ပြောရမလား မသိဘူး။

ကိုယ့်အမျိုးသားရဲ့ သူငယ်ချင်း နယူးယောက်ခ်က အကိုတယောက်ကတော့ စကားပြောရင် အမြဲထည့် ပြောတတ်တာက “အေးလေ၊ အေးလေ” တဲ့။ ဒီကဖြင့် ဘာမှ မပြောရသေးဘူး။ သူက အေးလေ၊ အေးလေ နဲ့ ထောက်ခံနေပြီ။ သဘောကောင်းပုံများ ပြောပါတယ်။ သူများပြောရင် follow လိုက်ပေးတာ အကျင့်ပါနေတယ် ပြောရမှာပေါ့။

နောက်တယောက်ကတော့ စကားပြောရင် အမြဲ ထည့်ပြောတတ်တာက “ကိုယ်တကယ် အကောင်းပြောတာ” တဲ့။ သူကတော့ သူပြောမဲ့ စကားတခွန်းကို အလေးအနက် ဖြစ်စေချင်ပုံပါ။ ဒါပေမဲ့ သူ တခါမှ အတည် မပြောလေတော့ ဘယ်သူမှ မယုံကြလို့ ဒီတခါတော့ အတည်ပြောတာပါ လို့ ပြောချင်သလားမသိ။ ကိုယ်တကယ်အကောင်းပြောတာ လို့ စပြောရင် ပြုံးစိစိ ဖြစ်ရပြီ။ ချင့်ချိန်သာ ယုံပေတော့။ သူ ရွှီးတော့မယ်။

တချို့ကျတော့လဲ နိုင်ငံခြားရောက်နေလို့ ထင်ပါရဲ့၊ စကားပြောတာမှာ အင်္ဂလိပ်လို ထည့်ပြောတတ်တာပါ။ ကိုယ်ကတော့ အဲဒီလူနဲ့ စကားပြောရင် ရီချင်နေတတ်လို့ မနည်း အောင့်ထားရတာ။ သူက ဗမာလိုချည်း တောက်လျှောက် ပြောသွားပြီး နောက်ဆုံး အပိတ်လေးမှာ အင်္ဂလိပ်လိုလေး နဲ့ ပိတ်တတ်တာပါ။ you know what I mean တဲ့။

ကိုယ်လဲ အစကတော့ ကိုယ့်ကို ရှင်းပြနေတာမို့ အဲဒီလို ပြောတာ ထင်မိတယ်။ ဘယ့်နှယ် ဟုတ်ရမှာလဲ။ သူ့ဟာက အခွန်းတိုင်း ရှင်းပြတာ ဟုတ်ဟုတ် မဟုတ်ဟုတ် အဲဒါကြီးနဲ့ ပိတ်တော့တာ။

“ဒီကနေသွားရင် Garfield ရောက်တော့ ညာချိုးလိုက်၊ ဆိုင်လေးက အဲဒီနားမှာပဲ ရှိတယ်၊ you know what I mean?”
“ကျနော်လဲ အဲဒီ့ဆိုင်မှာပဲ အမြဲ ၀ယ်ဖြစ်တယ်။ သူက ဈေးလဲ သက်သာတယ်လေ။ you know what I mean”

နောက်တယောက်ကတော့ စကားအဆုံးမှာ မဟုတ်ဘူး၊ စကားအစမှာ ပြောတတ်တာပါ။ သူလဲ ဘိုလို တော့ခ်တာပါပဲ။ ဒါပေမဲ့ သူ့ဘိုစကားက သူများကို အလုပ်ပေးတဲ့ စကားပါ။ you remember တဲ့။

စကား စ မပြောနဲ့၊ ပြောတာနဲ့ you remember က စတယ်။ မေးခွန်းမေး အတော်ဝါသနာ ပါတာလား၊ မှတ်မိလားလို့ အဖော်စပ်တာလား မသိ။ သူ့မေးခွန်း မလာခင် စဉ်းစားရတာ ဦးနှောက်လဲ ပူပြီ။ ကြာတော့ မမှတ်မိဘူးဟေ့ လို့ အော်လိုက်ရတယ်။ ဘယ့်နှယ်၊ ပြော မပြောရသေးဘူး၊ ကိုယ်က ဘာမှတ်မိရမှာတုန်း။

နောက်တယောက်ကတော့ ပူးတွဲ အသုံးပြုတာပါ။ အင်္ဂလိပ်လိုရော ဗမာလိုရော ထည့်ပြောတာပါ။ နားထောင်နေတဲ့ ကိုယ် နားမလည်မှာ စိုးရှာပုံပါပဲ။ သူကျတော့ telling the truth တဲ့။

“Telling the truth အမ။ ကျမ တကယ် လိမ်မပြောဘူး။ အဲဒီအကျီ င်္လေးက ၁၅ကျပ်ပဲ ပေးရတာ” တဲ့..
“Telling the truth အမ။ ကျမ လိမ်မပြောဘူး။ သူက အဲဒီလိုကြီး မေးတာနော်” တဲ့.. အေးပါဟယ်၊ နင်လိမ်မပြောတာ ငါသိပါပြီ လို့..။

ကိုယ်ချစ်ခင်ရတဲ့ အမတယောက်ကတော့ ဆရာမလေ။ စာတွေ ရှင်းပြရလွန်းလို့လား၊ မိသားစုမှာ ဦးဆောင် အကြံထုတ်ရတဲ့သူမို့လား မသိ။ သူက စကားပြောရင် အနှစ်ချုပ် တတ်တယ်။ “အိသည်တော့ ” တဲ့..။

ပြောချင်တာက “အဲဒီတော့….” ပါ။ ဒါပေမဲ့ ကိုယ်တို့က အိသည်တော့ ပဲ ကြားတယ်။ ပထမတော့ နားထဲမှာ တမျိုးလေး၊ အဆန်းလေး ကြားလိုက်မိသလိုလို။ နောက်တော့ အဲဒီ အိသည်တော့…လေးကိုပဲ နားစွဲနေမိတော့တာလေ။

“အိသည်တော့၊ ပထမဆုံး ဟောလီးဝုဒ်ကို သွားမယ်၊ ပြီးမှ ဘိခ်ျကို ချီတက်ကြတာပေါ့၊ ဟုတ်ဖူးလား”
“အိသည်တော့၊ အမက ဟင်းချက်မယ်၊ ရှင်က ကြက်သွန်လှီး ပေး” တဲ့။

အမ အမျိုးသားကတော့ တမျိုးပါ။ ဘယ်လောက်များ သဘောတရားရေးတွေ စိတ်ထဲမှာရော အပြင်မှာပါ ဆွေးနွေး ငြင်းခုန်နေသလဲ မသိ။ သူအမြဲ ပြောတတ်တာက “သဘောတခုက…” တဲ့။ သဘောတရားရေးတွေ မဆွေးနွေးလဲ သူ့ သဘောတခုက ပါလာတာပါပဲ။ ဟုတ်ပါပြီ၊ သဘော ဘယ်နှစ်ခုများ ဖြစ်ချင်သေးလို့လဲ။

“သဘောတခုက ဒီလိုရှိတယ်လေ။ ကျနော်တို့ ပထမအဆင့်အနေနဲ့ ဒီလိုလေး သွားကြည့်မယ်၊ ပြီးတော့ ဟိုလို လုပ်ကြည့်တာပေါ့” တဲ့။
“သဘောတခုက ကျနော်တို့ ယောကျာင်္းလေးတွေက ကားတစီးနဲ့ သွားပြီး၊ ခင်ဗျားတို့ မိန်းကလေးတွေ က နောက်တစီးနဲ့ လိုက်ခဲ့ပေါ့” တဲ့..။

သူများတွေ အကြောင်းချည်း ပြောပြီး ကြိတ်ရီနေတယ် ဖြစ်မှာစိုးလို့ ကိုယ့်အကြောင်းလဲ ပြောပါအုံးမယ်လေ။ ကိုယ်က အခုလို စာရေးနေတဲ့အချိန်သာ မပါတာပါ၊ စကားပြောရင်တော့ အမြဲထည့်ပြောတတ်တာက “ဟို ဘာလဲ” တဲ့ (မရီပါနဲ့လေ..)

“ကိုယ်လဲ တယောက်တည်း (ဟို ဘာလဲ) အခုလို ရီစရာလေးတွေ ကြံဖန် ဟိုတွေး ဒီတွေး တွေးနေတော့ (ဟို ဘာလဲ) အနားမှာ အဖော်မရှိလဲ ပျင်းတော့ မပျင်းရဘူးပေါ့ ၊ ဟို ဘာလဲ ဘာလဲ ဘာပြောမလို့ပါလဲ….မေ့ကုန်ပါပြီလေ”

မိုးချိုသင်း

ငါးခူကြော် နဲ့ ငပိချက်

ကိုယ့်သူငယ်ချင်းတယောက် ကွန်မန့် မှာ ရေးသွားသလို အစားအကြောင်းချည်း ရေးသလို ဖြစ်နေပြီ။ ကိုယ်ကလဲ ကြိုက်တော့ ရေးမိတယ်။ ဒီတခါတော့ အစားအကြောင်း တိုက်ရိုက် မရေးပါဘူး၊ စောင်းပြီး ရေးမှာပါ။ :)

နေ့လည်က ထမင်းစားတော့ ချစ်ခင်ရတဲ့ အမတယောက်က ငပိချက် ချက်ပြီး လာပို့ထားတာ ရှိလို့ အရမ်းဟန်ကျနေတာပေါ့။ ထမင်းပေါ်မှာ ငပိချက်ကို ပုံပြီး အသေအချာနယ်ပြီး ထမင်းနဲ့ လူးစား၊ နယ်စားနေမိတာပေါ့။ ကိုယ်ကြိုက်တာ စားရတော့လဲ ထမင်းက မြိန်တယ် (တကယ်တော့ အမြဲတမ်း မြိန်တယ်)။ စားရင်းနဲ့ ငယ်ငယ်က ထမင်းမြိန်မြိန် စားခဲ့ရတာတွေ သတိရမိတယ်လေ။

ငယ်ငယ်က မောင်လေးနဲ့ ဆော့ရင် သူက ကုလားထိုင်ကို လှဲလိုက်ပြီး တွန်းလှည်းလေးလို လုပ်လိုက်တတ်တယ်။ နောက်မှီမှာ ကိုယ်က ထိုင်၊ သူက ကုလားထိုင် ခြေထောက်နှစ်ချောင်း ကိုင်ပြီး ကိုယ့်ကိုတင်ပြီး တွန်းတော့တာပဲ။ ကော်ရစ်ဒါတလျှောက် တွန်းကြတာ ကြမ်းပြင်ဆိုလဲ တွန်းရာတွေ ထင်ပြီး ပြောင်ချောလို့။ သူမောရင် သူတလှည့်ထိုင်၊ ကိုယ်က တွန်းပြန်ရော။

အဲဒီလို ကုလားထိုင်ကို ကားလိုလုပ် တွန်းတမ်း ကစားရင် ပါးစပ်ကလဲ ကားမောင်းသလို တဝူးဝူး အော်ရသေးတာပါ။ နောက် ဘတ်စ်ကား မှတ်တိုင်လဲ ရှိသေးတယ်။ ထူးထူးထွေထွေ မဟုတ်ပါဘူး။ ဘတ်စ်ကားမှတ်တိုင်ဆိုတာ ဒေါ်ကြီးတင် ရှေ့ ရပ်လိုက်တာပါပဲ။ ဒေါ်ကြီးတင်ဆိုတာ ကိုယ်တို့ကို ထိန်းခဲ့တဲ့ အဒေါ်လို ချစ်ခင်ရတဲ့ အဒေါ်ကြီးတယောက်ပါပဲ။

အသားညိုညို ပိန်ပိန်ပါးပါးနဲ့ ရင်ဖုံး အကျီ င်္အဖြူလေးတွေ ၀တ်တတ်တယ်။ သူ့ညီမက ဒေါ်လေးချို တဲ့၊ ဒေါ်လေးပို တဲ့။ ညီအမ ၃ယောက်စလုံး ရေစကြိုကနေ ကိုယ်တို့အိမ် လာနေပြီး ကိုယ့်တို့အားလုံးကို တူမအရင်းတွေ မခြား ချစ်တယ်၊ ထိန်းကြတယ်။ ကိုယ်တို့ မောင်နှမ အားလုံး သူတို့ လက်ပေါ်မှာ ကြီးခဲ့တာပါ။

အဲဒီလို မောင်နှမနှစ်ယောက် ကားတွန်းတမ်း ဆော့ရင် ဒေါ်ကြီးတင်က ဇလုံကြီးကိုင်ပြီး ထိုင်စောင့်တာပဲ။ ဇလုံထဲမှာ ငါးခူကြော်မွှေးမွှေးကို အရိုး တစိမှ မပါအောင် အသားတွေချည်း နွှင်ထားပြီး ငါးကြော်ဆီလေးနဲ့ ဆားလေးဖြူး နယ်ထားတယ်။ ထမင်းက ငါးကြော်ဆီနဲ့ ဆိုတော့ မွှေးပြီး စိမ်းဝါလို့။ ထမင်းပူပူလေးကို လက်နဲ့ ဆုပ်ပြီး ထမင်းအလုံးလေးတွေ လုပ်ထားတယ်။

ကိုယ်တို့ ဘတ်စ်ကား ရပ်လိုက်ပြီဆိုရင် ဒေါ်ကြီးတင်က ထမင်းတလုံးဆုပ်လေး ယူပြီး ပါးစပ်ထဲ ခွံ့လိုက်တယ်။ ကိုယ်တို့ကလဲ ထမင်း ဝါးရင်း ဆက်တွန်းကြပြန်ရော။ ပါးစပ်ထဲ ကုန်သွားတော့ ဘတ်စ်ကားက ရပ်ရပြန်ရော။ အဲဒီလို ထမင်းစားခဲ့ရတာ နှစ်သက်လွန်းလို့ ဘယ်တော့မှ မမေ့နိုင်ဘူး။

အခုထိ ငါးခူကြော်တွေ့ရင် ကိုယ့်မှာ အဲဒီလို လုပ်စားမှ အရသာ ရှိတယ် ထင်နေတာပါ။ ငါးကြော်ကို အရိုးနွှင်ပြီး ငါးကြော်ဆီလေးနဲ့ ဆမ်းစားလိုက်ရမှ အာသာပြေသလိုလို။ စားတိုင်းလဲ ဒေါ်ကြီးတင်ကို သတိရမိပါတယ်။ ကိုယ်က စမြုံ့ပြန်ချင်လို့ ငယ်ငယ်တုန်းကလေ.. ဒေါ်ကြီးတင်က.. ဆိုရင် ကိုယ့်အမျိုးသားက ဒီနေ့ ငါးကြော်ပဲ ဆိုတာ သိနေပါပြီ။ ဒေါ်ကြီးတင် နဲ့ ငါးကြော်နဲ့ တွဲမှတ်ရမလိုတောင် ဖြစ်နေပြီလေ။

နောက် လေးတန်းရောက်တော့ ကိုယ်တို့နဲ့ အတူလာနေတဲ့ အမ က မခင်ဆင့် တဲ့။ အသားညိုပြာညက်၊ မျက်လုံး အကြီးကြီးတွေနဲ့ အမပါ။ အလုပ်ကလဲ ဇယ်ဆက်သလို လုပ်တာ။ မနက်နိုးလာရင် ဈေးသွား၊ ထမင်းချက်၊ ဟင်းချက် အကုန် လှည့်ကြည့်စရာမလိုဘူး။ ပြီးရင် ကိုယ်တို့ ကလေးတွေကို ကျောင်းပို့။ အဝတ်လျှော်၊ မီးပူတိုက် ညနေဆိုရင် ကိုယ့်အမတွေကို လှည်းတန်းမှာ ကျူရှင် လိုက်ပို့ရသေးတာပါ။

ကိုယ်တို့ တက္ကသိုလ်ရောက်တဲ့အထိ အမလိုတမျိုး၊ သူငယ်ချင်းလို တမျိုး နေသွားတယ်။ မခင်ဆင့်က အဖေတို့ ရွာက။ အမက စာရေးဆရာမ ဖြစ်ချင်တာ တဲ့။ စာကတော့ ရေးတတ်၊ ဖတ်တတ်ရုံမို့ ကိုယ်က စာရေးစာဖတ် ချောအောင် သင်ပေးရတယ်။ တွံတေးသိန်းတန်က သူ့အသည်းစွဲ။ မီးပူတိုက်ရင်း တွံတေးသိန်းတန် သီချင်းတွေ အော်ဆိုရင် ကိုယ်က ဘေးက အဝတ်ပုံထဲမှာ လှဲရင်း ဆော့ရင်း နားထောင်တယ်။

သူ့အိမ်ကို စာရေးချင်ရင် ကိုယ့်ကို ရေးခိုင်းတတ်တာပါ။ သူ့အမေကို စာရေးပုံကို ကြည့်ပါအုံး။

ကဲ မိချို ငါခေါ်ပေးမယ်၊ ရေးစမ်းပါ။ သို့၊ ဒေါ်အုန်းဆိုင် လို့...။
အမကလဲ အမေ ဟာ အမေပေါ့၊ ဘာလို့ နံမည်တပ်ပြီး ခေါ်ရေးရတာလဲ။
အော် နင်မသိပါဘူး။ ရေးစမ်းပါ။ ဒေါ်အုန်းဆိုင်ရေ ပိုက်ဆံချည်း လှိမ့်တောင်းမနေနဲ့ လို့ တဲ့။

အဲဒီလို မခင်ဆင့်ပါလေ။

သူ့ကိုဆို ကိုယ်တို့မောင်နှမ နှစ်ယောက်က ချစ်လဲချစ်၊ နိုင်လဲ နိုင်တယ်။ ကိုယ့်မောင်လေးက ကိုယ်တို့ကျောင်းသွားတော့မယ်ဆိုရင် သူ့အဝတ်ပုံကို မွှေပြီ။ ပြီးရင် သူစိတ်ကြိုက်တွေ့တဲ့ အကျီ င်္ကို ထုတ်၊ ပြီးရင် အမ ဒါ ဝတ်ခဲ့နော်။ ကျောင်းပြန်လာကြိုရင် ဒီအကျီ င်္ဝတ်နော်။ ဒါမဝတ်ရင် လာမကြိုနဲ့ မလိုက်ဘူး လုပ်တာ။

ဝက်သားဟင်းချည်း ချက်ရင်လဲ ဝက်သားသည် လူကြီးကို ကြိုက်လို့လား လုပ်တာ။ အဲဒီတုန်းက သူဈေးသွားတုန်း တခါခေါ်သွားဖူးလို့ လှည်းတန်းဈေးက ဝက်သားသည် ချောချော အကိုကြီးကို မြင်ဖူးထားတာလေ။ အဲဒါဆို သူက ဒီကလေးနှယ် ဆိုးချက်က မတရား တဲ့။ အညာလေသံနဲ့။

သူ နဲ့တွဲပြီး အမှတ်မိဆုံးက ငပိချက်ပဲ။ သူက ငပိချက်ကို ဇလုံကြီးထဲ လူးနယ်ပြီး အားရပါးရ စားတော့တာပဲ။ ငရုတ်သီးမှုန့်လဲ ဖြူးထားသေးတယ်။ ခွံ့ကျွေးတဲ့ အရွယ်မဟုတ်တော့ သူက မခွံ့ဘူး။ ဒါပေမဲ့ သူ့ဘေးနားကနေ ကြည့်ပြီး စားချင်လွန်းလို့ အမ ခွံ့ ခွံ့ နဲ့ ပါးစပ် ဟ ပြီး တောင်းစားရတယ်။ အဲဒါဆို သူက ကဲဟယ် ကဲဟယ် ဆိုပြီး တွန်းတွန်းထိုးထိုး ခွံ့တာပဲ။

ကိုယ့်ဖာသာကိုယ် လုပ်စားစမ်းပါအေ တဲ့။ ဟင့်အင်း အမ လုပ်ထားတာပဲ စားချင်တယ်၊ ခွံ့ပါ ခွံ့ပါ နဲ့ ဂျီကျရတယ်။ တခါတလေ ပန်ထွေဖျော် သူလုပ်စားတတ်တယ်။ ပန်ထွေဖျော်လို့ သူခေါ်တဲ့ဟာက ခရမ်းချဉ်သီးရယ်၊ ကြက်သွန်နီရယ်၊ နံနံပင်ရယ် ပါတယ်။ ကိုယ်က အဲဒီ ၃မျိုးလုံး လုံးဝ မကြိုက်ပေမဲ့ သူလုပ်ထားရင်တော့ ဘေးကနေ သွားရည်ကျပြီ။ အဲဒီအခါဆိုလဲ ခွံ့ပါအုံး အမ ပေါ့။

ကိုယ်တို့အိမ်မှာ အဖေနဲ့အမေက သမီးရှင်လုပ်ပြီး ပထမဆုံး သမီးတောင်းလက်ခံရတာ မခင်ဆင့်နဲ့ပဲ။ အမတို့ လင်မယား လူကြီးစုံရာကို ထိုင်ကန်တော့ တော့ သူ့ကျောပြင်က လှိုင်းထ နေတာ မှတ်မိတယ်။ အမ မျက်ရည်တွေလဲ ဝဲနေတယ်။ အဲဒီတုန်းက လာတောင်းတဲ့ လူကြီးတွေကို အမေတို့က ရေကျော်မောင်အေးက ဆမူဆာမှာပြီး လက်ဖက်ရည်နဲ့ ဧည့်ခံတယ်။

အဲဒီကတည်းက သူလဲ ဘဝကို သူ့နည်းသူ့ဟန်နဲ့ ရုန်းကန်နေလိုက်တာ ကလေး ၂ယောက်လဲ ရပြီ။ သူ့ကလေးတွေကိုလဲ သူချစ်တဲ့ သူတွေနံမည် ပေးထားသေးတယ်။ သမီးလေးက ခင်စုကြည် တဲ့။ သားကတော့ ကျော်ရဲအောင် တဲ့။ ရုပ်ရှင်မင်းသား ကျော်ရဲအောင်ကို ကြိုက်လို့ တဲ့။

ပြီးခဲ့တဲ့ မေလတုန်းက ဘန်ကောက်မှာ ကိုယ်တို့ ညီအမတွေ ဆုံကြတော့ လက်ဆောင်တွေ ဖလှယ်ကြတယ်။ တခုသော လက်ဆောင်က လေးထောင့် ထမင်းဗူးလေး တဗူးပါ။ ဆီတွေ စွန်းမှာစိုးလို့ ပလပ်စတစ်နဲ့ အထပ်ထပ် ပတ်ထားသေးတယ်။

အဲဒါဘာလေးလဲ ဆိုတော့ ကိုယ့်အမ မစံက ငပိချက်လေ တဲ့။ မခင်ဆင့်က နင့်အတွက် ပေးလိုက်တာ တဲ့။ မိချိုက ငပိချက် သိပ်ကြိုက်တယ် ဆိုပြီး သူကိုယ်တိုင် ချက်ပေးလိုက်တာ တဲ့။

ဒီလိုနဲ့ ကိုယ်လဲ ငပိချက် စားတိုင်း မခင်ဆင့်ကို လွမ်းမိပြီး ငါးခူကြော်စားတိုင်း ဒေါ်ကြီးတင် ကို မမေ့နိုင်တော့ဘူးလေ။

မိုးချိုသင်း